Arbnori, një fushatë me parametra saksone

OPINIONE

Portrete kandidatësh

Arbnori, një fushatë me parametra saksone

2 korrik 2005 / TN / Nga Kabil Bushati

-Malësia e Madhe, treva ku kandidatët për deputet të Shqipërisë duhet të marrin shembull-

Këto ditë, të kësaj vere politike tejet të nxehtë, axhenda e Pjetër Arbnorit është tepër e ngarkuar.Është orë me fat e ditës nëse do të arrish të lidhesh me celularin e Mandelës, pasi sekretaria do të përgjigjet; numri AMC që ju keni kërkuar për momentin ndodhet jasht zonës së mbulimit. Arbnori me stafin e tij elektoral ndodhet gjithë në levizje si ujët e Cemit, sa në Vermosh, sa në Vukël, sa në Kastrat e sa në Lohe.

Ai është akomoduar në qytetin e Koplikut dhe gjer në fund të fushatës kryeqyteti do të jetë për Mandelën një "mollë e ndalueme". Kandidatura e tij për deputet të PD-së në zonën numër 1 të Malësisë së Madhe ka shenuar parametra të një fushate saksone.

I qetë, logjik,i dashur,stoik,ky është portereti i Arbnorit në takimet gju më gju me malësorët e Ded Gjo Lulit, Mul Delisë e Prekë Calit. Asnjë fyerje për kundershtarët e tij,asnjë nënvleftësim apo përçmim. E pra Pjetri ka të drejtë të kacafytet me kundershtarët e tij të majtë,se ka bërë 28 vite burg gjatë diktaturës. Se ai është njeri, politikan e shkrimtar.

Është njeri se ka falë të gjithë persekutorët e vet,është politikan se kandidon për herë të gjashtë si deputet i Partisë Demokratike dhe është shkrimtar se gjer më sot ka botue 15 libra voluminoze,pa llogaritur këtu dhe përkthimet e shumta nga gjuhët e huaja. Këto janë bonuse për Arbnorin.Një curriculum të tillë do ta kishte zili çdo burrë shteti.

Është pasdreke dhe kemi shkuar në Koplik,atje ku është stacionuar me shtabin e fushatës. Po aty nuk gjen asnjeri.Totalisht me në krye Arbnorin ata janë nisë për nëkomunën e Shkrelit në fshatrat Gradeskije,Lohe e Sipërme e Reç.Nisemi me shpejtësi në dreëjtim të ketyre fshatrave që i qëdrojnë si kuronrë Koplikut.Me u lidhë me celular me Arbnorin gjithnji është e pamundur.

Mberrijmë në Reç.Mandela ka mbledhë fshtarët dhe po bashkebisedon me ta. Ai iu shpjegon atyre javash javash plateformen ekonomike të PD-së dhe prioritetet e saj në raport me atë të socialistëve. Por nuk shanë kundershtarët dhe nuk thotë mos votoni për ata,thotë votoni për më të mirin.

Nganjëherë nuk mungojnë edhe batutat e zakonsahme të tij,por gjithnji me vend dhe me kripë aq sa është e nevojshme. Ai nuk u tregon degjuesve për vuajtjet e tij në burg, siç ndodh rëndom me kandidatë të tjerë,por u shpjegon platformën për të ardhmen,për ta nxjerrë Malësinë e Madhe nga prapambetja. Ai i njeh ata me resurset dhe me projektet për të ardhmen. Dhe Arbnori ka njohje të fuqishme me njerëz të huaj që kanë lidhje me fushën e biznesit. Nisemi nga Reçi me Arbnorin për të u kthyer natën në

Koplik. Autokolonë me dhjetra maqina, me drita e me flamuj të PD-së.

-Kam marrë me qindra mesazhe nga shqiptarë të diasporës dhe kam plotësisht edhe mbeshtetjen e tyre-më thotë Arbnori.

Dhe ai thotë të vërtetën,biles harron të më thojë se në shtabin e tij elektoral vijnë shpesah edhe mal;ësorë,personalitete nga trevat e Malit të Zi të cilët mbeshtesin fuqishëm kandidaturën e tij. Ndahemi me Mandelën,pasi ai do të shkojë në një bisedë televizive në Tv Kopliku,gjithnji i shoqeruar nga dhjetra malësorë që nuk e lënë për asnjë çast të vetëm. Bisedën e Arbnorit e ndjekim me interes nga Shkodra.

Përseri i qetë dhe me etikë. Asnjë sharje apo nervozizëm ndaj kundershtarëve,por gjithnji fjalë të urta edhe në adresë të tyre. Është i vemti kandidat për deputet që nuk shanë e fyen kundershtarët e vet,njëkohësisht është i vetmi kandidat për deputet që as kundershtarët e tij nuk mund ta akuzojnë për një majë gjëlpere. Është meritë e Pjetrit që Malësia e Madhe,ndryshe nga gjithë Shqipëria po zhvillon një fushatë tip Blair. Dhe është meritë e Mandelës. Me sa duket edhe kësaj radhe,për të gjashtën herë si Andreoti,Pjetër Arbnori do të jetë deputet i Kuvendit të Shqipërisë.


Ardian Dajti:jam shkodran dhe do të baj Shkodrën

(Kirurgu që hoqi gjak nga trupi i vet për dy të plagosur rëndë)

Një zë i ri në poltikën e metropolit verior. Kirurgu Ardian Dajti,kandidat për LSI-në. Një kurrikul që do të ia kishte zili gjithkush. Një njeri potent,një intelektual,një qytetar që e don qytetin e tij,Shkodrën. U lind në Shkodër më 11 tetor 1960. I martuar me dy femijë. Pasi mbaron shkollën e mesme me medalje arit,në qytetin e lindjes,vijon studimet ne Tiranë nga viti 1980-1985.

Më pas kirurg e primar i repartit kirurgjikal të spitalit rajonal të Shkodres e Pukës. Kudo kujtimet më të mira dhe fjalët më të zgjedhura për kirurgun e ri,Ardian Dajti. Në nentor -dhjetor 1993 kryen kurs specializimi për kirurgji vaskulare në Quins Medical Center Notingam Angli. Korrik- dhjetor 1994 specializohet në Essen Gjermani. Dhjetor 1995 kryen kurs për kirurgjinë infantile në Linz të Austrisë.

Në dhjetor 1996 përseri kurs në spitalin Carregi të Firences. Tetor-dhjetor 1997 përseri kurs Micigan të ShBA-së dhe në prill-qershor 1998 ne Filadelfia. Shkurt-mars 2004 specializohet serish në një kurs të avancuar për kirurgjinë onkollogjike pranë spitalit Morgani në Forli të Italisë.

Flet gjuhët e huaja italisht,anglisht,gjermanisht dhe rusisht. Njohuri të plota në kompjuter në programet ëord dhe exel. I njohur në Shkodër e më gjerë si profesionist i shkelqyer. Në dy raste ka dhënë gjak prej trupit të tij që të sheronte dy të plagosur rëndë. I pyetur nga korrespondenti i Shkodrës se përse i futet poltikës si kandidat për deputet në zonën elektorale nr.6 ai përgjigjet:

-Jam shkodran dhedua të baj Shkodrën që sot asht katandisë në ditë të hallit...