E papritura!!!

OPINIONE

E papritura!!!

12 shtator 2005 /TN Një aktivist shumëvjeçar i LDK-së

I rëndë ishte lajmi se Presidenti ynë Dr.RUGOVA po vuan nga një sëmundje bukur e rëndë, i rende ishte edhe ballafaqimi me realitetin e idhët se ai tashmë përveç për Kosovën e tij të shtrenjtë do të duhet të kujdeset edhe për shëndetin e tij, edhe pse një gjë e tille është dhe duhet të jetë shumë normale.

U shtangëm të gjithë para ekraneve televizive, po prisnim se ai do të na tregonte se definitivisht është ende i fort, i shëruar plotësisht dhe se tani ai do te mund të vazhdoj edhe më tutje luftën e tij gati të përfunduar për pavarësinë e Kosovës, Dardanisë antike siç do të thoshte ai.

Mu duk se asgjë më nuk është duke frymuar në Kosovë, mu duk se gjithçka mbaroi në Kosovë, e humba çdo shpresë, por, e gjithë kjo ligështi më kaploi sepse kisha harruar për një moment se ai është njeri i madhe, një burrë malesh, malësor siç e quajti homologu i tij shqiptar, ai është një lider i madh dhe se nuk do e na lër vetëm, nuk do ta ndërpres betejën e filluar tash e pesëmbëdhjet vite më parë për bërjen e shtetit te Kosovës.

Dhe përkundër sëmundjes se tij ai tani do të luftoj në dy fronte, në njërën anë do të luftoj për përmbylljen e procesit të njohjes formale të pavarësisë së Kosovës dhe në anën tjetër me sëmundjen e tij të pabesë që erdhi në kohën më vendimtare në historinë e Kosovës.

Ai tërë jetën ia kushtoi Kosovës
E çfarë mund t’i jap tash Kosova atij
E çfarë mund t’i japim ne atij
Asgjë përveç lutjes për te, atëherë

O Zot te lutemi na ndihmo
Na e ruaj Presidentin tonë
O Zot kujdesu
Për shëndetin e Presidentit tonë

Shkruan një aktivist shumëvjeçar i LDK-se : “Ne lutemi per ty”