Kosumi: Shteti Kosovës nuk mund të paramendohet pa siguri të brendshme efikase

Kosumi: Shteti Kosovës nuk mund të paramendohet pa siguri të brendshme efikase

Prishtinë, 10 nëntor 2005 /TN /QIK - Kryeministri Bajram Kosumi, tha sot se faza e përcaktimit të arkitekturës së shtetit modern të Kosovës nuk mund të mendohet pa sektor efikas të sigurisë së brendshme, në takimin e Grupit Konsultativ të Inspektimit të Sektorit të Sigurisë së Brendshme (ISSR).
"Sektori i sigurisë përbën çështjen më themelore në ndërtimin e një Kosove moderne dhe evropiane.

Kosova u ofron pjesëmarrje të gjithëve në përcaktimin e të ardhmes së tyre në të gjitha aspektet, sidomos në atë të sigurisë, duke i bërë më të përgjegjshëm të gjitha institucionet dhe mekanizmat që merren me sigurinë në Kosovë", tha ai në takimin ku merrnin pjesë përfaqësues të UNMIK-ut, të institucioneve të Kosovës dhe mbajtësit e sigurisë në Kosovë, si dhe përfaqësues të pakicave etnike dhe fetare, të shoqërisë civile, të mediave dhe biznesit.

"Formimi shumë i shpejtë i Ministrisë së Brendshme dhe asaj të Drejtësisë, si dhe mekanizmave të tjerë të sigurisë e bëjnë këtë proces më të besueshëm dhe stabil", tha ai.
Kryeministri Kosumi tha se Qeveria vlerëson se në procesin e rishikimit të sigurisë në vend rol të rëndësishëm duhet t'i lejohet TMK,-së e cila krahas pranisë së NATO-s në Kosovë dhe në bashkëpunim me të, do t'u kontribuonte këtyre proceseve që kanë nevojë për siguri, paqe dhe stabilitet.
Kryeadministratori Soren Jesen-Petersen tha se shqyrtimi i sektorit të sigurisë së brendshme po bëhet me qëllim të krijimit të arkitekturës së sigurisë për Kosovën e së ardhmes. Ai tha se tashmë ka filluar procesi i përcaktimit të statusit dhe gjatë kësaj periudhe është me rëndësi që institucionet vendore të qeverisjes të vazhdojnë me zbatimin e standardeve dhe reformimin e vetëqeverisjes lokale.

Ai vlerësoi si shumë të rëndësishme që të gjithë të punojnë së bashku në ndërtimin e kapaciteteve që do të nevojiten për të menaxhuar Kosovën pas statusit, po ashtu edhe për menaxhimin e një shoqërie të bazuar në sundimin e ligjit. "Kjo është iniciativa e parë konkrete që Kosova të përgatitet për kohën pas statusit", u shpreh Petersen duke iu referuar këtij takimi.
Nga shqyrtimet për transformimin e sigurisë në Kosovë parashihet, që të jetë jetë në krye një Komitet Drejtus nëpërmjet të të cilit do të ndërlidhej qeveria e Kosovës brenda së cilës do të funksiononte sekretariati, por në kuadër të zyrës për siguri të Kryeministrisë. Dhe poashtu do të ishte jshtë këtyre dy institucioneve një grup konsultativ. Grupi Konsultativ i Inspektimit të Sektorit të Sigurisë së Brendshme, po vazhdon punimet me dyer të mbyllura.