|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | NJOFTIME |  

Mitrovicë: Nënkryetari i LDK-së, Kolë  Berisha  dhe Fatmir Sejdiu, anëtar i Kryesisë  së  Kuvendit të  Kosovës, janë  pritur në Kuvendin e Komunës

Mitrovicë, 17 maj 2004 / TN / Hysni SYLA - Nënkryetari i LDK-së, Kolë  Berisha  dhe Fatmir Sejdiu, anëtar i Kryesisë  së  Kuvendit të  Kosovës, janë  pritur në Kuvendin e Komunës nga zëvendëskryetari Mursel Ibrahimi dhe drejtorët e Administratës Komunale Mursel ahmeti  e Fatmir Kajtazi.

 

Zëvendëskryetari Ibrahimi dhe bashkëpunëtorët e tij, i kanë njfotuar mysafirët me gjendjen e përgjithshme në komunë dhe përpjekjet që po i bënë pushteti lokal për stbilizimin e plotë të gjendjes dhe zgjidhjen e problemeve të ndryshme në komunë.

 

Duke folur për situatën politike e të sigurisë, zëvendëskryetari Ibrahimi, ka thënë se, falë angazhimit të vetë qytetarëve në radhë të parë, por edhe të Kuvendit të Komunës, udhëheqëjes së saj, subjekteve politike dhe angazhimit të faktorëve ndërkombëtarë të pranishëm në komunë, ajo aktualisht është e qetë, pa ekscese e incidente  dhe me tendencë të përmisimit të vazhdueshëm.

 

Zëvendëskryetari i Kuvendit të Komunës, Mursel Ibrahimi ka thënë me këtë rast, se komuna e Mitrovicës, aktualisht është një ndër komunat e vendit, ku janë grumbulluar më së shumti probeleme të natyrës së ndryshme, para së gjithash për shkak të ndarjes së qytetit, por edhe për shkak mosaktivizimit të kapaciteteve prodhuese industriale dhe mungesës së mjeteve materiale për invesstime në projektet zhvillimore.

 

Poashtu, zëvendëskryetari Ibrahimi, u ka thënë mysafirëve se Kuvendi i Komunës është duke bërë përpjekje maksimale, që në kuadër të mundësive që ka, të zgjedh problemet e ndryshme infrastrukturale në komunë.

 

Pasi që janë informuar nga udhëheqësit komunal për situatën e përgjithshme të sigurisë dhe përpjekjet për zgjidhjen problemeve të shumta, Kolë Berisha dhe Fatmir Sejdiu kanë mbështetur këto përpjekje të pushtetit lokal, duke vlerësuar pozitivsht angazhimin dhe aktivitetet për tejkalimin e gjendjes dhe evitimin e pasojave të trazirave të mesmarsit.

 

Berisha dhe Sejdiu kanë patur konsideratë për problemet me të cilat ballafaqohet pushteti lokal në komunë dhe kanë kuptuar drejtë pozitën e rëndë në të cilën ka ardhur Mitrovica pas lufte, për shkak të mosaktivizimit të kapacitetve prodhuese që më parë kanë qenë aktive.

 

Duke premtuar ndihmën e tyre për Mitrovicën, në të gjitha rastet ku u jipet mundësia, Berisha dhe Sejdiu kanë kërkuar nga udhëheqëja komunale, që të gjitha forcat, kapacitet dhe energjitë pozitive t’i kanalizojnë në drejtim të zgjidhjes së problemeve ekzistenciale të qytetarëve, të infrastrukuturës nëpër mjedise,  si dhe të problemeve të tjera që i preokupojnë qytetarët, në mënyrë që t’u lehtësohen brengat njerëzve dhe të krijohen kushte për një jetë sa më normale e të dinjitetshme të tyre.