Komisioni Evropian në raportin më të ri Kosovën e trajton ndaras nga Serbia dhe Mali i Zi

Komisioni Evropian në raportin më të ri Kosovën e trajton ndaras nga Serbia dhe Mali i Zi

Bruksel, 10 nëntor 2005 /TN /QIK - Në një raport të Komisionit Evropian, Kosova për herë të parë është trajtuar ndaras nga Serbia dhe Mali i Zi.
Komesioneri i BE-së për zgjerimin, Oli Rehn tha se kjo rëndësi praktike duke marrë parasysh fazën në të cilën gjendet Kosova. Raporti thekson mekanizmat me të cilët Kosova mbahet e përfshirë në BE vazhdojnë të jenë mekanizma përcjellës të stabilizim-asociimit.

Perspektiva evropiane e vendeve të Ballkanit Perëndimor, thekson r apori, është e hapur edhe për Kosovën, për të nënvizuar se në Kosovë është arritur përparim në zbatimin e reformave, por edhe më shumë duhet bërë sidomos në reformimin e administratës publike.
Institucionet kalimtare kanë dëshmuar gatishmëri që të përmbushin standardet. Vërehet se është arritur përparim i institucioneve, në ekonomi, si dhe tek TMK-ja, porse siç thuhet në raport, ka lëvizje modeste për sa i përket kthimit të refugjatëve, mosrespekimi i sundimit të ligjit, zgjidhja e problemit të pronës, krimi i organizuar si dhe korrupsioni.
Në aspektin ekonomik, në raport thuhet se përdorimi i euros ka siguruar stabilitetin monetar dhe se Kosova promovon liberalizimin e tregut dhe biznes të favorshëm. Rritja ekonomike ka qenë e dobët, por sipas Komisionit Evropian pjesërisht është pasojë e zvogëlimit të ndihmave nga donatorët.


Komesioneri për zgjerim Oli Ren kërkon që statusi i Kosovës duhet të shoqërohet me standarde

Bruksel, 1O nëntor 2005 /TN /QIK - Komesioneri për zgjerimin Oli Rehn u shpreh se statusi i Kosovës duhet të shoqërohet me standardet, duke inkurajuar të gjithë politikanët dhe vendimmarrësit në Kosovë që të marrin masa që standardet t'i marrin seriozisht.
"Dua t'i inkurajoj të gjithë politikanët dhe vendimmarrësit në Kosovë që të marrin masa që standardet të merren seriozisht në mënyrë që të respektohen të drejtat e pakicave dhe të mbrohen ata, të merren masat për decentralizimin dhe funksionimin normal të një shoqërie shumetnike, në mynyrë që të kemi në zgjidhje të qëndrueshme për statusin e ardhshëm të Kosovës" u shpreh Rehn për BBC-në.
Komisioni Evropian, tha Rehn, mbështet bashkësinë ndërkombëtare dhe Marti Ahtisarin në misionin e tij për çështjen e statusit, për të lehtësuar arritjen e një zgjidhjeje të ekulilibruar dhe të qëndrueshme për Kosovën.

Mirëpo ai kërkoi që t'i kushtohet vëmendje e madhe përmirësimit të standardeve, siç u shpreh "që ato të kapin nivelin evropian" dhe "një kusht për të hedhur hapa në proceset integruese evropiane".