Panairi i librit përmbys parashikimet

Panairi i librit përmbys parashikimet

4 nëntor 2005 /TN
Çerçiz Loloçi

Panairi i sivjetshëm i librit ka thyer çfarëdolloj parashikimi për nga numri i pjesëmarrësve të shtëpive botuese, nga numri i shikuesve dhe nga një formë më e mirë e organizimit të tij. Organizatorët pohojnë se këtë herë mjediset e QNK-së kanë qenë të tejmbushura nga dashamirësit e librit, por edhe nga zyrtarët e lartë të shtetit dhe të politikës. Natyrisht vazhdojnë problemet e kahershme të botuesve me MTKS-në, nuk ka gjetur një zgjidhje të kënaqshme qarkullimi i librave në rajonin e Ballkanit, ndërsa botuesit mbahen larg nga çmimet vlerësuese të fundvitit. Shoqata e Botuesve Shqiptarë dhe QNK-ja kanë bërë kujdes për të pasur më shumë rregullsi në promovimin e librave, kanë siguruar një sallë informimi, kanë në dispozicion një gazetë libri, ndërsa kanë arritur të kenë një pasqyrim të përditshwm në të gjitha mediat e shkruara dhe vizive.
Por, përpos këtyre arritjeve, nuk mungojnë edhe shqetësimet. Botuesit janë të shqetësuar se nuk po bëhet shumë për qarkullimin lirisht të librit në vise që banohen me shqiptarë. Një iniciativë e botuesve me ish-ministrin e Kulturës, Blendi Klosi, për ligjin mbi librin, ka mbetur në mes, - tha presidenti i botuesve Fatmir Toçi. Gjithashtu ai shtoi se një lloj përkujdesjeje më e madhe duhet për t’u ndihmuar shtëpitë botuese serioze, të cilat kanë në politikën e tyre edhe botimin e tipit akademik që janë me vlerë kombëtare e studimore dhe nuk janë shumë të shitshëm në treg. Plagjiatura është gjithashtu një problem mjaft i mprehtë. Ka ende shumë konflikte mes shtëpive botuese brenda dhe jashtë vendit dhe nuk ka shumë mbrojtje ligjore për t’i dhënë fund kësaj dukurie që është edhe një detyrim për integrimin në Bashkimin Europian.

Shkrimtari dhe përkthyesi i vitit

SHBSH ka vendosur akordimin e të dy çmimeve kombëtare për të vlerësuar njerëzit e letrave shqipe, - thanë organizatorët e panairit. Çmimet emërtohen “Shkrimtari i vitit” dhe “Përkthyesi i vitit”. Këto çmime shkojnë për shkrimtarin dhe përkthyesin më të suksesshëm të vitit, në të gjithë hapësirën shqiptare. Secili botues shqiptar, është apo nuk është anëtar i Shoqatës së Botuesve Shqiptarë, ka të drejtë të paraqesë pranë kësaj shoqate propozimin e vet. Propozimet mund të jenë për autorë që botuesi i ka botuar në shtëpinë e tij botuese ose edhe për autorë të tjerë që i ka botuar një botues tjetër. Propozimet dhe veprat duhet të dorëzohen në SHBSH para datës 27 tetor 2005.
Vlerësimi i tyre do të bëhet nga një juri botuesish, e përbërë prej 7 vetash. Nga kriteret kryesore të vlerësimit do të jenë lloji i veprës (preferohet letërsi artistike, studim, letërsi për fëmijë etj.), numri i kopjeve të shitura gjatë vitit, refleksioni në media i autorit apo veprës, tema apo problemi që trajton vepra etj. Shpallja e fituesve do të bëhet ditën e shtunë pasdite, më 5 nëntor, në mjediset e panairit të 8 të librit “Tirana 2005”. Ky çmim do të jetë i përvitshëm dhe do të kthehet në një konkurs tradicional.

