Pse e vlerësoj festivalin e Polifonisë

OPINIONE

Pse e vlerësoj festivalin e Polifonisë

17 shtator 2005 /TN

Bujar LESKAJ, MIinistër i turizmit, kulturës, rinisë dhe sporteve

Kam kënaqësinë më të madhe qe, si ministër i Turizmit, Kulturës, Rinisë dhe Sporteve, si djalë i Vlorës, të përshendes Festivalin e 5- të të Iso –Polifonisë Popullore, festival i cili tashmë është një aktivitet me prestigj të padiskutueshëm kombëtar dhe ndërkombëtar.

Polifonia popullore është ajo vlerë, që populli ka krijuar për të qenë së bashku në halle dhe gëzime, në dhimbje dhe në vdekje, për të qene së bashku kështu si sot në këtë festë të madhe të kulturës, qytetarisë dhe turizmit kulturor.

Duke përshëndetur pa përjashtim të gjitha grupet pjesëmarrëse të polifonisë dhe të pjesës tjeter të folkorit shqiptar që na nderuan me pjesëmarrjen e tyre ketu; duke falenderuar të gjithë ata që ndihmuan në bashkë organizimin e këtij aktiviteti, veçanërisht Bashkinë e Qytetit Vlorë, në emër të Qeverisë Shqiptare dhe Ministrisë së Turizmit, Kulturës Rinisë dhe Sporteve, se më lejoni t’ju them se, trashëgimia kulturore e në mënyrë të vecantë folklori ynë i mrekullueshëm do të jenë një prioritet aftgjatë i punës sonë.

Kujdesi për trashëgiminë kulturore shpirtërore do të ndikojë në mënyrë te vecantë në rritjen e cilesëisë dhe financimeve për këto aktivitete, në rritjen e cilësisë dhe financimeve për botimet dhe CD-të me muzikë popullore shqiptare, në kujdesin për grupet popullore, studiuesit dhe intitucionet e trashëgimisë kulturore, e të gjitha këto së bashku, do të sjellin një turizëm elitar dhe vëmendje kombëtare dhe mbarëkombëtare për këto vlera dhe për Shqipërinë në tërësi.

Polifonisë popullore, dhe në mënyrë të vecantë Vlorën, si kryeqytet i polifonisë, i kësaj vlere të padiskutueshme të folkorit tonë, Ministria jonë e ka cuar edhe në vëmendjen e UNESCO-s me qëllim që, në kuadrin e vlerësimeve ndërkombëtarëve që ky institucion serioz jep për trashëgimitë kulturore të popujve të botës, të bëhet e mundur që Iso –Polifonia të marrë statusin e “Kryeveprës së trashëgimisë gojore të njerëzimit”. Marrjen e këtij statusi, në Vlorën e kulturës, në Vlorën e turizmit, Vlorën e të gjithëve.