Armend Zemaj, kandidati më serioz për kryetar të FR të LDK-së

Zgjedhjet brenda Forumit Rinor të LDK-së

Armend Zemaj, kandidati më serioz për kryetar të FR të LDK-së

1 nëntor 2005 /TN

Rinia e LDK-së në Kosovë, në Gjermani, e Degëve në Përendim, në SHBA, mbështet pa rezervë kandidaturën e Armend Zemajt për të udhëhequr në të ardhmën postin e kryetarit të FR të LDK-së.

Nga Gani TËRSHNJAKU

Gjatë këtyre muajve të fundit nëpër të gjitha degët dhe nëndegët e Forumit Rinor të LDK-së janë zhvilluar zgjedhjet. Ndërsa, kandidati që më së shumti gjatë kësaj periudhe ka marrë përkrajhen e anëtarëve të Forumit Rinor të LDK-së dhe anëtarëve të kësaj partie, padyshim se është Armend Zemaj, një i ri ky që e ka mbaruar fakultetin Juridik është duke i vijuar studimet postdiplomike (magjistraturën) në UP dhe së shpejti pritet të udhëheq rininë e Kosovës, përkatësisht Forumin e Lidhjes Demokratike të Kosovës.


LDK DEGA NË GJERMANI PËRKRAH HAPUR KANDIDATURËN E ARMEND ZEMAJT PËR KRYETAR TË FORUMIT RINOR TË LDK-SË

Gjatë një takimi të kryesisë së degës së LDK-së mbajtur këto ditë në qytetin Essen të Gjermanisë, i është dhënë përkrahje të fuqishme kandidatit Armend Zemaj, që ky në të ardhmën të udhëheq postin e Forumit Rinor të LDK-së. Kryetari Hazir Krasniqi, anëtarët e kryesisë Shpend Shala, Zymer Luli, Myftar Halili dhe shumë të tjerë kanë apeluar tek rinia e LDK-së që t’i jepet përkrahja dhe mbështetja z.Armend Zemajt, ngase kandidati Armend Zemaj ka dhënë shumë kntribut në organizimin dhe mbarvajtjen e aktiviteteve në
LDK, si dhe kohë më parë z.Zemaj e kishte riforcuar degën e LDK-së në zonat e Gjermanisë atje ku jetojnë mijëra mërgimtarë shqipëtar, siq ishte rasti në zonën e qytetit Karlsruhe (Gjermani).


SHQIPËTARO-AMERIKANËT NË MBËSHTETJE TË KANDIDATURËS SË ARMEND ZEMAJT

Këto ditë në takimet e rinisë shqipëtaro-amerikane, bashkëatdhetarëve tanë në zonat e Nju Jorkut, Detroidit dhe zonave të tjera i kanë dhënë përkrahjen e parezervë kandidaturës së Armend Zemajt për kryetar të FR të LDK-së.

Ngase Armend Zemaj dhe familja Zemaj në përgjithësi gjatë kohërave të vështira ka luajtur një rol të veqantë edhe në krijimin e urave të kontaktit brenda shqipëtarëve në diasporë dhe në organizimin e shqipëtarëve në vende të ndryshme të Evropës dhe të Amerikës.

Gjatë një takimi të mbajtur këto ditë në Nju Jork (SHBA), luftëtari dhe aktivisti Ramiz Muriqi në emër të shumë shqipëtarëve të Amerikës ka thënë se Kosova dhe LDK-ja e ka për borgj që familja Zemaj të ketë përfaqësuesin e saj në kryesinë e LDK-së, si dhe në institucionët aktuale të Kosovës.




PROGRAMI I KANDIDATIT PËR KRYETAR TË FR TË LDK-SË, ARMEND ZEMAJ

Hyrje

Forumi i Rinisë i Lidhjes Demokratike të Kosovës si organizatë më e madhe rinore politike në Kosovë, vepron në bazë të kërkesave të rinisë së vendit. Rinia kosovare është përballur me sfida të mëdha gjatë viteve.

