Pavarësia e Kosovës është mundësi reale nëse përmbushen kushtet e caktuara, thotë Presidenti slloven

Pavarësia e Kosovës është mundësi reale nëse përmbushen kushtet e caktuara, thotë Presidenti slloven

Lubjanë, 2O tetor 2005 /TN /QIK - Pavarësia e Kosovës është mundësi reale nëse përmbushen kushtet e caktuara, ka thënë dje Presidenti i Sllovenisë, Janez Dërnovshek në një konferencë për gazetarë.

Ndër kushtet për pavarësinë e Kosovës Dërnovshek ka theksuar sigurinë për bashkësinë serbe si dhe vendosjen e një lloj autonomie për t'i realizuar interesat e tyre në institucionet e Kosovës.

Si kusht për pavarësinë e Kosovës Dërnovshek thekson edhe mbrojtjen e monumenteve kulturoro historike serbe në harmoni me marrëveshjen përkatëse ndërkombëtare.
Presidenti slloven ka propozuar që negociatat për të ardhmen e Kosovës të mbahen në Slloveni.

Ai ka propozuar që në fillim të negociatave përfaqësuesit e Beogradit, Prishtinës dhe të bashkësisë ndërkombëtare të takohen në një mbledhje joformale qëllimi i së cilës, siç ka thënë, do të ishte përmirësimi i komunikimit dhe vendosja e mirëbesimit.

Propozimin e tij Dërnovshek tashmë ua ka paraqitur përafqësuesve të bashkësisë ndërkombëtare ndërkohë që dje ua ka shpjeguar në hollësi edhe ambasadorëve të vendeve të Grupit të Kontaktit për Kosovën.
Në kuadër të përpjekeve sllovene lidhur me Kosovën, Dërnovshek më 2 nëntor do të vizitojë Beogradin dhe Prishtinën, është njoftuar nga kabineti i tij.