Qeveria e quan historik vendimin e Këshillit të Sigurimit për fillimin e negociatave për statusin e Kosovës

Qeveria e quan historik vendimin e Këshillit të Sigurimit për fillimin e negociatave për statusin e Kosovës

Prishtinë, 25 tetor 2005/TN /QIK - Vendimin e Këshillit të Sigurimit për fillimin e bisedimeve për statusitn e Kosovës, qeveria e vlerëson si histroik, tha sot zëvendëskryeministri i Kosvës, Adem Salihaj, pas mbledhjes së qeverisë. Ai tha se ky vendim është rezultat i punës dhe angazhimit të Qeverisë së Kosovës dhe të intitucioneve të tjera, të gjithë qytetarëve të Kosovës, dhe të shoqërisë civile.

“Kjo hap kaptinën e fundit të definimit të statusit, të lirisë dhe pavarësisë së plotë të Kosovës”, tha Salihaj, ndërsa ka falënderuar të gjithë ata faktorë që kanë ndihmuar në marrjen e këtij vendimi. Ai bëri thirrje për unitet dhe këmbëngulje që të zhvillohet me sukses procesi i bisedimeve, dhe që “Kosova deri në mesin e vitit të ardhshëm të çohet deri tek statusi i pavarësisë së plotë”.

Ai tha se të gjitha institucionet dhe qytetarët e Kosovës janë të vetëdijshëm për këtë moment historik dhe për rëndësinë e procesit dhe se në këtë kontekst pret bashkëpunim dhe koordinim shumë të madhë për arritjen e “cakut të madh”. Ai tha se në bisedime do të diskutohet për mënyrën e njohjes së pavarësisë dhe jo për vet pavarësinë, ndërsa edhe njëherë ka përjashtuar mundësinë që SMZ-ja të ketë rol të rëndësishëm në proces, pasi ajo nuk ka të drejtë vetoje dhe kështu nuk do të mund të vendosë për fatin e Kosovës.
Ndërsa, sa i përket rolit të UNMIK-ut në këtë proces dhe pas tij, zëvendëskryeministri Salihaj, tha se roli i tij është krejtësisht i reduktuar. “Roli i UNMIK-ut nuk është as ndërmjetësues, as përkrahës për Kosovën në këtë proces”, tha ai dhe se misioni i tij përfundon me zgjidhjen e statusit. “UNMIK-u duhet të shkojë në atë moment që të njihet pavarësia e Kosovës, deri kur pra përfundon misioni i tij”, tha ai.
Salihaj tha se nëse Marti Ahtisari do të emërohet emsiar special për të udhëheur negociatat, beson se do ta udhëheq me sukses procesin, pasi edhe ashtu ai është një personalitet i pranueshëm, “dhe ne do të arrijmë aty ku dëshirojmë”.
Ndërsa, qeveria ka marrë disa vendime të rëndësishme gjatë mbledhjes së sotshme. Ajo mori vendim që të hartohet strategjia për reformimin, gjatë disa vjetëve të ardhshme, të administratës publike, në mënyrë që ajo të jetë efikase dhe t’i afrohet atyre të vendeve të Bashkimit Evropian.

Salihaj tha se qeveria ka marrë vendim që të fillohet me një regjistrim testues të popullsisë së Kosovës, që do të bëhet në disa lokalitete të disa komunave, me të cilën do të pëfitohej një pasqyrë se si do të mund të bëhej një regjistrimi i tërësishëm i popullsisë dhe të dihet se çfarë rezultatesh mund të pritet nga ai.
Qeveria ka marrë vendim për ndarjen e 400 mijë eurove për Ministrinë e Bujqësisë, së cilës i nevojiten për marrjen e masave për parandalimin e paraqitjes së gripit të shpezëve.

Fondi do t’i shërbejë ministrisë për blerjen e mjeteve dhe paisjeve të nevojshme për luftimin e paraqitjes së gripit. Poashtu qeveria shumë shpejtë do të marrë një vendim që Ministria e Shëndetësisë të marrë masat e duhura për pamundësimin e paraqitjes së kësaj sëmundje në Kosovë. “Kjo sepse ne vlerësojmë se çmimi është shumë më i ulët, nëse ne marrim masa adekuate për parandalimin sesa nëse paraqitet ajo”, tha Salihaj.
Gjendja në arsim është ende e rëndë, edhe pse në mbi 50 për qind të shkollave ka filluar mësimi, ka vlerësuar qeveria në takimin e sotëm. Ai tha se qeveria po bën përpjekje në tejkalimin e kësaj gjendje, ndërkohë që ka pasur takime me BSPK-në dhe SBASHK-un, të cilave i është ofruar mundësia që të bëhet nivelizimi i pagave në lëmin e arsimit, ndërsa që sipas Salihajt, arritja e marrëveshjes me UP-në është shumë afër.

