Shqipëria përshëndetur ngritjen e grupit negociator të Kosovës për përcaktimin e statusit

Shqipëria përshëndetur ngritjen e grupit negociator të Kosovës për përcaktimin e statusit

Tiranë, 30 shtator 2005 /TN /QIK - Shqipëria ka përshëndetur ngritjen e grupit negociator të Kosovës për përcaktimin e statusit përfundimtar të Kosovës. Përbërja e grupit pasqyron një koncept gjithëpërfshirës, tha Ministri i Jashtëm shqiptar Besnik Mustafaj.
"Në emër të Qeverisë shqiptare e përgëzoj Presidentin Rugova, përgëzoj të gjithë anëtarët e këtij grupi dhe forcat politike që ata drejtojnë dhe shpreh bindjen e thellë se ashtu të bashkuar, këto personalitete të larta politike do të shkojnë në negociata plotësisht të gatshëm për të bashkëpunuar ngusht me komunitetin ndërkombëtar dhe për të dialoguar me vullnet të mirë me palën serbe për të gjitha çështjet e trashëguara nga historia", ka thënë shefi i diplomacisë shqiptare.
Shqipëria mbështet opsionin e pavarësisë së kushtëzuar për Kosovën, e cila do të mundësonte një mbikëqyrje të bashkësisë ndërkombëtare të procesit të pavarësimit të plotë të Kosovës, tha z.Mustafaj. "Kjo është rruga më e mirë që klasa politike e Kosovës të marrë e bashkuar përgjegjësinë e pazakonshme që i takon përpara popullit për të ardhmen e vendit të vet", tha ai.
Ministri shqiptar shprehu bindjen e thellë se ashtu të bashkuar, këto personalitete të larta politike do të shkojnë në negociata plotësisht të gatshëm për të bashkëpunuar ngushtë me komunitetin ndërkombëtar dhe për të dialoguar me vullnet te mirë me palën serbe për te gjitha çështjet e trashëguara nga historia.