Promovohen librat e Basri Çapriqit dhe Visar Zhitit

Dje, në panairin e librit, u promovua libri me poezi “Burimi nën gjuhë” i poetit të njohur kosovar Basri Çapriqi, shkrimtar, studiues dhe pedagog në Universitetin e Prishtinës. Është një ndër poetët më të njohur në Kosovë, në Mal të Zi dhe në gjuhë të huaj. Në Shqipëri ai u soll nga shtëpia botuese “Toena”. E jashtëzakonshme ishte pjesëmarrja në këtë promovim e të madhit të letrave kosovare dhe të shumënjohurit, shkrimtarit Ali Podrimja. Ali Podrimja foli me shumë respekt për shkrimtarin si njeri dhe si koleg të tij. “Basriu ka filluar të shkruajë që në moshë shumë të vogël. Unë kam qenë i pari që kam lexuar poezitë e tij dhe gjithmonë më ka bërë përshtypje stili i të shkruarit. Në poezitë e tij janë të shkrira të gjitha ndjenjat njerëzore.
Dashuria, dhimbja, gëzimi, të gjitha këto të mbuluara nga një vel trimërie, sepse të shkruaje poezi pas ‘90 në Kosovë ka qenë shumë e vështirë. Fjala e tij e pasur dhe e goditur nuk të lë të dyshosh, ajo të shpie gjithmonë në burimin e duhur dhe aty mund të shuash etjen me ndjenjën se ke lexuar një poezi të mirëfilltë në të gjithw përbërësit e saj”, - u shpreh Podrimja.
Vetë shkrimtari falwnderoi të gjithë të pranishmit për mbështetjen që i kanë dhënë, si dhe shtëpinë botuese “Toena”që kishte bërë të mundur prezantimin e tij në këtë panair.

“Thesaret e frikës”

Një tjetër libër që u promovua është ai i poetit Visar Zhiti me titull “Thesaret e frikës”. Një libër shumë intrigues që në titullin e tij. Çfarë ndjenjash mund të vijnë nga frika, përveç atyre më të mirave, të cilat të bëjnë të jesh trim, të bëjnë tw mos kesh frikë nga asgjë përderisa ti ke zbuluar thesarin e frikës. Siç u shpreh dhe Luan Topçiu, kritik dhe studiues shumë i njohur: “Visari në këtë libër me poezi na ka hapur një rrugë shumë të gjatë ndjenjash që janë aq filozofike sa janë dhe reale. Frika që të shtyn të mbijetosh dhe t’i shpëtosh vdekjes, frika që të bën të duash njerëzit që ke pranë nga frika se mos i humbet. Frika është thesari më i madh sepse pikërisht nga kjo mëson të mos kesh frikë të vuash, të jesh i lumtur të vdesësh. Kjo është frika që të bën të jesh më trim. “Në këtë libër me poezi, autori duket si një sizif që ngjitet dhe zbret në rrugët e vargjeve jo më me një shkëmb të rëndë, por me një mal të vërtetw ndjenjash, të cilat e bëjnë të jetë njerëzor, i prekshëm, i frikësuar dhe, si rrallë ndonjëherë, një baba i dhimbshur që këndon ninulla për të bijën .

Sipërfaqja ekspozuese

Sipërfaqja ekspozuese: mbi 2600 m2
Pjesëmarrës ekspozues: rreth 130
Pavione ekspozuesish: mbi 80
Ekspozues nga jashtë kufijve të Shqipërisë: rreth 35 Organe të medias që ndjekin panairin: rreth 50 Profesionistë ekspozues: mbi 300 veta Shkrimtarë, krijues, autorë etj. pjesëmarrës në
panair: rreth 300 veta
Veprimtari të organizuara në kuadrin e panairit:
rreth 100
Numri i titujve të ekspozuar: mbi 20 mijw ekzemplarë.
Tituj të rinj të ekspozuar: mbi 1500


Veprimtaritë e pritshme

E premte, 4 nëntor 2005:
11.00: “Kosova Feniks”, Luan Mulliqi, album; “Im atë e donte Adolfin”, Mehmet Kraja, roman; “Ishulli Albania”, Ali Podrimja, poezi; Njeriu, po kush tjetër”, Rexhep Ferri, roman.
11.00: “Beratinus”, Shaban Sinani dhe “Kuçova – Enciklopedi”, Shkëlqim Servet Ago, Argeta.
11.30: Studiuesi dhe përkthyesi Muzafer Xhaxhiu dhe vëllimi i tij më i ri me përkthime “Qielli pikon yje”.

