|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

 Tribunali i Hagës i ka mundësuar ish-Kryeministrit Haradinaj që të merret me aktivitete politike e publike

Hagë, 13 tetor 2005 /TN /QIK - Tribunali i Hagës ia ka shkurtuar kufizimet e mbrojtjes në liri ish-Kryeministrit të Kosovës Ramush Haradinaj, i cili tani e tutje do të mund të merret aktivisht me politikë, përfshirë edhe drejtimin e partisë së tij - Aleancës për Ardhmerinë e Kosovës, si dhe të paraqitet me deklarata para mediave. Këtë lajm e bëri të ditur bashkërenduesi i avokatëve të z. Haradinaj Majkell O'Rejli.

 

Sipas këtij vendimi të Gjykatës së Hagës Haradinajt i lejohet të shfaqet në publik dhe të përfshihet në aktivitete politike në atë shkallë që UNMIK-u do ta vlerësojë se është e rëndësishme dhe ka ndikim pozitiv në zhvillimet politike dhe në gjendjen e sigurisë në Kosovë.

 

Çdo aktivitet ku planifikon të marrë pjesë z. Haradinaj duhet të marrë miratimin e UNMIK-ut. Gjykata ka kërkuar nga UNMIK-u që marrë përgjegjësinë për të lejuar apo penguar z. Haradinaj për të qenë i pranishëm në aktivitete të ndryshme derisa duhet t'i dërgojë raportin Gjykatës së Hagës lidhur me rastet në fjalë.

 

Por trupi gjykues ka hedhur poshtë kërkesën e mbrojtjes që t'i rishikojë kufizimet aktuale në gjeografinë e lëvizjes së z. Haradinaj.

 |  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  |