Mishlin Kalmi-Rej hap Konferencën mbi Ballkanin në Lucern të Zvicrës

Lucernë (Zvicër): Ministresha e konfederatës zvicerane, Mishlin Kalmi-Rej hap Konferencën për Ballkanin

LUCERN (Zvicër), 3 korrik 2005 / TN – Mishlin Kalmi-Rej (Micheline Calmy-Rey) Ministresha e punëve të jashtme të Zvicrës, ka hap dje (e shtunë 2 korrik) Konferencën për Ballkanin në Lucernë të Zvicrës. Rreth pesëdhjetë pjesëmarrës politikë do të diskutojnë në veçanti të ardhmen e Kosovës.

Ministresha e diplomacisë zvicerane, ka deklaruar se është e lumtur për pjesëmarrjen kaq të madhe të përgjegjësve të lartë nga Ballkani, për të marrë pjesë më këtë tryezë të rrumbullakët për dy ditë buzë liqenit të Lucernit.

Zonja Kalmi-Rej në veçanti ka falënderua Allen Kassof prestar i organizatës joqeveritare amerikane « Project on ethnic relations » (PER) që ka organizua këtë konferencë të Lucernit në bashkëpunim me Departamentin federat të punëve të jashtme (DFAE). « Ju keni bërë të mundur ajo që dukej e pamundur », i ka thënë këshilltarja federale z. M. Kassof.

Tri qeshtje me rëndësi do të debatohen gjatë dy ditëve, ka thënë zonja Kalmi-Rej.

Së pari, Ballkani dhe Kosova duhet të jenë të gatshëm për një ndryshim, së dyti, pjesëmarrësit do të shtrojnë kushtet për sigurimin e sigurisë në rajon. Së fundi, bashkëbiseduesit do të diskutojnë mënyrën se si shqiptarët dhe serbët do të mund të bashkëjetonin në një Kosovë demokratike.

Shefja e diplomacisë zvicerane ka përkujtuar se angazhimi i Zvicrës për dialogun mbi Ballkanin mbështetet në veçanti te faktori njerëzor : 400.000 veta nga Ballkani jetojnë në Zvicër, ka përkujtuar ajo para shtypit.

Kemi të bëjmë me konferencën e tretë mbi Ballkanin që mbahen në Zvicër, në kuadër të procesit siç thuhet të Lucernit, që organizohet nga DFAE dhe OJQ PER. Takimi bashkon rreth pesëdhjetë përgjegjës serbë e kosovarë (shqiptarë të kosovës), por edhe evropianë, amerikanë, shqiptarë, maqedonas dhe malazias. (ats)