Analisti Server është i bindur se OKB nuk do të ketë sukses në zgjidhjen statusit final të Kosovës

Analisti Server është i bindur se OKB nuk do të ketë sukses në zgjidhjen statusit final të Kosovës

Berlin, 25 tetor 2005/TN /QIK - Me gjithë konstatimin e ambasadorit Kai Aide, i cili në raportin e tij të fundit për Kosovën thotë se "OKB-ja ka kryer një punë të besueshme dhe mahnitëse në përmbushjen e mandatin të saj", eksperti amerikan Daniel Server shprehet me tone shumë kritike ndaj misionit të OKB-së për të cilën thotë se deri tani "nuk ka zgjidhur ndonjë konflikt të rëndësishëm politik në Ballkan".
Në një intervistë për radion germane "Dojçe vele" Server thotë se OKB ja dështoi edhe në Bosnje. Server pranon se OKB-ja "ka arritur disa suksese të vogla në Ballkan, por vetëm pasi superfuqitë e mëdha kishin vendosur se si do të zgjidheshin ato probleme".
Për misionin e OKB-së në Kosovë Server thotë se ka bërë shumë gabime që kanë të bëjnë me sovranitetin, e sidomos ai kritikon ngadalësimin e procesit të privatizimit nga ana e saj.
"OKB ja ka qenë e suksesshme në zbatimin e vendimeve, por ka bërë shumë gabime që kanë të bëjnë me sovranitetin në Kosovë. Kjo organizatë ka ngadalësuar për shembull procesin e privatizimit atje. OKB ja ka bërë gjithashtu shumë gabime gjatë administrimit të Kosovës, gabime këto që i pranon edhe vetë kjo organizatë", shprehet Server, megjithëse pranon se OKB ja bëri të mundshme krijimin e disa institucioneve vetëqeverisëse.
Madje Serveri është i bindur se OKB nuk do të ketë sukses as në zgjidhjen statusit final të Kosovës, porse këtë, sipas tij, mund ta bëjnë vetëm SHBA-të dhe BE.
"Unë nuk jam i bindur se OKB ja do të jetë e suksesshme në zgjidhjen e statusit final të Kosovës. E vetmja mënyrë për ta zgjidhur këtë çështje në mënyrë sa më të suksesshme, është bashkëpunimi i ngushtë i SHBA s me BE në dhe vendime të qarta", tha në këtë intervistë Daniel Server, drejtor i Institutit.