Ministri Veliu hudhi gurthemelin e objektit të ri shkollor në Skënderaj

Ministri Veliu hudhi gurthemelin e objektit të ri shkollor në Skënderaj

Prishtinë, 27 tetor 2005 /TN

Në prani të nxënësve, mësimdhënësve e qytetarëve, Ministri i MASHT Agim Veliu dhe oficeri i lartë i Zonës së Parë të TMK-së Jetullah Geci, vunë gurin themeltar të objektit të ri të shkollës fillore “Shaban Jashari” në Skënderaj.

Në këtë ceremoni rasti, përveç udhëheqjes komunale të Skënderajit, të prirë nga kryetari Ramadan Gashi, morën pjesë edhe Ministri i MASHT Agim Veliu dhe Ministrja e MSHP-së Melihate Tërmkolli, Komandanti i TMK-së i Zonës së parë, Bashkim Jashari, përfaqësues të subjekteve e shoqatave të kësaj komune dhe qytetarë tjerë.

Kryetar i komunës Ramadan Gashi falënderoi MASHT-in për ndërtimin e kësaj shkolle dhe tha se kjo paraqet një projekt të rëndësishëm që përmirëson kushtet e shkollimit për nxënësit e qytetit të Skënderajt.

Ministri Agim Veliu duke marrë fjalën tha se, gjatë vizitës që ai i bëri Komunës së Skënderajt para një kohe, me ç’rast vizitoi edhe ambientet e shkollës ka premtuar ndërtimin e saj “Qeveria e Kosovës dhe MASHT, ndihemi të privilegjuar që me mundësitë modeste buxhetore, po arrijmë të nisim fazën e parë të punimeve për një objekt të ri të kësaj vatre arsimore me traditë tetëdhjetë vjeçare”, tha Veliu për të shtuar që ndihet i emocionuar, sepse gjatë mandatit të tij merr pjesë në vënien e një gurthemeli në një pjesë të Kosovës, ku mbolli arsim shqip e zhvilloi veprimtari kombëtare i pari i familjes, një nga njerëzit më të afërt të Shaban Polluzhës.

“Nderi është edhe më i madh për faktin se sot, këtu, po nisim ndërtimin e një shkolle që mban emrin e ish mësuesit Shaban Jashari, atij njeriu që lindi Ademin e Hamzën dhe Jasharajt e tjerë, heroizmi i të cilëve reflekton madhërishëm liri e ardhmëri për Kosovën”, tha Minsitri Agim Veliu dhe vazhdoi: Arsimi shqip gjithëmonë ka qenë dhe mbetet themel i përparimit, zhvillimit të përgjithshëm të Kosovës dhe mëvetësimit të saj.

Sipas Ministrit Veliu, më se një dekadë pavarësia dhe liria e Kosovës janë identifikuar me arsimin e pavarur shqip. Prandaj nisja e objektit të shkollës së re me emrin e plakut legjendar Shaban Jashari, koincidon me nisjen e procesit për finalizimin e pavarësisë së Kosovës, ka deklaruar Veliu.

Ai më tej vazhdoi duke pohuar se bashkërisht po vënë gurin themeltar me lutjen e besimin që ky objekt i ri të ofrojë kushte e mundësi për fëmijët që duan më shumë hapësirë, për zhvillimin shpirtëror, për jetën kreative që nesër të rrezatojnë dritë e dituri, për Drenicën, për Kosovën. “Prandaj, për hajr themeli i shkollës së re, asaj shkolle që nisi të frymojë bashkë me vitin e Flamurit dhe të Shqipërisë”, tha në fund të fjalës së tij Ministri Agim Veliu.

Pjesëmarrësit i përshëndeti edhe Ministrja e MSHP znj. Melihate Tërmkolli e cila përgëzoi të pranishmit dhe premtoi se Qeveria do të bëjë më shumë për Drenicën.

