|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

PANAIRI I III I LIBRIT SHQIP DHE NETËT KORÇARE TË POEZISË

4 maj 2004 / TN

Çerçiz LOLOÇI

- Në Korçë, 7 – 9 maj 2004, në Bibliotekën e Qytetit “Thimi Mitko” dhe mjediset e Hotel "Kristal".

Bashkia e Korçës dhe Lidhja e Botuesve Shqiptarë, në bashkëpunim të ngushtë më Bibliotekën e Qytetit “Thimi Mitko” dhe Klubin e Shkrimtarëve “Bota e Re”, organizojnë për të tretin vit radhazi Panairin e Librit “Korça – 2004”, me pjesmarrjen e një numri të madh botuesish nga trevat shqiptare, por edhe të mbi 60 krijuesve (kryesisht poetë) e studiuesve nga trevat shqiptare dhe rajoni ballkanik.

Panairi, me pjesmarrjen e rreth 30 botuesve shqiptarë, do të organizohet në mjediset e Bibliotekës së Qytetit “Thimi Mitko” dhe do të qëndrojë i hapur në datat 7 – 9 maj 2004. Ceremonia e Çeljes do të organizohet ditën e premte, në datën 7 maj 2004, ora 17.00. Botuesit pjesmarrës do të paraqesin para lexuesve korçarë rreth 3000 tituj librash, nga të cilët rreth 500 do të jetë tituj të rinj të hedhur në qarkullim në periudhën njëvjeçare midis dy panaireve të organizuar në këtë qytet.

Edhe këtë vit, si dhe edicionin e dytë të kësaj veprimtarie, në ditët e panairit të librit, do të organizohet edhe aktiviteti tradicional “Netët Korçare të Poezisë”, me pjesmarrjen e mbi 60 poetëve e studiuëse nga i gjithë rajoni ballkanik. Kanë konfirmuar pjesmarrjen e tyre emrat më të njohur të letrave shqipe, midis të cilëve: Dritëro Agolli, Rexhep Qosja, Visar Zhiti, Xhevahir Spahiu, Natasha Lako, Sadik Bejko, etj. etj., disa poetë nga emigrazioni në Greqi, si Llambi Gjikuli e Evis Qaja, krijues shqiptarë nga Kosova e Maqedonia, si Adem Gashi, Resul Shabani, Kalosh Çeliku.

Kanë konfirmuar pjesmarrjen e tyre edhe disa poetë nga rajoni ballkanik, si Vasilis Haxhivasiliu, Eva Argjiro, Panajotis Argjiropulos e Melita Karahaliu nga Greqia; Lejla Hysein, Esad Bajram e Ali Ogur nga Turqia, Dimitër Bashevski e Zoran Ançevski nga Maqedonia; Vanghe Steriu nga Rumania, si dhe krijuesit e njohur me banim në Bulgari Thoma e Violeta Kaçorri.

Gjatë tre ditëve të zhvillimit të këtyre veprimtarive janë programuar një seri takimesh, paraqitjesh të librave të reja, deklamime e recitime të poezive nga vetë autorët, passite tematike, mbrëmje muziko-letrare, vizita në qendra turistike e historike të të ftuarve etj.

Paraqitja e botimeve në prani edhe të autorëve të tyre do t’i bëjë edhe më interessante këto veprimtari dhe do ta rrisë më shumë interesimin e lexuesve korçarë.