|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Presidenti Rugova priti amdiralin Urlih, komandant i Forcave Detare për Evropë

Prishtinë, 28 shtator 2005 /TN /QIK - Presidenti i Kosovës Ibrahim Rugova priti sot admiralin amerikan Hari Urlih (Harry G. Ulrich), komandant i Forcave Detare Amerikane për Evropë, njëkohësisht dhe komandant i Komandës së Forcës së Bashkuar Aleate (të NATO s) me seli në Napoli.

Presidenti Rugova dhe admirali Urlih biseduan për gjendjen aktuale në Kosovë, e cila u vlerësua e mirë dhe stabile.

Pas takimit Presidenti Rugova, pasi e falenderoi admiralin e NATO-s për kujdesin që po tregon për Kosovën, dhe lavdëroi punën e KFOR-it të cilën e vlerësoi të shkëlqyeshme.

Presidenti Rugova tha se është duke u pritur raporti i ambasadorit Aide për vlerësimin e standardeve në mënyrë që të fillojnë bisedat për pavarësinë e Kosovës, duke e cilsuar këtë si rrugë ndërkombëtare. Ai përsëriti kërkesën e tij për njohje direkte të pavarësisë nga SHBA të dhe Unioni Evropian, sepse siç tha, kjo do ta qetësonte këtë pjesë të Evropës dhe të botës.

 

Në këtë takim është folur edhe për përgatitjet që po bëhen për për formimin e delegacionit të Kosovës për bisedimet e mundshme për pavarësinë. Në këtë drejtim, tha Presidenti, do të punohet si ekip për të mirën e Kosovës dhe për të mirën e të gjithë qytetarëve të Kosovës, duke shprehur bindjen se kjo të kururëzohet me pavarësinë e Kosovës.Admirali Ulrih tha se NATO nuk pret tensionim të situatës së sigurisë në Kosovë gjatë negociatave të mundshme për statusin politik të Kosovës.

 

Ai tha se KFOR i do të vazhdojë punën për të garantuar një mjedis të qetë dhe të sigurt për të gjithë qytetarët e vendit. "Edhe gjatë bisedave për statusin KFOR i do të kryejë misionin e vet brenda Kosovës," tha admirali Ulrich, duke shprehur kënaqësi për informacionet që tha se i ka marrë nga kryetari Rugova për gatishmërinë e palës kosovare për të përballuar me sukses sfidën e procesit të përcaktimit e statusit politik.

Admirali Ulrih gjatë ditës do të takohet edhe me Kryeministrin e vendit, liderët e partive opozitare etj.

 |  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  |