|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Dy lajme: Nga kuvendet zgjedhore të Forumit të Gruas të LDK-së në Therandë dhe Malishevë

3 maj 2004 / TN

 

Therandë: Kryetare e FG të LDK-së u zgjodh kryetare Znj. Kimete Bytyqi

 

Me rastin e mbajtjes së kuvendit të IV-të zgjedhor të FG të LDK-së Dega në Therandë, nga kryesia qendrore e FG të LDK-së morën pjesë edhe Znj. Samije Zeqiraj, nënkryetare e FG dhe deputete në Kuvendin e Kosovës dhe Znj. Mevlyde Saraçi, anëtare e FG dhe deputete e Kuvendit të Kosovës.

 

Me këtë rast punimet e këtij kuvendi i udhëhoqi kryetarja Znj. Besë Bejtullahu, e cila nëpërmjet një raporti të shkurtër raportoi për punën e kaluar mes dy kuvendeve. Ajo potencoi angazhimin e madh të të gjitha anëtareve të këtij Forumi në Therandë e në veçanti të disa anëtareve që njëherit janë edhe themeluese të FG të LDK-së në Therandë si dhe përkrahjen e madhe që kishin nga i ndjeri Ukë Bytyqi dhe LDK Dega në Therandë në të kaluarën dhe tani nga Kryetari i KK dhe i Degës së LDK-së Z. Sali Asllanaj.

 

Znj. Samije Zeqiraj theksoi se ne sot kemi ardhur për të dhënë edhe një herë votën për pavarësinë e Kosovës, për programin e LDK-së në krye me Ibrahim Rugovën. Prandaj traditën që e ka Theranda duhet të vazhdoj edhe më tej drejt realizimin e synimeve tona kombëtare.

 

Gjithashtu ajo përmendi punën e madhe që është bërë para dhe gjatë luftës në kohën kur ishte në krye të këtij Forumi vite me rradhë. Z. Sali Asllanaj, kryetar i LDK-së dega në Therandë si dhe kryetar i KK theksoi se puna dhe suksesi i LDK-së është i lidhur ngusht me punën e FG dhe të FR të LDK-së.

 

Pjesëmarrëset e këtij kuvendi i përshëndeti edhe Znj. Mevlyde Saraçi, anëtare e kryesisë së FG dhe deputete në Kuvendin e Kosovës.

 

Me vota të fshehta të 67 delegatet votuan për kryesinë e FG Dega në Therandë prej 13 anëtareve si dhe për 6 delegate për kuvendin qendror të FG të LDK-së që do të mbahet në Prishtinë.

 

Me 52 vota u zgjodh kryetare Znj. Kimete Bytyqi, nënkryetare znj. Besë Bejtullahu dhe sekretare  Znj. Luljetë Baraliu. (M. S.)

 

  

Malishevë: Kryetare e FG të LDK-së u zgjodh Znj. Bukurije Mazrreku

 

Në kuvendin zgjedhor të FG të LDK-së në Malishevë të cilin e udhëhoqi ZNj. Remzije Thaqi, kryetare morën pjesë edhe Znj. Samije Zeqiraj nënkryetare dhe Znj. Mevlyde Saraçi, anëtare e kryesisë së FG të LDK-së. Këtë takim e përshëndeti edhe nënkryetari i Degës së LDK-së në Malishevë Z. Sadri Robaj, i cili përshëndeti delegatet dhe mysafiret në emër të Degës së LDK-së në Malishevë.

 

Znj. Samije Zeqiraj theksoi se zgjedhjet e FG janë mënyra më demokratike e zgjedhjes së  kryesisë së FG për këtë komunë e cila do të merr përgjegjësi të reja dhe do të vazhdoj të punoj me sukses deri në realizimin e pavarësisë së Kosovës, por edhe në zhvillimin e mëtejmë të demokracisë dhe

prosperitetit në Kosovë.

 

Ajo tha se nuk mund të kaloj pa e përmendur edhe punën e Znj. Shpresë dhe të Znj. Sanije Deskut të cilat kanë dhënë kontribut të madh gjatë viteve të shkuara por edhe aktivitetin e pasluftës të Znj. Remzije Thaqi. Gjithashtu foli rreth Ligjit mbi barazinë gjinore i cili garanton  punësim të barabartë dhe të drejta njerëzore të barabarta si dhe i favorizon gratë nga niveli lokal e deri te ai qendror.

 

Punimet e këtij kuvendi i përshëndeti edhe Znj. Mevlyde Saraçi, anëtare e kryesisë së FG dhe deputete në Kuvendin e Kosovës. Me vota të fshehta u zgjodh kryesia prej 13 anëtareve si dhe 6 delegate për kuvendin qendror të FG të LDK-së.

 

Kryetare u zgjodh Znj. Bukurije Mazrreku, prof. nënkryetare Znj. Emine Telaku, ekonomiste si dhe sekretare Znj. Shpresë Krasniqi. (M. S.)