Varshavë: Çështja e statusit final të Kosovës dhe të Malit të Zi të zgjidhet në bazë të së drejtës për vetëvendosje

Varshavë: Çështja e statusit final të Kosovës dhe të Malit të Zi të zgjidhet në bazë të së drejtës për vetëvendosje

Varshavë, 4 tetor 2005 /TN /QIK - Këto ditë në Varshavë të Polonisë u mbajt Konferenca vjetore e OSBE për implementimin e dimensionit njerëzore në të cilin u diskutua edhe çështja e Kosovës dhe më gjerë e rajonit të Ballkanit Perëndimor. Në kuadrin e një prezentimi për çështjen e Kosovës para pjesëmarrësve të Konferencës u prezentue edhe dokumenti i Komitetit Kosovar të Helsinkit (KKH) lidhur me zgjidhjen e cështjes së statusit final të Kosovës.
Në këtë konferencë dr.Gazmend Pula, kryetar i KKH së, së bashku me kryetarin e Komitetit Malazez të Helsinkit (KMH) Slobodan Franoviq, prezentoi dhe elaboroi qëndrimin se statusi final i Kosovës, por, edhe i Malit të Zi, duhet të zgjidhet në bazë të drejtes universale për vetëvendosje dhe atë madje duke implementuar mekanizma të tillë demokratik siq janë referendumet përkatëse. Qëndrimi i KKH së për domosdoshmërin e aplikimit të drejtës për vetëvendosje për zgjidhjen e cështjes së Kosovës u elaborue në Dokument Intervenimin dhe Rekomandimin e KKH së.
Ky intervenim i KKH së u radhit në dokumentacionin zyrtar të kesaj Konference të OSBE së - ODIHR it. Si e tillë i njëjti i është shpërndarë të gjitha delegacioneve shtetërore dhe joshtetërorë pjesemarrëse dhe është vendosur edhe në internet webfaqen e dokumentacionit zyrtar të Konferencës, në mënyrë që të mund të jettë në dispozicion edhe publikut të gjërë.
Në këtë dokument intervenim dhe Rekomandim të KKH se, thuhet mes tjerash se:
duke patur parasysh implementimin e konsiderueshëm të Standardeve për Kosovën si dhe faktin se tensionet e mbetura në Kosovë shkaktohen kryesisht nga cështja e pazgjidhur e statusit final të Kosovës, dhe duke patur parasysh se qëndrimet e kundërta të Prishtinës zyrtare dhe Beogradit mund të sfidojnë edhe stabilitetin e tërë rajonit dhe ashtu të eskalojnë madje deri edhe ne konflikt të hapur, KKH fton bashkësinë ndërkombtare që sa më shpejtë të është e mundur të hapë cështjen e zgjidhjes së statusit final të Kosovës; KKH fton edhe institucionet kosovare dhe UNMIK un që të vazhdojë energjikisht me implementim e Standardeve për Kosovës dhe që ti avansojë ato më tej drejt standardeve europiane që do të conin pakthyeshëm kah integrimet evropiane;
KKH fton autoritetet e Beogradit që të mos obstruojne procesin dhe te të tregojne qasje me përgjegjësi, konstruktive dhe jo destruktive,

KKH fton bashkësinë ndërkombtare të mundësojë zgjidhjen e cështjes së Kosoves dhe Malit te Zi në baze të drejtës universale për vetëvendosje dhe referendum duke mundësuar ashtu përmbyllje stabile të restrukturimit të hapësirës së ish Jugosllavise; aq më parë duke patur parasysh se qasja e tillë është dëshmuar tanimë si qasja më stabile në tërë këtë hapësirë ku është aplikuar;
në fund, KKH fton bashkësinë ndërkombtare që të shpejtësoje sa më tepër procesin e integrimit të tërë rajonit të Ballkanit Përëndimor në Unionin Europian, përfshirë aty Kosovën, Malin e Zi, Maqedoninë, Bosnën, Shqipërinë dhe Sërbinë.
Vemendje të veçantë dhe pyetje përkatëse të pjesëmarrësve të Konferencës lidhur me këtë prezentim në Konferencën e OSBE së në Varshavë zgjoi fakti se për çështjet e statusit final i prezentuan së bashku dhe me qasje të ngajshme përfaqësuesit përkatës të Kosovës dhe Malit të Zi.