Në Maçkaticë janë djegur kufomat e shqiptarëve të Kosovës, por dëshmitarët frikohen të dëshmojnë

Në Maçkaticë janë djegur kufomat e shqiptarëve të Kosovës, por dëshmitarët frikohen të dëshmojnë

Novi Sad, 29 shtator 2005 /TN /QIK - Avokati i Fondit për Drejtën Humanitare (FDH), Dragolub Todoroviq, ka deklaruar se dëshmitarët e krimit në Maçkaticë, ku dyshohet se një një fabrikë janë djegur kufomat e shqiptarëve të Kosovës, por dëshmitarët po frikësohen të dëshmojnë publikisht.
"Ky krim ka ndodhur, ekzistojnë dëshmitarët, por ata kanë frikë të dëshmojnë publikisht me emër e mbiemër", i deklaroi një agjencie serbe, avokati Todoroviq. Ai më tej ka vlerësuar se organet shtetërore nuk kanë bërë aq sa duhet për të hetuar seriozisht rastin Maçkatica dhe ka vlerësuar se autoritetet po përpiqen që tërë këtë rast ta fshehin.
Fondi për Drejtën Humanitare në fund të vitit të kaluar kishte konstatuar se në furrnaltat e fabrikës së Maçkaticës në mënyrë sistematike janë djegur kufomat e shqiptarëve, të cilët forcat ushtarake dhe policore serbe i kishin vrarë gjatë luftës në Kosovë. Sipas këtij Fondi kufomat janë djegur në maj të vitit 1999 gjatë bombardimeve të NATO-s.
Fondi për Drejtën Humanitare thotë se organizatorë kryesorë të këtij aksioni ishin zyrtarë të lartë politikë dhe policorë të Serbisë.