Pesë pikat greke për zgjidhjen e statusit të Kosovës

Pesë pikat greke për zgjidhjen e statusit të Kosovës

Athinë, 1 nëntor 2005 /TN /QIK - Qeveria greke do të përdorë lidhjet e saj ndërkombëtare për të kontribuar ativisht në zgjidhjen e problemit të Kosovës, ka deklaruar kryeministri Kostas Karamanlis në një mbledhje të jashtëzakonshme të parlamentit grek për politikë të jashtme.
"Greqia si anëtare e Këshillit të Sigurimit dhe e Bashkimit Evropian, por edhe si kryesuese e Bashkëpunimit Ballkanik, është e gatshme që të përdorë marrëdheniet e saja të jashtëzakonshme me organizatat ndërkombëtare, me të gjitha shtetet e rajonit, me SHBA-të dhe Rusinë që aktivisht të kontribuojë në përpjekjet e zgjidhjes së këtij problemi (Kosovës)", është shprehur kryeministri grek. Karamanlis ka thënë se qeveria e tij po shqyrton ide dhe propozime shumë konkrete për statusin e ardhshëm të Kosovës të bazuara në pesë pika.
Pika e parë është që të gjitha palët, e posaçërisht ajo serbe se plotësisht do të përfshihet në negociatat për statusin e ardhshëm të Kosovës; pika e dytë është që statusi i ardhshëm i Kosovës të përcaktohet në harmoni me parimet e Kombeve të Bashkuara dhe në lidhje me perspektivën e afrimit më të shpejtë të mundshëm të rajonit në institucionet euroatlantike, si dhe që me të (statusin e ardhshëm) të forrohet stabiliteti i rajonit.

Pika e tretë, sipas Karamanlisit, është që Kosova të ketë "një decentralizim efikas dhe një nivel evropian të sigurimit të minoriteteve dhe sigurinë e serbëve të Kosovës, ndërkaq e katërta është që të mbrohet trashëgimia kulturore dhe të fillojë rindërtimi i monumenteve ortodokse.

Pika e pestë dhe e fundit, është që BE të ketë një rol të fortë dhe udhëheqës... sepse zgjidhja (për Kosovën) nuk mund të jetë e përhershme dhe e qëndrueshme nëse nuk do të jetë kë kornizën evropiane, e bazuar në parimet dhe rregullat e Evropës, është shprehur Karamanlis.