Presidenti Rugova përgëzon qytetarët dhe myftiun Tërnava me rastin e festës së Bajramit të Madh

Presidenti Rugova përgëzon qytetarët dhe myftiun Tërnava me rastin e festës së Bajramit të Madh

Prishtinë, 2 nëntor 2005 /TN /QIK - Presidenti i Kosovës Ibrahim Rugova, me rastin e festës së Bajramit të Madh, ka përgëzuar qytetarët e Kosovës, si dhe myftiun Naim Tërnava, Kryetar i Bashkësisë Islame të Kosovës.
"Të gjithë besimtarëve dhe qytetarëve të Kosovës u shpreh urimet e mia të përzemërta me rastin e festës se Bajramit të Madh", thuhet në urimet e Presidentit Rugova.
"Bajrami i Madh është një ditë e shenjtë që vjen pas muajit të agjërimit, të spastrimit e të sakrificës për të mirën dhe të forcimit të besimit në Zotin.
Dhashtë Zoti që sa më shpejt të gëzojmë pavarësinë, që na duhet shumë", theksohet në përgëzimet e Presidentit Rugova.
Gjithathtu Presidenti i Kosovës Ibrahim Rugova ka përgëzuar edhe kryetarin e Bashkësisë Islame të Kosovës Naim Tërnava me rastin e festës së Bajramit të Madh, me urimet e tij të përzemërta dhe të popullit të Kosovës.
"E nderojmë lart punën Tuaj për solidaritetin, mirëkuptimin dhe dashurinë midis njerëzve të Kosovës. Dhashtë Zoti që sa më parë të kemi të njohur pavarësinë, që do të qetësonte këtë pjesë të Europës dhe të botës", theksohet në këtë urim.