Në Terstenik të Drenasit u varros me nderime shkrimtari i shquar për fëmijë Rifat Kukaj

Në Terstenik të Drenasit u varros me nderime shkrimtari i shquar për fëmijë Rifat Kukaj

Drenas, 13 shtator 2005 /TN /QIK - Në fshatin Tërsetenik të Drenasit në prani të qytetarëve të shumtë të Kosovës, familjarë dhe shkrimtarë e të tjerëve u bë ceremonia e varrimit të shkrimtarit më shquar të letërsisë për fëmijë Rifat Kukaj.
Në emër të karvanit të shkrimtarëve për jetën dhe veprën e shkrimtarit Kukaj foli Xhevat Sylaj, pastaj dr. dom Lush Gjergji, Gani Halilaj, imami Osman Musliu, Vehbi Rexhepi dhe dr. Mehmet Rukiqi. Në fund të ceremonisë së varrimit mbi varrin e shkrimtarit Rifat Kukaj u vunë kurora të shumta lulesh.
Ndërkaq dje në mesditë u mbajt një akademi komemorative të organizuar nga PEN Qendra e Kosovës, kushtuar shkrimtarit Rifat Kukaj në të cilën morën pjesë familjarë të tij, shumë miq dhe përfaqësues të jetës kulturore e politike në vend.
"Kishim përshtypjen se në rastin e tij ky shkrimtarë më nuk e shkruante librin por libri e shkruante shkrimtarin, një mishërim i këtyre dy pasioneve ishte rezultati i punës së tij mbi gjysmë shekullore në fushën e letërsisë për të cilën Karvani i shkrimtarëve për fëmijë e nderoi para dy vitesh me një kremte të veçantë", tha shkrimtari Agim Deva.
Rifat Kukaj ia kushtoi tërë jetën botës fëmijërore andaj të gjitha veprat e tij i janë kushtuar fëmijëve. Në këtë fushë ai dha kontribut tejet të çmuar. Vetëm në kuadër të Karvanit të fëmijëve ai mori pjesë në rreth 502 shkolla dhe manifestime të ndryshme.

Në të gjitha këto manifestime ishte i vetmi që më së miri diti t’i ngritë në këmbë sallat me fëmijë duke u shpërblyer me duartrokitjet e tyre më të sinqerta.