LIBRI SHQIP NGA KORÇA NË VLORË

LIBRI SHQIP NGA KORÇA NË VLORË

12 maj 2004 / TN
- Panari i Tretë i Librit në Vlorë
- 13 – 16 maj 2004, në Pallatin e Sportit Skelë, Vlorë
- Rreth 40 botues nga trevat shqiptare
- Panari i Librit – pjesë e programit të Festës së Çeljes së Sezonit Turistik në Vlorë.


Lidhja e Botuesve Shqiptarë dhe Bashkia e Vlorës do të organizojnë për të tretin vit radhazi Panairin e Librit “Vlora – 2004”, nga data 13 – 16 maj 2004, në mjediset e Pallatit të Sportit në Skelë të Vlorës. Ky panair libri është konsiderauar si një pjesë e rëndësishme e programit që ka hartuar Bashkia e Vlorës për festimet që po përgatiten për Çeljen e Sezonit Turistik në këtë qytet bregdetar, të lakmuar shumë nga pushuesit për pozicionin e saj gjeografik, bukuritë natyrore, detin e pastër dhe kushtet që ofrohen këtë vit nga pushteti lokal dhe biznesi privat që punon në fushën e shërbimeve dhe turizimit.

Kanë konfirmuar pjesmarrjen e tyre rreth 40 botues shqiptarë nga Shqipëria e Kosova, më shumë se në çdo qytet tjetër ku organizohen panaire libri. Sipas statistikave të 10 –vjetëve të fundit Vlora konsiderohet si qyteti ku
shitet më shumë se kudo libri në botën shqiptare (pas Tiranës dhe Prishtinës); është për këtë arësye që ky panair ka tërhequr më shumë se kudo vëmëndjen dhe interesin e botuesve shqiptarë, për kontakte më të gjera e të drejtëpërdrejta me lexuesin, për ekspozimin e punës së tyre, por edhe për të zgjeruar tregun e librit shqip, akoma të paorganizuar.

Gjatë ditëve të panairit të librit do të organizohen një sërë veprimtarish me librin. Më kryesoret do të jenë takimet e organizuara apo spontane të autorëve me lexuesit, paraqitja e librave të autorëve si Djana Çuli, Rudina Xhunga, Fatos Kongoli, Tonin Çobani, Rrahmi Memushaj, Ferhat Çakërri, Ibrahim Shyti, etj.

Cerimonia e Çeljes së Panairit të Librit do të organizohet ditën e enjte, datë 13 maj 2004, ora 17.00, para Pallatit të Sportit në Skelë, me pjesmarrjen e lexuesve të shumtë vlonjatë, botuesve, poetëve e shkrimtarëve të zonës dhe të ardhura edhe nga trevat e tjera shqiptare, si dhe përfaqsuesve të pushtetit lokal e të medias vlonjate e kombëtare.


BOTUESIT QË KANË KONFIRMUAR PJESMARRJEN:

Adrion, Alb-Ass, Albin, Akademia e Shkencave, Argeta LMG, Artini (Prishtinë), Çabej MÇM, Camaj-Pipa (Shkodër), Çamëria, Dituria, Dudaj, Elda, Extra, Gjergj Fishta (Lezhë), Globus R, Horizonti, Instituti Albanologjik (Prishtinë), Labova, Libri Universitar Tiranë, Lisitan (Lezhë), Logoreci, Mësonjëtorja I-rë, Naim Frashëri, Neraida, Ombra GVG, Omsca -1, Onufri, Ora, Shtëpia e Librit dhe e Komunikimit, Saraçi, Skandërbeg Books, Toena, Udha e Shkronjave, Uegen, Vëllezërit Tafa.