Këto sfida kanë bërë që të rinjtë të vlerësojnë lart proceset dhe zhvillimet politike dhe shoqërore. Integrimi i të rinjve në këto procese ka filluar pikërisht me anëtarësimin e tyre në Forumin e Rinisë së Lidhjes Demokratike në fillim vitet e 90-ta. Rinia e LDK-së ka dëshmuar se mund të çojë përparaproceset politike në Kosovë duke krijuar kuadro profesionale në të gjitha lëmit.

Sot, kur Kosova gjendet përballë sfidës më të madhe gjatë historisë më të re të popullit shqiptar - përpjekjes për pavarësinë e saj, Forumi i Rinisë i Lidhjes Demokratike të Kosovës do të zgjedhë një kryetar dhe kabinet të ri udhëheqës nga të cilët do të udhëhiqen e varen qindra mijëra të rinj kosovarë në vend e në Diasporë. Unë si kryesues i mundshëm i FR të LDK-së jam i gatshëm të marr përsipër një barrë të madhe përmbi vete.

Jam i gatshëm që të ju beje balle të gjitha sfidave me te cilat do te përballet FR i LDK-se. Jam kandiduar për kryetar të Forumit të Rinisë i bindur se do të kem përkrahjen e të gjithë atyre të rinjve që për shkak të shumë ngecjeve në shumë procese në jetën politike e shoqërore në Kosovë kanë mbetur pa u profilizuar në segmente të ndryshme të jetës dhe janë lënë anash si pasojë e injorimit të të drejtave të tyre fundamentale.


1.Të rinjtë në politikë

Ksovës më shumë se asnjëherë i duhen politikanë të rinj. Proceset nëpër të cilat po kalon vendi ynë kanë nevojë për energji të reja. Politikanët e rinje kane nevoje për shtytje dhe përkrahje nga politikanet me përvojë.

Unë si kryetar i Forumit të Rinisë së LDK-së do të angazhohem që të krijojë një etikë dhe kulturë të re politike larg filozofisë denigruese. Do të angazhohem që Forumi i Rinisë të ruajë profilin dhe filozofinë politike që Lidhja Demokratike e ka krijuar në krye me presidentin Dr. Ibrahim Rugova, si përfaqësues i idealeve dhe vlerave të mirëfillta demokratike.


2.Shtimi i kuadrove profesionale

Rinia kosovare për dekada të tëra ka ngecur në aspektin arsimor, kështu qe ne do të angazhohemi që rinia jone të jete barabartë me atë te vendeve perëndimore . Bashkë me kryesinë e Forumit të Rinisë së Lidhjes Demokratike të Kosovës do të angazhohem që nëpërmes degëve dhe nëndegëve të Forumit të inkuadrojmë anëtarët tanë në arsimin lartë dhe superior.

Në bashkëpunim me Ministrinë e Arsimit dhe atë të Financave do të stimulojmë të rinjtë që kanë predispozita për të qenë liderë të ardhshëm në jetën politike e shoqërore në vend. Unë do të bëj përpjekje maksimale për të rritur autonominë dhe pjesëmarrjen e anëtarëve të Forumit të Rinisë në menaxhimin e projekteve të ndryshme dhe në vendimmarrje.


3. Vendet e punës

Meqenëse do të angazhohemi në krijimin e kuadrove të reja profesionale dhe stimulimin e tyre, Forumi i Rinisë në bashkëpunim me institucionet qendrore, komunat, degët dhe nëndegët e LDK-së do të përpiqet që anëtarëve të tij t’ua krijojë vendet e punës me qëllim që përpjekjet e tyre për të ecur përpara të bëhen më të lehta.


3.Jeta shoqërore e të rinjve

Kosova si vend në zhvillim ka nevojë për një shoqëri të mirëfilltë civile.Kosova dhe të rinjtë janë ata që e bëjnë një shoqëri demokratike të zhvilluar. Anëtarët e Forumit të Rinisë si dhe të rinjtë në përgjithësi kanë nevojë për më shumë aktivitete të lira të organizuara me profesionalizëm dhe në përputhje me nevojat e tyre. Ne kemi për qëllim që të krijojmë një shoqëri ku para së gjithash mbizotërojnë vlerat e mirëfillta demokratike.

