|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

Koment

Rebusi i 3 korrikut

2 korrik 2005 / TN / Nga Kabil Bushati                                                  

  

  

1-Sfinksi Parlament 

 

Tashti në këtë fund qershori plot të nxehtë, ndertesa e sertë dhe pozante e Parlamentit Shqiptar i ngjason nga performanca Sfinksit Egjiptian. Kjo ndertesë, goxha në zemër të Tiranës fsheh në brendësinë e saj dhjetra enigma të ketyrë 15 vjetëve të fundit,duke filluar me skenarët ramizjanë të fillimviteve '90, duke vijuar me ngjarjet e '97 të mbarsura me firmat piramidale dhe djegjen e gjysmës së vendit,për të mbaruar me komisionet e "famëshme"parlamentare kundër korrupsionit.

 

Këto enigma të Sfinksit Parlament nuk u zbardhën kurrë deri më sot për opinionin shqiptar, ndonëse këtij poinioni sot të gjitha partitë i kërkojnë votat për të ngjitur shkallët e Sfinksit. Vertetë sa "magjistarë e sa magjistrica", sa orakuj do të ketë sejcila parti shqiptare në brendësi të Sinksit? Si gjithnji Sfinksi mbetet Sfinks, ai fsheh në vetvehte enigmat, i ruan ato me fanatizëm, se përndryshe nuk do të quhej Sfinks.

 

2-Kuarteti 2005

 

Nuk është ndonjë grup muzikor.Është grupi më i ri i politikës shqiptare.Për 14 vite radhazi ne u mësuam më një duet,PS+PD.Dueti Nano+Berisha që nuk dha asnjë notë të re në ansamblin politik. Një politikë bipolare që nuk i dha asgjë Shqipërisë, veçse varferi te skajshme, korrupsion, krim dhe pa siguri për jetën.Tani skakiera politike e vendit tonë është restauruar. Dy levizje të reja janë çfaqë pa pritmas, LZHK+LSI.E para drejtohet nga Mbreti Leka dhe i dyti nga ishkryeministri Ilir Meta.

 

Njera përfason spektrin e djathtë politk dhe tjetra atë të majtin.Merita e ketyre dy levizjeve qëndron në atë se ato arritën të demantojnë bipolin politik të PD+PS,të drejtuara nga dy ish komunistë të cilët pretendojnë të drejtojnë në pa fundësi këtë vend.LZHK dhe LSI kanë arritë të dobësojnë kultin e dy ish partive të mëdha dhe dita ditës po i defaktorizojnë ato e në raport të drejtë me këtë defaktorizim po faktorizojnë vetvehteën. Pa sharje, pa fyerja dhe pa premtime boshe Mbreti dhe Meta po i hyjnë në zemër elektoratit të çoroditur shqiptar.

 

Dhe këtë Berisha dhe Nano po e shikojnë dhe po e shijojnë dita me ditë. Statura e tyre ka nisë të lekundet dhe rrezikon shkermoqje. Ndaj ata në bashkepunim po i bëjnë një luftë të pa ndershme ketyre dy levizjeve elgante të reja. Ata po e shohin se janë të demtuar rëndë. Por gjithsesi tashmë shqiptarët kanë një kuartet politik. E kanë merituar me kohë.

 

3-Prognozë

 

Nata e 3 korrikut ka të pa pritura të pa imagjinueshme.Kjo natë do të hyjë në historinë e pluralizmit shqiptar si Nata e Rebusit. Siç e kemi prognozuar në gazetën tonë dy muaj më parë;asnjerës parti nuk do t'i buzeqeshë mazhoranca parlamentare 70+1.As Partisë Socialiste e as Partisë Demokratike. Ky popull për të ruajtë të ardhmen do ta bëjë vetë ndryshimin e Madh. Sovrani do të dijë të shperndajë votën dhe përgjegjësinë qeverisëse. Pra në lojë tani nuk do të jenë dy ishpartitë e medha,por janë katër.LSI-ja rezikon seriozisht PS-në dhe nuk është ndonjë çudi që ta tejkalojë atë në vota.