12.00: “I huaj në shtëpi”, Kliton Nesturi, Omsca-l.
13.00: “Viset e dhimbjes”, poezi, Marash Mirashi, Ombra GVG.
14.00: ”Odiseja dhe sirenat”, Vaso Tole, Ese, Uegen.
15.00: “Fjalori i orientalizmave në gjuhën shqipe”, Tahir N. Dizdari, AIITC.
16.00: “Një gur i çarë”, Ali Podrimja, Sprovë antologjie për Kosovën. Toena.
17.00: “Përtej familjes”. Monografi e aktorit Marlon Brando, përktheu Timo Flloko. Skanderbeg Books.
18.00: “Engjëj të armatosur”, Diana Çuli, roman, Besa Editrice, Leçe, Itali.
19.00: “Skënderbeu”, Sabri Godo, roman, botim i ripunuar, Toena.

E shtunë, 5 nëntor 2005:
10.00: “Matematika 6”, Artur Shkurti & Sitki Spahia, tekst mësimor, Udha e Shkronjave.
11.00: “Vështroni Meduzën”, Vilhelme Vranari, roman, Toena.
12.00: “Kujtime 1912 – 1936”, Mehdi Frashëri, Omsca-l.

12.30: Me shkrimtarin Luan Kurti dhe librin e tij më të ri “Flaka”, roman.
13.00: “Vepra të zgjedhura”, në 4 vëllime të studiuesit Ali Aliu, Serembe, Shkup.
16.00: “Dikur ishim bashkë”, Brunilda Zllami, roman, Dudaj.
17.00: Dhënia e çmimeve të botuesve: “Shkrimtari i vitit” dhe “Përkthyesi i vitit”, për vitin 2005, Shoqata e Botuesve Shqiptarë.
18.00: “Shqipëria – Ngritja e një mbretërie”, Dituria.

19.00: Kolana e autorëve të rinj “Europa – Atdheu ynë i përbashkët”, veprat e fituesve të Ministrisë së Kulturës të vitit 2004. Ministria e Turizmit, Kulturës, Rinisë e Sporteve & SHBSH.
11.00: Tre libra historikë nga akademiku Kristo Frashëri:
12.30: Libri i ri: “Kafenetë e Tiranës”, tregime të zgjedhura, Kostandin Dhamo, Toena.
17.00: Konferencë shtypi e organizatorëve në mbyllje të Panairit të 8 të Librit.
18.00: Pritje – Koktejl: Me presidentin Rexhep Mediani dhe librin e tij më të ri “Kurthet e shtetit – komb”, publicistikë, stenda Toena.