Pjesëmarrja e të rinjve në konferenca e trajnime të ndryshme ua mundëson atyre qasjen më të lehtë në procese. Në kuadër të këtyre projekteve do të hyjnë manifestime të ndryshme kulturore e sportive me karakter garues dhe edukativ - arsimor që do të mbaheshin tradicionalisht.

Në bashkëpunim me degët dhe komunat do të bëjmë implementimin e shumë projekteve të cilat do të menaxhohen nga vet degët e Forumit të Rinisë. Kjo iniciativë do t’ua mundësonte atyre menaxhimin e fondeve të këtyre projekteve praktikë kjo që nuk është bërë më parë nga udhëheqësit e kaluar të Forumit.

Ruajtja e ambientit është bazë për një shoqëri të shëndetshme. Përmes projekteve bashkë me organizata ndërkombëtare dhe me ministrinë përkatëse do të bëjmë të mundur që vendbanimet tona të jenë të pastra.

Në kuadër të kësaj ne do të formojmë një komision të veçantë në kuadër të Forumit i cili ekskluzivisht do të menaxhojë projektet dhe do të udhëheqë të rinjtë që do të angazhohen në ruajtjen e ambientit ku ne jetojmë. Mbrëmjet e shpeshta argëtuese do të jenë pjesë përbërëse e aktiviteteve tona.


4.Rritja e anëtarësisë të FR të LDK-së

Forumi i Rinisë i Lidhjes Demokratike të Kosovës megjithë anëtarësinë e gjerë që e ka, ka nevojë për përfshirje edhe të atyre të rinjve që për shumë shkaqe nuk janë inkuadruar në organizata rinore politike. Me punën dhe angazhimin tonë do të dëshmojmë se LDK-ja meriton rritje në vazhdimësi të anëtarësisë së saj.

Mendoj se për rritjen e anëtarësisë së FR të LDK-së duhet t’u prijnë individë të cilët janë më të aftë, më të vetëdijshëm,më të vendosur, më bashkëpunëtorë drejt realizimit të interesave të të rinjve që bashkohen rreth Forumit të Rinisë sepse rinia kosovare ka pasur, ka dhe më tepër do të ketë shpirt demokratik në funksion të emancipimit dhe edukimit të vet.


6. Diaspora

Diaspora shqiptare ka dëshmuar se mbron vlerat demokratike duke përkrahur vazhdimisht zhvillimin e proceseve në Kosovë. Në koordinim me faktorët relevantë brenda dhe jashtë vendit me subjektet gjegjëse të arsimit, shkencës, kulturës, artit si dhe subjektet e tjera në të gjitha nivelet dhe mjediset duhet të intensifikohen format mënyrat dhe metodat për stimulimin dhe angazhimin intensiv të të rinjve të Forumit të Rinisë së LDK-së në diasporë.


Armend Zemaj: Përse e kërkoj votën tuaj?

Premtoj se do të angazhohem që Forumi i Rinisë së LDK-së të jetë prijës ku vlerat pozitive, sociale dhe shoqërore promovohen përmes programeve të ndryshme të funksionalizuara në degët përkatëse.

Një angazhim tjetër do ta drejtojmë në parandalimin dhe eliminimin e deformiteteve të ndryshme të kohës që janë karakteristikë e shoqërive në tranzicion e që ndikojnë negativisht në shoqërinë e vendit tonë.

Forumi i Rinisë i Lidhjes Demokratike të Kosovës duhet të jetë vërtetë organizatë e të rinjve, më afër rinisë, të zgjedhe dhe të jetojë çdo ditë me hallet dhe kërkesat e rinisë së Kosovës.
___________________________________________________
*Ky shkrim është botuar edhe në të përditshmen "Bota sot"