“Kosova dhe çështja shqiptare në udhëkryqet e kohës”

Doli nga shtypi libri më i ri, i njëzetetetë, i Esat Stavilecit

“Kosova dhe çështja shqiptare në udhëkryqet e kohës”

18 tetor 2005 /TN

Këto ditë doli nga shtypi libri më i ri, i njëzetetetë, i Esat Stavilecit me titull: ”Kosova dhe çështja shqiptare në udhëkryqet e kohës”, me moton: ”Shqiptarët duhet të kuptojnë se ‘vetëm me kohë mund të fitohet’ koha”, në 685 faqe, në botim të Institutit për Studime Bashkëkohore të Prishtinës.

Përmbajtja e librit korrespondon me momentin aktual në të cilin po hapen proceset rreth vendosjes së statusit të Kosovës.

Në libër, ndër të tjera, do të mund të lexoni:

- Çështja e Kosovës-njëra anë e çështjes së pazgjidhur shqiptare;
- Pavarësia e Kosovës-një zgjidhje e drejtëpeshuar e kohës;
- Për çfarë duhen të kenë kujdes shqiptarët?
- Kosova ndërmjet nismave amerikane dhe projekteve evropiane;
- Shtetbërja në Kosovë dhe sfidat me të cilat ballafaqohet ajo;
- Të kuptuarit e çështjes shqiptare si një çështje,si kryefjalë e mendimit politik;
- Shqipëria Etnike nuk është “Shqipëri e Madhe”;
- Ka po vete çështja shqiptare?

Tekstet në anglisht:

- Political History of The Kosova Issue;
- Testimony for Kosova.

Në libër janë përzgjedhur paraqitjet e viteve të fundit dhe të kohëve të fundit të autorit të tij në lidhje me Kosovën dhe çështjen shqiptare.