|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  |

Zvicra mburr pavarësinë e Kosovës. Por, cila është pesha e saj në rajon ?

  ZVICËR: Udhëtimi i Kalmi-Rei ringjall shpresat e Kosovarëve

30 korrik 2005 / TN
 

Vincent BOURQUIN
30 korrik 2005 « La Tribune de Genève »

 

Vizita e saj është pritur me përzierje të indiferencës dhe shpresës. Këshilltarja federale Micheline Calmy–Rey (Mishlin Kalmi-Rei) sot në mëngjes ka mbërri në Prishtinë për një vizitë katër-ditësh.

 
Ky udhëtim në Kosovë vjen në një kontekst të veçantë.
 

Ambasadori i Zvicrës në Kombet e Bashkuara, Peter Maurer, në fakt ka mbrojtur më 27 maj para Këshillit të Sigurimit « pavarësinë formale » të Kosovës.
 

Sikur shumë Kosovarë të Zvicrës, Driton Kajtazi, kalon disa ditë të pushimeve në Durrës në Shqipëri. Dhe për çfarë diskutojnë buzë bregut të Adriatikut pjesëtarët e diasporës? “Për vizitën e Micheline Calmy-Rey në Prishtinë”,  buzëqesh ish-kryetari i Shoqatës së studentëve shqiptarë të Universitetit të Lozanës.
 

 “Intervista e ministreshës së Punëve të jashtme, e publikuar në "LaTribune de Genève", është marrë dhe publikuar nga agjencitë e shtypit kosovar dhe shqiptar”, rrëfen ai i cili tash e tutje është arsimtar në Yverdon. Njëra ndër gazetat më prestigjioze kosovare, Koha Ditore, titullonte përndryshe të mërkurën “Calmy-Rey rithekson qëndrimin zviceran për një Kosovë të pavarur.”
 

Por Zvicra a ka ajo mjaft peshë për të luajtur një rol vendimtar për të ardhmen e krahinës autonome? “Me kosovarët  me të cilët kam biseduar janë të bindur se ajo (Zvicra) ka një peshë shumë të madhe  sepse ajo është e paanshme dhe ka një reputacion të mirë. Ajo  po ashtu mund të bind institucionet e mëdha financiare për të na ndihmuar”.

 

 

Zvicra nën ndikim ?
 

Rëndësia e vizitës së Micheline Calmy-Rey është shumë e mirëpritur. Një gazetar i një gazete shumë serioze të Prishtinës “Zëri” bënë ndërlidhje: “Shtypi ka paralajmëruar këtë udhëtim, por ky nuk është konsideruar nga popullata si një ngjarje e madhe. Për ndryshe, deklaratat e Zvicrës për pavarësi kanë bë një jehonë të madhe”.
 

Alexander Anderson, përfaqësues i Organizatës jo qeveritare Grupi Ndërkombëtar i Krizave (International Crisis Group) në Prishtinë nuk ishte në dijeni për vizitën e këshilltares federale. Sidoqoftë, ai kishte lexuar deklaratat e bëra nga Peter Maurer në Nju Jork: “Kjo mund të luaj një rol në bisedimet për të ardhmen e Kosovës, sepse, sido që të jet ato deklarata janë bërë para Këshillit të sigurimit.”
 

Por për hulumtuesit, s’ka dyshim. Çelësi kryesor për të ardhmen e rajonit nuk është Zvicra, por mirë e qartë Uashingtoni. Saktësisht cili është qëndrimi i Shteteve të Bashkuara mbi të ardhmen e kësaj krahine? Asnjë deklarim zyrtar. Por sipas shumë vëzhguesve, administrata Bush do mbështeste pavarësinë.
 

Këshilltari nacional Josef Lang përndryshe shtron pyetjen: “Mos ka pas Zvicra ndonjë shtytje nga Shtetet e Bashkuara për të mbështetur pavarësinë e Kosovës?”
 

Micheline Calmy-Rey kundërshtonte plotësisht këtë interpretim: “kjo deklaratë vjen si rezultat i një procesi të gjatë të reflektimit në Departamentin federal të punëve të jashtme”, pohonte ajo të martën në rreshtat e Tribunës* (La Tribune de Genève, e përditshme gjenevase v.j.)
 

Victor-Yves Ghebali, profesor në institutin universitar të studimeve të Larta ndërkombëtare në Gjenevë, shpreh shumë dyshime: “E shoh keq intervenimin e Zvicrës krejt e vetmuar. Është dashur që ajo të organizohet bashkërisht me shtetet tjera perëndimore:” Një analizë që mbështetet nga shumë specialistë të kësaj çështje.

 
 
Çelësi kryesor Rusët
 

Për rolin e Zvicrës për të ardhmen e Kosovës, Victor-Yves Ghebali, profesor universitar i studimeve të Larta ndërkombëtare të Gjenevës shtron pyetjen: “Çka mund të bëj Zvicra në këtë çështje? Të mbështes një ndihmë ekonomike apo t’i referohet një modeli zviceran.” 
 
Por, për specialistin e marrëdhënieve ndërkombëtare, njëri nga aktorët vendimmarrës është Rusia, e cila deri më tani gjithmonë ka kundërshtuar pavarësinë e Kosovës: “prej qershor 1999, asnjë rezolutë për Kosovën nuk është aprovuar nga Kombet e bashkuara”.

 
 
E ardhmja e paqartë
 

Për profesorin gjenevas, e ardhmja e këtij rajoni mbetet shumë e paqartë: “Shqiptarët dhe Serbët nuk dëshirojnë të jetojnë së bashku, derisa UNMIK-u dëshiron t’i shtyjë të jetojnë së bashku. Nga ana tjetër, Kosova është krejt një vend i vogël që nuk është për ndarje.” Por, për arsimtarin, “Mbajtja e status quo-së është shumë më e vështirë se sa kriza që do krijohej nga pavarësia”.
 

Këshilltar i specializuar për Ballkanin, Bashkim Iseni nënvizon se deklaratat e Peter Maurer dhe Micheline Calmy-Rey janë pritë jashtëzakonisht mirë nga komuniteti i madh kosovar që jeton në Zvicër: “Përderisa çeshtja e pavarësisë nuk të zgjidhet, diaspora është e shqetësuar e kjo e bënë edhe më të vështirë integrimin e  saj”.

---------------
Marrë nga e përditshmja gjenevase "La Tribune de Genève" e datës 30 korrik 2005.