Forumi Rinor i LDK-së Dega II në Prishtinë zgjodhi kryesinë e re

Forumi Rinor i LDK-së Dega II në Prishtinë zgjodhi kryesinë e re

PRISHTINË, 19 shtator 2005 /TN - Dje në Prishtinë i zhvilloi punimet Kuvendi i VI-të Zgjedhor i FR të LDK-së, Dega II Prishtinë. Punimet i hapi Kryetari i Degës Florian Dushi i cili fillimisht përshëndeti mysafirët e pranishëm në Kuvend, si : Kryetarin e Degës II të LDK-së dhe njëherit Ministër i MTPT-së z. Qemajl Ahmeti, Lulzim Zeneli Kryetar i FR të LDK-së pastaj Ismet Beqiri Kryetar i Degës së I-rë dhe njëherit Kryetar i KK të Prishtinës e shumë përfaqësues të tjerë të degëve të FR të LDK-së.

Kuvendin e përshëndetën Qemajl Ahmeti Kryetar i Degës II të LDK-së i cili vlerësoi lart punën e Degës së II të FR LDK-së dhe premtoi se ndihma dhe përkrahja e Degës së LDK-së sikurse deri më sot edhe në të ardhmen nuk do të mungoj.

Kryetar i FR të LDK-së Lulzim Zeneli, duke vlerësuar lart punën dhe aktivitetin e kësaj dege mes tjerash tha: “besoj se nga ky Kuvend Dega e II e FR të LDK-së do të dal edhe më e fuqishme”.

Ndërsa Kryetari i Degës së I-rë Ismet Beqiri mes tjerash tha: "puna e Degës së II meriton një respekt të veçantë, punë, e cila e bënë Degën II njërën ndër degët më të mira, ai gjithashtu e çmoi lart bashkëpunimin në mes të degëve të Prishtinës, si atyre të LDK-së ashtu edhe të atyre të FR të LDK-së

Pas shqyrtimit dhe miratimit të Rregullores së Punës dhe të Raportit të Punës, delegatët me votim të fshehtë zgjodhën Kryesinë e re të Degës në përbërje prej 15 anëtarëve.



Kryetar u zgjodh Nexhat Berisha një aktivist i dalluar i Degës II, nënkryetare e parë Jeta Rafuna , më pas Arbër Binaku dhe Burim Godeni ndërsa sekretare e degës Kimete Sahiti.

Kuvendi zgjodhi edhe 12 delegat të Degës II që do ta përfaqësojnë këtë Degë në Kuvendin Qendror të FR të LDK-së.

Ne fund Kuvendi njëzëri miratoi edhe planin e punës së Kryesisë së Degës II për periudhën e ardhshme dyvjeçare.

Nga ky Kuvend i Degës II të FR të LDK-së iu dërgua edhe një telegram përshëndetës Presidentit të Kosovës Dr. IBRAHIM RUGOVA.
FORUMI I RINISË I LDK-së
DEGA II, PRISHTINË
TELEGRAM
Presidentit të Kosovës Dr. Ibrahim Rugova


I nderuari z. President,

lajmin që na e kumtuat Ju për sëmundjen Tuaj, ishte një shqetësim i madh edhe për ne.
Tani na gëzon fakti se Ju jeni me shëndet më të mirë.

FR i LDK-së, Dega II Prishtinë ju përshëndet përzemërsisht duke ju dëshiruar shërim sa më të shpejt.

Jemi të bindur se ashtu si i fituat shumë beteja politike do ta përmbyllni edhe procesin e pavarësisë së Kosovës të filluar nga Ju.


Kryesia e FR të LDK-së
Dega II
Prishtinë 17/09/2005