|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

Sa dallon viti 1994 nga viti 2004?

3 maj 2004 / TN

 

Në vitin 1994, nuk ekzistonte ndjenja e rezignimit e papërgjegjësisë dhe e retrospektivës te shqiptarët, siç po ndodh tash në vitin 2004. Në vitin 1994...

 

Bajram MJEKU

 

Në vitin 1994 ishim nën okupim klasik serb, ndërkohë që aktualisht në vitin 2004 jemi në rrethana të tjera, por që esencialisht këto dy vite dallojnë shumë pak midis tyre. Viti 1994, në mediat shqiptare quhej “Vit i hartave”, ku regjimi i atëhershëm serb kërkonte ndarjen e Mitrovicës dhe pjesëve të tjera të Kosovës, ndërkohë që aktualisht në vitin 2004 i njëjti regjim sërisht i ka nxjerrë hartat nga këllëfi dhe jo vetëm kërkon gllabërimin e Mitrovicës, por edhe enklavizimin e Kosovës dhe kështu viti 2004 është njësoj i rrezikshëm për shqiptarët si viti 1994. Viti 1994, për shqiptarët e Kosovës mbahet mend si vit i migrimit masiv të të rinjëve shqiptarë në botën e jashtme, ndërsa tashmë ekziston e njëjta tendencë e braktisjes së atdheut nga të rinjët shqiptarë, por që për dallim nga viti 1994, tashmë të rinjët tanë i kanë mundësitë shumë më të kufizuara për migrim.

 

Në vitin 1994, institucioni i Presidentit të Kosovës ishte shumë më vendimmarrës se sa sot në vitin 2004. Në vitin 1994 e kishim Kushtetutën e Kaçanikut si dokument shumë më të avancuar se sot Kornizën Kushtetuese. Në vitin 1994 në Parlamentin e Republikës së Kosovës kishim deputetë më të pranuar se sa sot në Parlamentin e Kosovës.

 

Në vitin 1994, më e autoritetshme dhe më vendimmarrëse ishte Qeveria Bukoshi, e cila nuk ishte e pranuar ndërkombëtarisht, derisa tash Qeveria Rexhepi nuk e gëzon autoritetin e Qeverisë së mëparshme, si rezultat i pazarllëqeve ndërpartiake të bashkëqeverisjes, që nënkupton papërgjegjësi dhe është shumë më pak vendimmarrëse, megjithëse është e pranuar ndërkombëtarisht.

 

Në vitin 1994, marrëdhëniet politike midis dy presidencave dhe dy qeverive të Kosovës dhe të Shqipërisë ishin më të avancuara se sa marrëdhëniet aktuale midis dy shteteve. Në vitin 1994 nuk kish! im vende pune, por mijëra të rinjë shqiptarë që punonin në botën e jashtme u siguronin mjete për ekzistencë familjeve të tyre, ndërsa tash shumë prej tyre janë dëbuar nga shtetet e Evropës Perëndimore. Shkalla e papunësisë është marramendëse ku gjendja sociale e familjeve ka mbërrijtur në kufijtë e skajshëm të varfërisë, të cilën gjendje e vërteton edhe analiza e Fondit Monetar Ndërkombëtar (FMN).

 

Në vitin 1994, populli shqiptar ishte shumë më unik dhe më humanist se sa në vitin 2004 ku dehumanizmi ka mbërrijtur kulmin, ndërsa uniteti është goditur si mos më keq.  Në vitin 1994, mediat ndonëse të pakta në numër i kishim më të organizuara dhe më të profesionalizuara se sa tash që i kemi dhjetëra sosh, por që e kanë humbur besueshmërisë në njërën anë dhe janë më joprofesionale në anën tjetër.

 

Në vitin 1994, Qeveria e Republikës së Kosovës ishte shumë më e informuar për gjithçka që ndodhte në Kosovë (ndonëse selia e saj ishte në ekzil), se sa tash Qeveria e Kosovës, e cila selinë e ka në zemër të Prishtinës, por që nuk ka ndërtuar institucion qoftë edhe të një agjencie informative për ta patur informatën e dorës së parë, të besueshme dhe të seleksionuar profesionalisht!

 

Po ashtu në vitin 1994, Qeveria e Republikës së Kosovës ishte shumë më! e avancuar profesionalisht se sa Qeveria aktuale e Kosovës, për shkak se në poste të ministrave janë emëruar vartësit e shefave të partive. Në vitin 1994 në Kosovë kishte mijëra policë dhe ushtarë të armatosur serbë, ndërsa edhe tash në vitin 2004, enklavat serbe në Kosovë janë njësoj të armatosura, ndërkohë që shërbimi sekret serb vepron i papenguar nga askush, derisa në strukturat e tij ka mjaft shqiptarë, të cilët po i implementojnë objektivat e këtij shërbimi.

 

Njësoj si në vitin 1994 kur për shqiptarët e Kosovës nuk funksiononin rreth pesëqind ndërmarrje shoqërore në Kosovë, edhe tash në vitin 2004 ato nuk funksionojnë dhe janë njësoj të padobishme për kosovarët. Në vitin 1994 nuk e mbajmë mend ndonjë vetëvrasje të shqiptarëve (ndonëse vrasje të shqiptarëve nga forcat serbe ka patur), ndërsa tash mesatarisht në Kosovë ndodh nga një vetëvrasje në javë. Në vitin 1994 në institucionet paralele të Kosovës bëhej një seleksionim shumë më serioz i njerëzve në fushën e profesi! onalizmit, se sa aktualisht në vitin 2004, ku dominon kriteri i familj arizmit, klanizmit dhe poltronizmit.

 

Në vitin 1994 në institucionet më të larta të Kosovës nuk kishim “zyrtarë të lartë” që merrnin paga me përgatitje superiore në njërën anë dhe e kanë të mbarur vetëm përgatitjen e mesme shkollore në anën tjetër!

 

Mbi të gjitha, në vitin 1994, nuk ekzistonte ndjenja e rezignimit e papërgjegjësisë dhe retrospektivës te shqiptarët siç po ndodh tash në vitin 2004. Në vitin 1994...