Në fund të kësaj ceremonie Ministri i MASHT Agim Veliu dhe oficeri i lartë i Zonës së Parë të TMK-së Jetullah Geci, vunë gurin themeltar të objektit të ri të shkollës fillore “Shaban Jashari” në Skënderaj.
Ministri Veliu hudhi gurthemelin e objektit të ri shkollor në Skënderaj

Prishtinë, 27 tetor 2005 /TN

Në prani të nxënësve, mësimdhënësve e qytetarëve, Ministri i MASHT Agim Veliu dhe oficeri i lartë i Zonës së Parë të TMK-së Jetullah Geci, vunë gurin themeltar të objektit të ri të shkollës fillore “Shaban Jashari” në Skënderaj.

Në këtë ceremoni rasti, përveç udhëheqjes komunale të Skënderajit, të prirë nga kryetari Ramadan Gashi, morën pjesë edhe Ministri i MASHT Agim Veliu dhe Ministrja e MSHP-së Melihate Tërmkolli, Komandanti i TMK-së i Zonës së parë, Bashkim Jashari, përfaqësues të subjekteve e shoqatave të kësaj komune dhe qytetarë tjerë.

Kryetar i komunës Ramadan Gashi falënderoi MASHT-in për ndërtimin e kësaj shkolle dhe tha se kjo paraqet një projekt të rëndësishëm që përmirëson kushtet e shkollimit për nxënësit e qytetit të Skënderajt.

Ministri Agim Veliu duke marrë fjalën tha se, gjatë vizitës që ai i bëri Komunës së Skënderajt para një kohe, me ç’rast vizitoi edhe ambientet e shkollës ka premtuar ndërtimin e saj “Qeveria e Kosovës dhe MASHT, ndihemi të privilegjuar që me mundësitë modeste buxhetore, po arrijmë të nisim fazën e parë të punimeve për një objekt të ri të kësaj vatre arsimore me traditë tetëdhjetë vjeçare”, tha Veliu për të shtuar që ndihet i emocionuar, sepse gjatë mandatit të tij merr pjesë në vënien e një gurthemeli në një pjesë të Kosovës, ku mbolli arsim shqip e zhvilloi veprimtari kombëtare i pari i familjes, një nga njerëzit më të afërt të Shaban Polluzhës.

“Nderi është edhe më i madh për faktin se sot, këtu, po nisim ndërtimin e një shkolle që mban emrin e ish mësuesit Shaban Jashari, atij njeriu që lindi Ademin e Hamzën dhe Jasharajt e tjerë, heroizmi i të cilëve reflekton madhërishëm liri e ardhmëri për Kosovën”, tha Minsitri Agim Veliu dhe vazhdoi: Arsimi shqip gjithëmonë ka qenë dhe mbetet themel i përparimit, zhvillimit të përgjithshëm të Kosovës dhe mëvetësimit të saj.

Sipas Ministrit Veliu, më se një dekadë pavarësia dhe liria e Kosovës janë identifikuar me arsimin e pavarur shqip. Prandaj nisja e objektit të shkollës së re me emrin e plakut legjendar Shaban Jashari, koincidon me nisjen e procesit për finalizimin e pavarësisë së Kosovës, ka deklaruar Veliu.

Ai më tej vazhdoi duke pohuar se bashkërisht po vënë gurin themeltar me lutjen e besimin që ky objekt i ri të ofrojë kushte e mundësi për fëmijët që duan më shumë hapësirë, për zhvillimin shpirtëror, për jetën kreative që nesër të rrezatojnë dritë e dituri, për Drenicën, për Kosovën. “Prandaj, për hajr themeli i shkollës së re, asaj shkolle që nisi të frymojë bashkë me vitin e Flamurit dhe të Shqipërisë”, tha në fund të fjalës së tij Ministri Agim Veliu.

Pjesëmarrësit i përshëndeti edhe Ministrja e MSHP znj. Melihate Tërmkolli e cila përgëzoi të pranishmit dhe premtoi se Qeveria do të bëjë më shumë për Drenicën.

Në fund të kësaj ceremonie Ministri i MASHT Agim Veliu dhe oficeri i lartë i Zonës së Parë të TMK-së Jetullah Geci, vunë gurin themeltar të objektit të ri të shkollës fillore “Shaban Jashari” në Skënderaj.