Lavrov thotë se statusi i Kosovës nuk mund të imponohet, por duhet të arrihet me marrëveshje

Lavrov thotë se statusi i Kosovës nuk mund të imponohet, por duhet të arrihet me marrëveshje

Beograd, 7 nëntor 2005 /TN /QIK - Shefi diplomacisë ruse Sergej Lavrov ka deklaraur sot në Beograd se statusi i Kosovës nuk mund të imponohet, por duhet të arrihet me marrëveshje. Njëherit Lavrov është angazhuar për bisedime direkte ndërmjet Beogradit dhe Prishtinës
"Procesi i negociatave për statusin final të Kosovës duhet të jetë në përputhje me Kartën e Kombeve të Bashkuara dhe me Rezolutën 1244 të Këshillit të Sigurimit", është shprehur Lavrov para gazetarëve pas takimit me ministrin e Jashtëm të Serbisë e Malit të Zi Vuk Drashkoviq.
Lavrov ka theksuar se Rusia ai anëtare e Këshillit të Sigurimit dhe si anëtare e Grupit të Kontaktit do të ketë rol aktiv në procesin e negociatave.
Ndërkaq Drashkovqi ka thënë pas takimit se Beogradi në bisedimet për statusin e Kosovës shpreson të ketë mbështetjen e plotë të Rusisë.
Lavrov pritet që në orët e pasdites në mbërrijë në Prishtinë.