| KULTURË | HISTORI

Deklaratë e Ramush Haradinajt pas vendimit të Gjyakës së Hagës për t'u marrë me aktivitete politike

Prishtinë, 14 tetor 2005 /TN /QIK - Ramush Haradinaj, kryetar i AAK-së, nëpërmjet një deklarate, pasi shpreh kënaqësinë që Tribunali i Hagës është pajtuar që të kyçet në aktivitetet politike, thotë se do të presë edhe disa ditë para se të gjithë të interesuarit ta kenë studiuar vendimin e gjykatës dhe kur protokollet të jenë pajtuar me UNMIK un. Ai në deklaratë thotë se tri gjëra dëshiron t'i përsërisë.
"E para: mënyra më efektive për t'i mbrojtur jetët e qytetarëve që të mbrohet Kosova, që të sigurohemi që asnjëri të mos ketë më dhimbje në Kosovë, për cilëndo familje, shqiptare apo serbe, apo këdo tjetër, është që të përkrahet procesi politik në të cilin jemi të kyçur tani.
E dyta: ne vetëm do të dëmtojmë veten nëse nuk jemi të bashkuar në vendimin tonë për të ndërtuar një Kosovë demokratike, për të ndërtuar një liri të vërtetë, me respekt ndaj të gjithëve të cilët jetojnë në Kosovë, ku të gjithë janë të mbrojtur me rregulla të ligjit.
Dhe, e treta: ne duhet ta përshpejtojmë procesin e integrimit të të gjithë popujve tanë, me të gjitha mënyrat të cilat janë të hapura për ne".
Në fund ai thotë se nëse bëhen këto tri gjëra, "e përkrahim procesin politik, mbesim të bashkuar dhe punojmë për integrimin e të gjithë popujve tanë - pastaj mund të presim një ardhmëri të mirë".