Dimitrovizimi i opozitës

OPINIONE

Dimitrovizimi i opozitës

16 shtator 2005 /TN

Nga Kabil Bushati

1-Acta est fabula

Këto janë fjalët e fundit të Perandorit Romak Oktavian Augusti të cilat i artikuloi përpara se të vdiste. Dhe këto fjalë mbeten sentencë ndër shekuj. Në gjuhën shqipe përkthehen:"shfaqja mori fund". Pikërisht këtë sentencë të Augustit të Madh akoma nuk e kanë kuptuar dhe nuk duan ta kuptojnë socialistët tanë që më 3 korrik 2005, populli shqiptar me votë plebishitare ua hoqi pushtetin, paçka se vonuan dy muaj e gjysmë për ta dorëzuar. Por ndërkohë çka ngjarë dhe ç'po ngjet. Asgjë për t'u habitë dhe gjithçka për t'u lemeritë. Kryetari i dorëhequr i PS-së dhe ish kryeministri Fatos Nano është shndërruar në një sheik shëtitës ndërkombëtar.

Që prej dy muajsh e gjysmë, së bashku me Sihanuken e tij, nuk po lë vend klimateriko-turistik të botës pa shkelur me këmbë, me çarter në dispozicion. Dreka e darka në lokalet më të shtrenjta, pritje përcjellje nga më të kushtuarar qëq do të ua kishte zili edhe Ekaterina e Rusisë. Po me paratë e kujt. Vetëkuptohet se me paratë e shqiptarëve të leqendisur, të cilët dhe sot e kësaj dite vijojnë të marrin bukën e kalamajvet me lista. Nano ka mbushë thasët me lekë e devizë dhe nuk rruan trapin a ka çfarë u ha miu pas darke bashkëkombësve të tij. . .

Ndërsa stapi i gjatë i PS-së, njiheri edhe kryebashkiaku i Tiranës, ka veshë rrobat e Plakut të Vitit të Ri dhe me shkop në dorë po gjezdis fshat më fshat për të "zgjuar"nga gjumi rozalinjtë e thjeshtë, që humbja e votimeve të 3 Koriikut i ka topitë dhe tromaksur keqazi. "Unë nuk ngutem por vrapoj" artikulon në çdo tubim kryebashiaku dy metrosh. Ka nisë lifta e bërrylave se kush do të ketë nderin të ulet në karrigen e kryetarit të rozalinjëve. . . Çuditërisht asnjeri prej tyre nuk po e kupton akoma sentencën e Augustit se "shfaqja ka marrë fund". . .


2-Meraku i fundit

Kryeministri dhe ministrat rozalinj kishin vetëm një merak. Pasi për 8 vite resht iu turrën Shqipërisë dhe e vodhën me kuç e maç, i vodhën mbi tokë e ënëtokë, ujë e ajr, u mberti edhe diçka e vockël merak. Të vidhnin edhe maqinat e shtrejta qeveritare dhe të linin parkun e kryeminitrisë vetëm me karrocat e plehrave. A thue se ministrat e rinj që po vinin nuk ishin shqiptarë por të ardhur diku nga periferitë e Beogradit.

Ministrat përfshi dhe kryeministrin (përjashto Marko Bellon)rrëmbyen maqinat luksoze me targat qeveritare dhe ja kaluan me dokumente Parlamentit Shqiptar, që t'i kenë përseri për vehte, kësaj radhe jo si ministra por si deputetë të opozitës. Kur kabineti Berisha, pas betimit tek presidenti Moisiu, u paraqit në detyrë në selinë e kryeministrisë, nuk patën vetura as për të shkuar e as për t'u kthyer. Nuk u mjaftuan me kaq por vodhën edhe pajisjet kryesore dhe të çmuara të këshillit të ministrave. Me një fjalë nuk treguan asnjë respekt për paratë e taksapaguesve shqiptarë, sepse të gjitha këto janë blerë me këto para.

Në Amerikë, që është vendi më i pasur i botës edhe stilolapsa e zyrës ka të stampuara fjalët:"pronë e SHBA-vë", askush nuk mundet me e përdorë atë stilolaps jashtë zyrës sepse vepron ligji. Dhe nesër kur qeveria e re të ua heqë maqinat e grabitura, të jeni të sigurt se rozalinjtrë do të bërtasin në Parlament:Berisha fillon fushatën politike kundër deputetëve të opozitës. O tempora, o mores.

Rozalinjtë tanë, nuk u ngopën as duke vjedhur thesarin e shtetit vite më parë, as duke zhvilluar kontrabandë si askush në botë, as duke vjedhur tatimet, taksat e biznesmenëve shqiptarë, as duke vjedhur tërë tarifat e telefonisë fikse e celulare. Më në fund, edhe në ikje vodhën përsëri, maqinat luksoze qeveritare, kësaj radhe me dokumente të rregullta. . .


3-Skandali i fundit;4 milion dollarë cigare

Prokuroria e përgjithshme me të drejtë dhe pa asnjë presion urdhëroi arrestimin e Nard Kokës në Durrës për kontrabandën e 4 milion dollarëve me cigare. Ky trafik ka vazhduar prej vitesh në portin e Durrësit dhe në disa pika të tjera kalimi kufiri. Pas vitit të mbrapshtë '97, Himara ishte porti i vetëm në Europë ku nuk funksionoi zyra doganore për dy-tre vite radhazi duke i lenë duar të lira Gramoz Ruçit të kontrabandojë gjithfarëq artikujsh pa paguar asnjë lek doganë.

