Beogradi verifikon 200 mijë pasaporta dhe 350 mijë letërnjotime, që u janë dhënë shqiptarëve vetëm në periudhën 1999-2002

Beogradi verifikon 200 mijë pasaporta dhe 350 mijë letërnjotime, që u janë dhënë shqiptarëve vetëm në periudhën 1999-2002

Beograd, 7 nëntor 2005 /TN /QIK - Ministria e Punëve të Jashtme të Serbisë do të verifikojë të gjitha dokumentët që ka lëshuar në gjashtë vjetët e fundit.

Është thënë nga Beogradi se do të verifikohen 200 mijë pasaporta dhe 350 mijë letërnjotime, të cilat u janë dhënë shqiptarëve të Kosovës vetëm gjatë periudhës 1999-2002.

Madje sipas mediave beogradase në mesin e atyre që kanë marrë pasaporta të Serbisë janë edhe shumë anëtarë të Qeverisë së Kosovës. Zyrtarët serbë i kanë akuzuar kosovarët se po vështirësojnë liberalizimin e regjimit të vizave për Serbinë dhe Malin e Zi dhe anëtarësimin e saj në listën e parë të Shëngenit.
Në anën tjetër qytetarët kosovarë thonë se kanë qenë të obliguar të përdorin nga dy pasaporta të udhëtimit, ngase me dokumentet e UNMIK-ut nuk mund të udhëtohet në të gjitha shtetet e botës.