Komisioni Evropian propozon heqjen e vizave për mërgimtarët në Zvicër

16 shtator 2005 /TN / Zef Ahmeti - Gjatë kohës së pushimeve verore, post ë tjerash, çështja e regjimit të vizave transit për në BE për të udhëtuar për në vendlindje ka qenë dhe është një maltretim shtesë. Procedurës së marrjes së vizave në konsullatat e shteteve të BE-së, e sidomos në atë të Austrisë dhe Italisë, iu është dashtë t`i nënshtrohet çdo kosovar që ka dashur të udhëtoj me veturë drejt vendlindjes.

Për ti dhënë fund kësaj gjendjeje, Komisioni Evropian ka propozuar heqjen e transit-vizave për shtetasit e shteteve të treta që jetojnë e veprojnë në Zvicër. Posaçërisht nga ky propozim përfitojnë individët nga ish-Jugosllavia. Vlerësohet se vetën në verën e vitit 2003 janë detyruar të marrin vizë mbi gjysmë milioni. Sindikatat dhe organizatat e emigrantëve në Zvicër ka kohë që kanë kërkuar heqjen e kësaj procedure.

Sipas Komisionit tash po del, se edhe BE-ja ka interesat e veta me lehtësimin përkatësisht heqjen e vizave, meqë shpenzimet e administratës konsullatore të vendeve të prekura janë shumë të mëdha. Propozimi i Komisionit Evropian do të kaloj në Parlamentin dhe Këshillin e Evropës.

Sipas deklaratës së zëdhënësit të Komisionit z. F. Roscam, shpresohet se vizat do të largohen me fillimin e vitit 2006. Po ashtu në shtypje ekziston edhe nga Zvicra e sidomos nga Forumi zviceran për integrimin e emigrantëve. Pritet që javët në vijuese sekretari gjeneral i këtij organi, Claudio Micheloni, të takohet me parlamentar të BE-së që kjo çështje të realizohet.

Ky lehtësim do të jetë jetëshkurtër nëse Zvicra në referendumin e 25 shtatorit pranon marrëveshjen me BE-në. Pra, nëse Zvicra hynë në marrëveshjen e shengenit, atëherë nga kjo do të përfitojnë drejtpërsëdrejti edhe mërgimtarët.