Ndërsa, ka ftuar SBASHK-un që të ulet dhe të diskutojë për zgjidhje me Ministrinë e Financave dhe të Arsimit. Ai tha se qeveria ndodhet nën presion të dyfishtë, por është për një zgjidhje që do të plotësonte deri diku kërkesat e arsimtarëve, ndërsa nuk do t’ia prishte qeverisë raportet me Fondin Monetar Ndërkombëtar dhe me institucione të tjera, që bëjnë thirrje që të mos ketë rritje të pagave. Ai bëri thirrje për ndërpreje të grevës pasi nivelizimi i pagave do të bëhet, pavarësisht nëse ndërpritet greva apo jo.
Ministria e Kulturës duhet të nxjerrë një urdhëresë administrative në bazë të vendimit të sotshëm të qeverisë, që në të ardhmen përgjegjësinë e vetme për organizimin e haxhit ta ketë Bashkësia Islame e Kosovës.
Salihaj në përgjigje të gazetarëve për përdorimin e 30 milion eruove që pritet t’i marrë nga borxhet që ia ka PTK-ja qeverisë së Kosovës, tha se shumica prej tyre do të përdoren për mbulimin e procesit negociator.


Kosumi u shpreh në Tiranë se në qershor të 2006 Kosova do të jetë shtet i pavarur dhe sovran

Tiranë, 25 tetor 2005/TN /QIK - Kryeministri i Kosovës Bajram Kosumi, i shoqëruar nga disa ministra ndodhet për një vizitë dyditëshe në Tiranë. Ai fillimisht u takua me Kryeministrin e Shqipërisë Sali Berisha, me të cilin bisedoi për zhvillimet aktuale në Kosovë. Prishtina, tha Kosumi, pret edhe në të ardhmen mbështetje nga Tirana në procesin e përcaktimit të statusit final të Kosovës.
Ndërkaq në një njoftim të Zyrës së Kryeministrit të Shqipërisë thuhet se në këtë takim "Z.Berisha ka vënë në dukje qëndrimin e qeverisë shqiptare se statusi i Kosovës duhet të përcaktohet në përputhje me vullnetin e qytetarëve të Kosovës, që janë shprehur në mënyrë të përsëritur për pavarësi, dhe në bashkëpunim me Grupin e Kontaktit dhe bashkësinë ndërkombëtare, duke garantuar liritë dhe të drejtat e pakicës serbe dhe pakicave të tjera në Kosovë".
Po ashtu Berisha ka nënvizuar se garantimi i këtyre të drejtave dhe lirive është një kusht thelbësor për paqen, stabilitetin dhe demokracinë në Kosovë dhe rajon.
"Berisha inkurajon autoritetet kosovare për zhvillimin e një dialogu me Beogradin për zgjidhjen e çështjeve të tjera që nuk kanë të bëjnë me statusin, për të filluar një kapitull të ri në historinë e marrëdhënieve mes dy vendeve".
"Kosumi theksoi se delegacioni kosovar i propozuar nga Presidenti Rugova dhe miratuar nga Kuvendi i Kosovës, është një delegacion i unitetit. Kryeministri i Kosovës u shpreh se pala kosovare shpreson që bisedimet për statusin të përfundojnë deri në qershor 2006, ndërkohë që edhe Berisha paraqiti qëndrimin e tij se këto bisedime nuk duhet të jenë të gjata", i cili vlerësoi rolin e Shqipërinë për stabilitetin rajonal dhe theksoi vullnetin e qeverisë së Kosovës për të kontribuar për një vizion të ri të rajonit në frymën e bashkëpunimit dhe mirëkuptimit.
Po ashtu thuhet se Kryeministri i Shqipërisë shprehu admirimin e tij për arritjet e Kosovës nën drejtimin e qeverisë kosovare dhe Kombeve të Bashkuara.
Të dy kryeministrat ndanë të njëjtin mendim në lidhje me përparësitë e bashkëpunimit ekonomik mes Kosovës dhe Shqipërisë. Z.Kosumi shpjegoi se tashmë ka filluar puna në Kosovë për fazën studimore të ndërtimit të rrugës Merdare Prishtinë Durrës.
Të dy palët ranë gjithashtu dakort që duhet të bëhen përpjekje më të mëdha për të zhvilluar kushtet për një klimë sa më të mirë për investimet e ndërsjellta në të dy vendet.
Pas takimit Sali Berisha deklaroi para mediave se procesi i bisedimeve për statusin e Kosovës nuk duhet të tejzgjatet pasi kjo nuk do të ishte e mirë për stabilitetin e rajonit.
Nga ana e tij Bajram Kosumi tha se Kosova synon të jetë një shtet demokratik ku respektohen të drejtat e barabarta të të gjithë qytetarëve, ndërkaq për statusin tha: "Unë besoj fuqimisht se në qershor të 2006 do të përfundojnë bisedat për statusin final dhe Kosova do të jetë shtet i pavarur dhe sovran si të gjitha shtetet e tjera".
Edhe kryeministri Berisha u shpreh se procesi i përcaktimit të statusit nuk duhet të tejzgjatet: "Procesi i statusit nuk duhet të jetë një proces i stërzgjatur, pasi në gjykimin tim fluiditeti i faktorit shqiptar duhet të marrë fund dhe nuk është në interes të stabilitetit të rajonit dhe të arrihet në përcaktimin e statusit përfundimatar në përputhje me vullnetin e qytetarëve të Kosovës".
Në fillim të muajit nëntor në Prishtinë do të mblidhen kryeministrat e Shqipërisë, Maqedonisë, Malit të Zi dhe Kosovës. Kryeministri Kosumi deklaroi se uronte që shumë shpejt kësaj nismeje për paqen dhe stabilitetin në rajon.