 

Nano ka shume mundesi që të mbesë me gisht në gojë kesaj radhe nga Ilir Meta.Në partinë e Metës janë atashuar gjithëv intelektualët e majtë që aspirojnë për integrim në Europë seiozisht e jo me slogane si Baba Nano.Po keshtu edhe mbretërorët që janë përfshir në nji levizje të gjerë siç është LZHK-ja.

 

Ata janë më të besueshëm se sa partitë e tjera kur thojnë:ne bejmë shtet.Vertet,ay që u mungon shqiptarëve në këto 15 vjet demokraci,është shteti në plot kuptimin e fjalës. LZHK-ja sipas të gjitha gjasave ka shume prioritet që të tërheqë pas vehtes elektoratin bojkotues që vertitet kund 1 milionshit. Po të marrë këtë elektorat kjo levizje ka të gjitha shancet që të dominojë Sfinksin Parlament.

 

Sondazhet që jep Mjafti nën etiketën e Gallupit janë të gjitha fallco. Përqindjet e partive në 3 korrik nuk janë të sakta por të manipuluara dhe në asnjë menyrë nuk do të përkojnë me realitetin e pas tre ditëve.     

 

4-Kryeministëriada

 

Kush do të jetë primati i qeverisë shqiptare pas 3  korrikut?Kjo pyetje shqetëson të gjithë shqiptarët brenda e jashtë vendit gjatë gjithë ketyre javëve të nxehta të kesaj fushate elektorale. Nano thotë se nëse fiton këto zgjedhje do të jetë ai kryeministri i Shqiperisë. Berisha ka një vit që është vetëshpallur primat i qeverisë shqiptare,pa pyetur asnjeri,athue se ka të bëjë me tribu të lashta. Po kështu edhe Ilir Meta pohon për ditë.

 

Mbretërorët akoma nuk e kanë shpallur kryeministrin e ri.Pra beteja për primatin qeveritar vijon në intensitet të plotë.Asnjeri nuk ka siguri, bile asnjeri nuk ka siguri se do të fitojë votat ne zonën e tij elektorale.As Nano në Sarandë, as Berisha në Kavajë.Ata rrezikojnë të skualifikohen nga elektorati.

 

Për këtë ata janë blinduar duke vënë vetvehten në krye të listave të proporcionalit,që sido që të vejë më 3 korrik,asnjeri të mos rezikojë të mbesë jashta derës së Sfinksit.Por gjithsesi sejcili do të kapërdijë pështymën që ka nxjerrë në adresë të tjerëve. Nëse fiton Berisha, do detyrohet që të kapërdijë gëlbazën që ka nxjerrë kundër mbretërorëve dhe të kërkojë koalicion me ta,pasi nuk do të sigurojë përqindjen parlamentare për të krijuar qeveri.Nëse fiton Nanoja për të njejtat aresye do të jetë i detyruar që të lëpijë këpucët e Metës që të krijoë qeveri...

 

Gjithsesi shtrohet pyetja se kush do të jetë pas 3 korrikut primati i qeverisë shqiptare.Mendoj që nuk do të jenë as Nano e as Berisha.Cikli i tyre tashmë quhet i përfunduar.

 

5-Luftë lobingjesh

 

Dy forcat e vjetra politike shqiptare,për të krijuar mbeshtetjen nderkombëtare në përgjithësi dhe atë amerikane në veçanti, janë lidhë me lobet më të fuqishme në SHBA.Sali Berisha,me anë të Nikolas Gejxhit, me të cilin ka bërë vitin e fundit dy takime tete a tete në Tiranë mu në zyrën e vet,pa praninë e gazetarëve dhe vetëm me praninë e ish ambasadorit Xhefri në Shqiperi, ka krijuar lidhje të ngushta me lobin grek në Amerikë, kundrejt disa kërkesave akoma të pa publikuara,por që hamendësohen,të cilat ja ka paraqitë Gejxhi.