Entet botuese
1. Adrion Ltd, Tiranë
2. Afërdita, Tiranë
3. Akademia e Shkencave, Tiranë
4. Akademia e Shkencave dhe e Arteve e Kosovës, Prishtinë
5. Albas, Tiranë & Tetovë
6. Albania, Tiranë
7. Alb-Books, Tiranë
8. Albin, Tiranë
9. Almanah, Mali i Zi
10. AIITC, Tiranë
11. AQTLASH, Tiranë
12. Arba Editions, Tiranë
13. Argeta LMG, Tiranë
14. Artini, Prishtinë – Kosovë
15. Art-Club, Ulqin
16. Art-Trade, Tiranë
17. Asdreni, Shkup, Maqedoni
18. ASR, Tetovë, Maqedoni
19. Bacchus, Tiranë
20. Bargjini, Tiranë
21. Besa Editrice, Leçe, Itali
22. Bashkimi i Krijuesve Shqiptarë në Mal të Zi, Ulqin
23. Biblioteka Britanike, Tiranë
24. Bota Shqiptare, Tiranë
25. Botimet Ushtarake, Tiranë
26. Biznesi, Tiranë
27. British Council, Tiranë
28. BUK (Biblioteka Ungjillore Kristiane), Tiranë
29. Camaj - Pipa, Shkodër
30. CD Dritan, Tiranë
31. CID, Podgoricë, Mali i Zi
32. Çelësi, Tiranë
33. Dita, Tiranë
34. Dita 2000, Tiranë
35. Dituria, Tiranë
36. Don Gjon Buzuku, Ulqin
37. Dora D’Istria, Tiranë
38. Doruntina, Tiranë
39. Dritan, Tiranë
40. Dudaj, Tiranë
41. Dukagjini, Pejë – Kosovë
42. EDFA, Tiranë
43. Elena Gjika, Tiranë
44. Elite, Tiranë
45. Elta, Tiranë
46. Elta BS, Prishtinë, Kosovë
47. Enti i Teksteve Shkollore, Podgoricë, Mali i Zi
48. Faik Konica, Prishtinë, Kosovë
49. Furkan, Shkup, Maqedoni
50. Fan Noli, Tiranë
51. Gazeta Shqiptare, Tiranë
52. Genci,Tiranë
53. Gjergj Fishta, Lezhë
54. Gjurma, Prishtinë
55. Globus-R, Tiranë
56. Hellenik federation of Publishers, Athens, Greece
57. Horizont, Tiranë
58. Ideart, Tiranë
59. Ilyricum, Tuz, Mali i Zi
60. Infobotues, Tiranë
61. Instituti Albanologjik, Prishtinë
62. Instituti i Historisë, Prishtinë
63. Instituti Italian i Kulturës, Tiranë
64. ISPS (Instituti i Studimeve Politike Sociale)
65. ISHMI, Tiranë
66. Internacional Books, Tiranë
67. Kisha Ortodokse, Tiranë
68. Këshilli i Europës
69. Kisha Katedrale, Tiranë
70. Kisha Katolike Tiranë,
71. Kokona, Tiranë
72. Konica, Tiranë
73. Korbi, Tiranë
74. Kuçuku, Tiranë
75. Kult, Tiranë
76. Kuteli, Tiranë
77. Kuvendi, Lezhë
78. Labova, Tiranë
79. Libri Shkollor, Prishtinë
80. Libri Universitar, Tiranë
81. Lisitan, Lezhë
82. Logoreci, Tiranë
83. Logos-A, Shkup, Maqedoni
84. Maks-Spektër, Tiranë
85. Medaur, Tiranë
86. Mësonjëtorja I, Tiranë
87. Migjeni, Tiranë
88. Milosao, Sarandë
89. Milosao, Tiranë
90. Naim Frashëri, Tiranë
91. Neraida, Tiranë
92. Nun, Tetovë, Maqedoni
93. Ombra GVG, Tiranë
94. Omsca-1, Tiranë
95. Onufri, Tiranë
96. Ora, Tiranë
97. Oxford Centre LTD, Tiranë
98. Paldo, Tiranë
99. Pegi, Tiranë
100. PEN Qendra e Kosovës, Prishtinë
101. Plejada, Tiranë
102. Plima, Mali i Zi
103. Prizmi, Tiranë
104. QShBP Ushtarake, Tiranë
105. Rilindja, Prishtinë
106. Rotring, Mitrovicë
107. Sejko, Elbasan
108. Serembe, Shkup
109. ShBSh e Maqedonisë
110. Shekulli, Tiranë
111. Shirazi, Tiranë
112. Shkupi, Shkup, Maqedoni
113. Shoqata e Krijuesve për Fëmijë e të Rinj, Tiranë
114. Shpresa, Prishtinë, Kosovë
115. Shtëpia Botuese e Librit Shkollor, Prishtinë, Kosovë
116. Shtëpia Botuese e Librit Shkollor e Re, Tiranë
117. Shtëpia Botuese e Librit Universitar, Tiranë
118. Shtëpia e Librit dhe Komunikimit, Tiranë
119. Shoqata Biblike, Tiranë
120. Skanderbeg Books, Tiranë
121. Spektër, Tiranë
122. Sporti Shqiptar, Tiranë
123. Toena, Tiranë
124. Udha e shkronjave, Tiranë
125. Uegen, Tiranë
126. Universi i Librit, Tiranë
127. Vatra, Tiranë
128. Vatra, Shkup - Maqedoni
129. Vëllezërit Tafa, Tiranë
130. Zambak, Tiranë
131. 55 (Pesëdhjetw e pesë)