Petersen, Aide e Surroi urojnë Presidentin Rugova që të shërohet sa më shpejt

Petersen, Aide e Surroi urojnë Presidentin Rugova që të shërohet sa më shpejt

Prishtinë, 5 shtator 2005 /TN /QIK - Shefi i UNIMK-ut Soren Jesen Petersen nëpërmjet një deklarate me shkrim ka shprehur brengën e e tij pasi kishte mësuar për sëmundjen e Presidentit Rugova.
"Ndiehem i brengosur pasi mësova lajmin se Presidenti Rugova vuan nga kanceri në mushkëri. I uroj shërim sa më të shpejtë dhe njëherësh shpreh bindjen time se Presidenti do të vazhojë të qëndrojë stoik në sfidat që po i paraqiten duke dhënë kontributin si në të kaluarën ashtu edhe tani".
Petersen u bëri thirrje qytetarëve të Kosovës që të qëndrojnë unikë dhe të shprehin solidaritetin e tyre ndaj Presiedntit Rugova dhe të vazhdojnë përpjekjet e tyre në përmbushjen e detyrave dhe aspiratave që janë përcaktuar me qëllim që e ardhmja e Kosovës të jetë më e mirë.
Edhe Kaide Aide, i dërguar i posaçëm i OKB_së për Kosovën, nëpërmjet një deklarate i uroi Presedentit Rugova shërim të shpejtë. "E njoh prej 11 vitesh. E mirëpresim sidomos transparencën e tij që e domostroi sot dhe natyrisht i urojmë shërim të të shpejtë dhe shpresojmë që të kemi mundësi të bisedojmë sërish me të për të gjitha çështjet e rëndësishme me të cilat po përballet Kosova. Tani është shumë e rëndësishme që të kemi një tablo të unifikuar", u shpreh Aide.
Lideri i ORA-s Veton Surroi veçoi rolin shumë të rëndësishëm të Presidentit Rugova nëpër të cilin po kalon vendi. "Paraqitja e Presidentit të Kosovës ishte një moment i prekshëm që të manifestohet sëmundja e Dr. Rugovës. Unë shpresoj personalisht se Presidenti do të bëhet më mirë.

Është një rol i pashmangshëm jo vetëm si kryetar, por edhe personaliteti i Dr. Rugovës që të marrë pjesë në fazën përfundimtare të përcaktimit të statusit të Kosovës", tha Surroi.