 

Me anë të kryesuesit të lobingut grek në SHBA,Berisha ka arritë të rikredencializohet në sytë e Shtepisë së Bardhë dhe të rikrijojë një imazh të ri.ndryshe nga ai i '97-tës, kur amerikanët e dëbuan për reckash nga ndertesa presidenciale e Tiranës. Pra figura e Berisahës është ridimensionuar sërish. Ardhja e forcave të djathta në qeverinë e tanishme greke me në krye Karamanlisin është një arësye më shumë për të besuar se Doktori do të rivijë në pushtet, gjithnjë sipas llogarive të tij.

  

Mirpo edhe Nano nuk ka ndejtë vendnumero dhe nuk e ka kaluar gjithë kohën e lirë duke luajtë kumar.Ai e ka kuptuar se Berisha ka rivendosë maredhenie të mira me lobingun grek në ShBA. Menjëherë kryeministri ynë një metër e një qebap i gjatë,ka kontaktuar me Mosadin që na është ulë këmbëkryq në Tiranë dhe ka vendosë lidhje të fshehta me lobingfun izraelit të ShBA-vet, lob ky i cilesuar nga analistët politik të huaj si më i fuqishmi në gjithë territorin e Amerikës.

 

Është i vetmi lobing që mund t'i kundervihet atij grek dhe ta hedhë tu♪5 mu në mes të Nju Jorkut. Për t'i hyrë në qejf ketij lobingu, Nano në zenithin e fushatës elektorale, në zonën ku ai kandidon, ka prishë rreth 20 ndertesa private, për te nxjerrë nga nëntoka një sinagogë të vjetër izraelite. Dhe po vazhdon intensivisht punimet pa çarë kokën se çfarë flasin kundershtarët e tij politikë.

 

Vizita e së prëmtes e shefit të CIA-s në Tiranë, zotit Porter Goss dhe takimi i tij me Nanon kokë më kokë në zyrën e kryeministrisë, sipas disa burimeve të pa konfirmuara akoma, flet për sugjerimin që lobi izraelit i ka bërë shefit të sherbimit inteligjent amerikan i ka bërë për rivleftësimin politik të kryeministrit aktual shqiptar. Gjer më 3 korrik në metropolin njujorkez vazhdon lufta e ketyre dy lobingjeve për kryeministrin e ardheshem të Shqiperisë.Shqipëria po promovohet nëpër botë me politikanë të riaftësuar.

 

6-Post 3 korrik

 

Mëngjesi i 4 korrikut do ta zbardhë rebusin e rrëmujshëm të politikës shqiptare.Cilado do qeveri që të vijë,e djathtë apo e majtë,do ta ketë sërish halë në sy gazetën "Shkodra",pasi ajo do ti bëjë oponencën çdo qeverie. Ne nuk u përkasim partive,por shoqerisë shqiptare,ndaj kemi për të qenë gjithnji prezent e të lexueshëm për publikun tonë.

 

E dimë që do të a sulmojnë me të gjitha mjetet e format e sofistikuara, gazetën dhe bizneset,por edhe ne nuk do të rrimë duarkryq, do ta sulmojmë qeverinë dhe qeveritarët me të njejtat mjete,pasi ne çdo gjë që kemi e kemi të ligjëshme. Lexuesit tanë të shumtë brenda e jashtë vendit duhet të jenë të sigurtë se dhe pas 3 korrikut ne do të jemi ata që ishim.Do të denoncojmë çdo biznes të pa ligjshëm  të qeveritarëve duke filluar nga ndertimet në Qafë të Okolit të Bogës e duke mbaruar në Konispol.Tek e fundit, ky është misioni i çdo gazete.