Po kështu dhe Bashkim Fino apo Anastas Angjeli me të tjerë. Partia Socialiste Shqiptare në këto 8 vite qeverisjeje u shndërrua në sinonim të Partisë së Kontrabandës. Rast i kontrabandës së cigareve që përmëndëm më lart është dhumë sinjifikativ. Në rrjetin e cigareve të Nard Kokës janë të pleksura shume fije kontrabandistësh ish qeveritarë, të cilëve nuk u premtoi koha as për të eliminuar fizikisht 4 milion paqeta cigaresh të ardhura nga Mali i Zi me anije. Kontrabandistëve të Nanos u mbeti dopio gjashta në dorë dhe ka rrezik t'i përlajë me tërë lecka.

Deklarata e kryebashkiakut të Durrësit, njëheri edhe vëlla i Nard Kokës, nuk është asgjë më shumë se sa një tentativë e pastër për të mbuluar gjurmët e kontrabandës që u ka shpërthyer në duar. Arrestimin e të vellait ai e quajti një veprim të pastër poltik, duke akuzuar për këtë kryeministrin Berisha, që në periudhën e arrestimit nuk ishte fare kryeminisdtër i këtij vëndi. Pra kryebashkiaku rozali i i Durrësit, Lefter Koka, mvihet në rolin e Dimitrovit bullgar. Nga i akuzuar kthehet në akuzues.


4-Dimitroviada

Që ditën e parë që u hap Parlamenti i ri shqiptar, deputetët rozalinj të opozitës u transformuan në Dimitrovë duke zgjedhur një taktikë sulmi kundër demokratëve që u morën pushtetin 8 vjeçar. Me sa duket akoma dhe sot e kësaj dite Partia Socialiste ka mbet me mësimet e klasikëve të marksizëm leninizmit. Dhe e themi pa ngurim se po realizohet skema e vjetër e dimitrovizimit të Parlamentit. Diskutimet e Namik Dokles, Gramoz Ruçit, Ben Blushit, Arben Malajt e tjerë janë apriori të mbushur me frymë dimitroviste. Qeveritarët socialistë për vite me radhë janë akuzuar nga Partia Demokratike për nivelin galopant të korrupsionit dhe për përvehtësime të pa skrupullta.

Në vend që deputetët socialistë të bëhen faktor ndihmës për nismën e qeverisë Berisha për zhdukjen e korrupsionit, përkundrazi, ata duan që ta frenojnë këtë nismë me akuza bajate. Në vënd që ata, në këtë sallë Parlamenti të bëhen një me pozitën demokratike për të zhdukë e dënuar korrupsionin edhe branda vehtes, çuditërisht kthehen në Dimitrovë. Të frikësuar nga nismat që do të ndërmarrë qeveria Berisha kundër korrupsionit, Edi Rama dhe Arben Malaj, para pak ditësh shpallën kandidaturat për të fituar kreun e opozitës rozë. Në këtë mënyrë ata synojnë që postin e kryeopozitarit ta përdorin si salvaxhento për të shpëtuar veten nga llumi ku janë zhytur. . . dhe dimitroviada vazhdon, në javët e ardhshme deputetët socialistë do të mbajnë spektakle në Parlamentin shqiptar.


5-Ëndrra vere me. . . prokurorë

Kapobandave të rozalinjëve ka tre muaj që u është prishur gjumi. Ata shohin ëndrra me prokurorë, seanca të gjata pyetjesh dhe salla me toga gjyqtarësh. Kjo verë ishte e tmerrshme për hajdutët me limuzina luksoze. Por po t'iu pyesësh ata nuk thonë se u dalin në ëndërr prokurorë, hetues e gjyqtarë. Të gjithë do të përgjigjeshin një zëri se çdo natë u del në ëndërr Berisha dhe ministri i brendshëm Olldashi. Këto dite Zëri i Popullit e quante Olldashin: Koloneli i Gestapos.

Sa turp, Olldashi ka qenë gazetar në organe serioze të mediave të shkruara e vizive. Kur flet gazetari për gazetarin kështu, i dashur lexues imagjinojeni deri në ç'batak ka rënë e majta shqiptare, ku kolegu gazetar quan kolegun gestapovist, në një kohë që Olldashi akoma nuk ka ngrohë karrigen e ministrit të brendshëm. Por ata nuk duhet të kenë frikë as nga PD-ja, as nga Berisha e as nga Olldashi. Partia Demokratike, ministrat dhe kryeministri nuk do t'i bëjnë prokurorin askujt, pasi ka ikë koha e partisë shtet. Prokurorin e bën prokurori, gjykatësin e bën gjykatësi dhe hetuesin e bën hetuesi. Akuzat i formulojnë dhe i artikulojnë vetëm institucionet kushtetuese të cilat janë të pa varura. Mjerë ai që ka shkelë e do të shkelë ligjet e këtij shtet.