NATO-ja thotë se Shqipëria, Kroacia, Maqedonia nuk janë të gatshme për t’u anëtarësuar në aleancë

NATO-ja thotë se Shqipëria, Kroacia, Maqedonia nuk janë të gatshme për t’u anëtarësuar në aleancë

09 shtator 2005 / TN
Zëri i Amerikës (08.09.2005)

Një zyrtar i lartë i Departamentit amerikan të Shtetit thotë se NATO-ja nuk duhet të zgjerohet me anëtarë të rinj të paktën deri në vitin 2008. Kroacia, Maqedonia dhe Shqipëria kishin shpresa për t’u anëtarësuar që vitin e ardhshëm.

Zëvendës ndihmës sekretari i shtetit për Çështjet e Evropës dhe Euroazisë Kurt Volker thotë se zyrtarët e Shteteve të Bashkuara dhe NATO-s, që zhvilluan sot një takim në Bruksel nuk mendojnë se tre vendet ballkanike janë të gatshme të bëhen anëtare të aleancës.

Ai tha gjithashtu se zyrtarët ranë dakord se nuk ishte e udhës që NATO-ja të zgjerohej këtë vit, ose vitin e ardhshëm. Zoti Volker nuk e përjashtoi mundësinë e përfshirjes së Ukrainës në zgjerimin e NATO-s së bashku me vendet ballkanike në vitin 2008. Aleanca ka thënë se Ukraina duhet të zbatojë reforma të konsiderueshme para se të anëtarësohet.