Numri i qytetarëve të papunë në Kosovë arriti në 42 për qind

Numri i qytetarëve të papunë në Kosovë arriti në 42 për qind

Prishtinë, 10 nëntor 2005 /TN /QIK - Numri i qytetarëve të papunë në Kosovë arriti në 42 për qind. Kështu u tha në konferencën e cila u mbajt në Prishtinë, ku u diskutua për nevojën e fuqizimit të shoqërisë civile dhe promovim të dialogut social.

Në këtë konferencë janë diskutuar edhe çështja e kontratës kolektive dhe zgjidhja e kontesteve të punës. Agjencioni Evropian për rindërtim ka filluar programin për fuqizimin e shoqërisë civile në vitin 2005 dhe ka për qëllim të zhvillojë kapacitetet profesionale të partnerëve socialë, siç është Qeveria, punëdhënësit dhe punëmarrësit.
Ministri i Punës dhe Mirëqenies Sociale Ibrahim Selmanaj tha se në Kosovë 42 për qind e popullatës është e papunë. Ai është zotuar se Qeveria do të bëjë implementimin e kontratës kolektive.
Ndërkaq Oda Ekonomike e Kosovës në këtë konferencë e ka përfaqësues punëdhënësin në këshillin tripalësh.
Problem i vetëm për implementimin e kontratës kolektive në Kosovë është buxheti i vogël dhe moszgjidhja e statusit u shpreh Ali Dragusha, përfaqësues i Bashkimit të Sindikatave të Pavarura të Kosovës.