Një delegacion i MASHT po merr pjesë në një seminar në Uashington lidhur me zhvillimin e sistemit arsimor

Një delegacion i MASHT po merr pjesë në një seminar në Uashington lidhur me zhvillimin e sistemit arsimor

Prishtinë, 3 tetor 2005 /TN /QIK - Një delegacion i MASHT i kryesua nga ministri Agim Veliu po merr pjesë në një seminar për ngritjen e kapaciteteve në udhëheqjen dhe planifikimin e zhvillimit të sistemit arsimor që po mbahet në Uasington nga 3 deri më 14 tetor.
Sipas organizatorit, qëllimi kryesor i këtij seminari është që të sigurojë forumit pjesëmarrës shkëmbimin e njohurive të cilat mund të ndihmojnë këto vende për të përmirësuar kualitetin, efikasitetin, paanësinë dhe qëndrueshmërinë e arsimit.

Seminari do të jetë një mundësi për pjesëmarrësit që të shkëmbejnë njohuritë e akumuluara për të adresuar detyrimet kryesore të qëllimit të arsimit dhe për të përgatitur e implementuar planet strategjike si dhe realizimin e tyre.
Para nisjes prë në SHBA, ministri Veliu tha se pjesëmarrja në seminar do të jetë rast për të zhvilluar kontakte dhe për të këmbyer përvoja të rëndësishme me vende të tjera të cilat kalojnë nëpër procese të ngjashme me këto që kalon sistemi ynë arsimor. Po ashtu ai tha se do të ketë kontakte dhe biseda me partnerë të tjerë për të gjetur format e bashkëpunimit e të sigurimit të mbështetjes për zhvillimet e mëtejme të sistemit tonë.

Banka Botërore pohon se pavarësisht arritjeve evidente që janë arritur në arsim gjatë dekadës së fundit, vendet me të hyra të vogla dhe të mesme janë qenë duke bërë përpjekje për përmirësimin e cilësisë së arsimit dhe duke zgjeruar zhvillimin e mundësive përtej arsimimit bazik.