Sukses dhe vlerësim i lartë për muzikantët e rinj shqiptarë në Gjermani

Sukses dhe vlerësim i lartë për muzikantët e rinj shqiptarë në Gjermani

10 maj 2004 / TN

Një grup i të rinjve shqiptarë të Liceut Artistik “Jordan Misja” qëndroi disa ditë në qytetin e Bochumit dhe me sukses u paraqit në skenën e muzikës klasike me veprat e kompozitorëve shqiptarë dhe atyre gjermanë

Nga Sami THAÇI* - Wuppertal (Gjermani)

Orkestra e harqeve e të rinjve të shkollës kombëtare artistike „Jordan Misja“ përmbushi me sukses të plotë integrimin artistik të të rinjve shqiptarë në Evropë. Në kuadrin e ftesës së bërë nga shkolla e muzikës së Bochumit, shkolla e dytë më e madhe e Gjermanisë, muzikantët shqiptarë së bashku me moshatarët e tyre nga Bochumi dhe Kölni formuan një orkestër sinfonik të perbashkët në kuadrin e organizimit të një Akademie Orkestrale iniciuar dhe manaxhuar për herë të parë në bashkepunim me Orkestrin Simfonik të qytetit të Bochumit.

Orkestrës së të rinjve shqiptarë i ishte rezervuar nga organizatorët e këtij aktiviteti koncerti i hapjes së Akademisë Orkestrale, i cili i zhvillua me date 12 prill 2004 në sallën e njohur Thürmer në qytetin e Bochumit që ndodhet pranë ambjenteve të fabrikës 150 vjeçare të pianove me te njejtin emër. Niveli lartë i kësaj orkestre si dhe programi i zgjedhur kryesisht me vepra të kompozitorëve shqiptarë si Pjeter Gaci e Pellumb Vorpsi i menaxhuar e drejtuar me nivel të lartë artistik nga drejtori i shkollës kombëtare artistike “Jordan Misja” z. Bujar Alliu u pranua dhe u duartrokit ngrohtësisht nga mëse 200 shikues të pranishëm.

Drejtuesit e Akademisë si dhe dirigjenti i orkesterës së perbashkët z. Alvaro Palmen pas koncertit u shprehen me konsideratat më të larta të vlerësimit mbi të rinjtë shqiptarë dhe nivelin artiktik të tyre, duke këkuar dhe vlerësuar kështu fuqimisht integrimin artistik të tyre në orkestrin e përbashkët prej mëse 100 artistësh të rinj që është krijuar në kuadër të Akademisë Orkestrestrale në bashkëpunim edhe me Lions-Club të qytetit të Bochumit.

Me datë 13 prill 2004 grupit shqiptar iu rezervua një pritje zyrtare në Bashkinë e Qytetit Bochum nga kryetari i saj z. Wolfgang Strübe, në përfaqesi edhe të politikës së qytetit, në të cilën u vlerësua edhe njëherë pjesëmarrja e të rinjve shqiptare në këtë aktivitet kulturor gjithpërfshirës, duke i vënë theksin bashkepunimit dhe njohjes së dy kulturave, asaj gjermane dhe shqiptare.

Në këtë kuadër kryebashkiaku i Bochumit u shpreh se të rinjtëe nga Shqipëria treguan se e duan vendin e tyre dhe se me seriozitetin dhe profesionalizmin e tyre ata paraqesin mundësitë e mëdha të intergrimit të kulturës dhe muzikës shqiptare në Evropë. Të rinjtë nga Tirana i shprehen kryetarit te bashkisë së Bochumit falënderimet e tyre për mikpritjen dhe interesimin e vazhdueshëm të afruar nga pala gjermane dhe nga shkolla e muzikës se qytetit Bochum duke hapur kështu një rrugë për bashkëpunime dhe ftesa të dyanshme në të ardhmen.

Me datë 14 prill stafi drejtues i shkollës kombëtare artistike “Jordan Misja” së bashku me përfaqesuesin zyrtar të kësaj shkolle në Gjermani z. Desar Sulejmani në kuadrin e bashkëpunimeve të mëtejshme me shkollën e muzikës së Bochumit zhvilloi një takim zyrtar me drejtorin e saj z. Klaus Grunenberg në prani edhe te z. Norbert Koop, shef i departamentit të harqeve si dhe koordinatori i gjithë aktivitetit të orkestrës shqiptare në Akademinë Orkestrale.

Në këtë takim u theksua në mënyrë të veçantë rëndësia e bashkëpunimeve jo vetëm në planin artistiko-kulturor, por edhe në planin pedagogjik dhe strukturor duke u bërë kështu pjesë e rëndësishme në reformimin e gjithanshëm të shkollës kombëtare artistike “Jordan Misja”. Në këtë kuadër u ra dakort që të formulohet një memorandum mbi bashkëpunimin pedagogjiko - artistik dhe partnerizim ndërmjet dy shkollave të muzikës së Bochumit dhe Tiranës, i cili do të nënshkruhet në maj të 2004 në praninë e kryetarit të Bashkisë së Bochumit dhe të autoriteteve më të larta drejtuese të qytetit.

Nga ana gjermane ky bashkëpunim i parë shihet edhe si një hap i parë i rëndësishëm në hedhjen e piketave për ndërtimin e një rrugë të vërtetë bashkëpunimesh të gjithanshme me shkollën kombëtare artistike “Jordan Misja”. Koncerti i orkestrës së përbashkët gjermano-shqiptare me datë 18. prill të 2004 në arenën e Universitetit Ruhr të Bochumit u bë kështu hapi i parë në kuadër të shkëmbimeve të përbashkëta me të rinjtë dhe strukturat pedagogjiko-artistike gjermane.

Vlen të theksohet se koncerti i shfaqur me 18 prill 2004 në arenën e universitetit ishte kulmi i një përgatjeje të pashoqe të të rinjve shqiptarë dhe atyre gjermanë. Të pranishmit në sallë (mbi 1500) tërë kohën i duartrokitën të rinjtë. Ishte një emocion i veçantë të përcillje një koncert të tillë dhe emocionet shtoheshin kur e dije se një pjesë e orkestrit përbëhej nga të rinj shqiptarë.

Të rinjtë shqiptarë ishin të shoqëruar nga:

Pëllumb Vorpsi - kompozitor
Bujar Alliu - drejtor
Besa Kaçinari - dirigjente
Pranvera Tega - mësuese, violinë
Brunilda Fundo - mësuese, violinë
Susana Gruda - mësuese, violinë

Të rintë pjesmarrës:

Violina I
Greta Alla
Gilmona Bruzi
Eriola Haka
Joana Kaimi
Lira Paço
Valin Qerimaj

Violina II
Ulpina Delija
Alba Gjini
Florian Lekaj
Rezarta Luka
Greta Radovani
Flogert Shatraj

Viola
Ornela Agolli
Vjolla Baholli
Arlinda Prepapuca

Violonçelo
Ardiana Gruja
Lorela Kërçiku
Jola Shkodrani

Kontrabas
Ermal Kuka

*Shënim i autorit: Të gjitha shënimet u morën nga koordinatori i këtij aktiviteti të rëndësishm kulturor, gjithnjë i palodhuri Desar Sulejmani – përfaqësues i Liceut Artistik – “Jordan Misja” – Tiranë, i cili studioi në Essen në Folkwang – Hochschule për piano, tani është duke specializuar për muzikë dhome.