PANAIRI I GJASHTË I LIBRIT "PRISHTINA 2004"

Prej 24 - 28 maj

PANAIRI I GJASHTË I LIBRIT "PRISHTINA 2004"




Prishtinë, 1 maj 2004 / TN

* Nga data 24-28 maj në Prishtinë organizohet për herë të gjashtë panairi i librit “Prishtina 2004", bën të ditur zyra për informim e Shoqatës së Botuesve të Kosovës * Mbi 100 botues nga e gjitha hapësira shqiptare * Rreth 50 veprimtari: promovime, debate, paraqitje dhe nënshkrime librash *


Mbi 1.500 tituj të rinj * Mbi 2.000 tituj të British American Bookshop * Bashkorganizatorë SHBK, Ministria e Kulturës, Rinisë dhe Sportit e Kosovës, Drejtorati për kulturë i komunës së Prishtinës

Me organizim tashmë tradicional të Shoqatës së Botuesve të Kosovës, të Minsitrisë së Kulturës, Rinisë dhe Sportit dhe Drejtoratit për Kulturë të komunës së Prishtinës do të mbahet Panairi i 6 i librit “Prishtina 2004”. Në ambientet e Pallatit të Rinisë dhe Sportit të qytetit të Prishtinës, ku edhe zhvillohet ky panair, në hapësirë prej 1.500 m2, pritet të marrin pjesë më tepër se 100 botues të të gjithë hapësirës shqiptare, por edhe nga botues të rajonit si Maqedonia, Mali i Zi dhe Diaspora.

Ceremoniali i çeljes është paraparë më 24 maj në ora 18, me ç’rast do të bëhet edhe prerja solemne e shiritit që do shënojë edhe simbolikisht nismën e një veprimtarie nga më të mëdhatë të librit të botës shqiptare. Ceremoniali i çeljes është bërë traditë të fillojë me veprimtari artistike, fjalime rasti, përshëndetje penash të nderuara, mysafirë, shkritmarë dhe studiues, të ftuar specialë të panairit! .

Është ky një panair i cili bashkon trinomin magjik: botues – autor – lexues, edhe pse librin e bëjnë edhe përkthyesit, përpiluesit, redaktuesit, tipografët të cilët nuk i kanë munguar asnjëherë këtij panairit. Ata do jenë krenaria e vetë botuesve, e panairit, e lexuesve, e organizmave qeveritarë e joqeveritarë që duhet të bëjnë shumë më shumë për të qenë libri nga bibliotekat kombëtare deri te ato të komunave, të rretheve, të qyteteteve, të universiteteve, të shkollave të një spektri të gjerë.

Për të pasur një rrjedhë sa më spektakolare janë paraparë edhe një sërë veprimtarish, mbi 50, si promovime, debate, paraqitje librash, nënshkrime librash nëpër stendat tejet tërheqëse të shumë botuesve, të cilët në një mënyrë edhe kanë detyrim që t’i bëjnë ditët e panairit sa më të pëlqyeshme, sa më të suksesshme. Shoqata e Botuesve të Kosovës ka bërë të mundur që në këtë panair asnjë botues të mos mbetet i pakënaqur, sepse fundja, secili botues ! ka vendin e caktuar tashmë sa vjet, duke ruajtur emrin dhe përgjegjësinë pa marrë parasysh se nga vjen ai: Kosova, Shqipëria, Maqedonia, Mali i Zi apo diaspora. Të gjithë janë botues, të gjithë janë të barabartë.

Në këtë panair nuk ka të privilegjuar, sepse i privilegjuar është vetëm lexuesi, ai e ka mundësinë për të zgjedhur, duke pasur përpara më se 1.500 tituj të rinj, botuar brenda dy panaireve të më se 200 botuesve shqiptarë! Këtë e mundësojnë shumë agjenci shpërndarjesh të librit, të cilët në stenda do të kenë edhe botimet e botuesve që drejtpërdrejt nuk janë të pranishëm në panair.

Organizatorët janë më se të bindur se lexuesi do të ketë çfarë të zgjedhë, sepse veprimtaria botuese shqiptare është njëra nga veprimtaritë më të frytshme në shkallë kombëtare. Brenda dy panaireve janë botuar vepra kapitale që nga kompletet, botimesh më të ndryshme shkencore, fjalorë, metoda mësimi gjuhësh të huaja, përkthime letrare, autorësh nga tradita dhe bashkëkohorë, letërsi artistike shqiptar! e, literaturë shkollore, etj.

Subjekte tani me emër si Akademia e Shkencave e Shqipërisë, Akademia e Shkencave dhe e Arteve e Kosovës, "Albin", "Argeta LMG", “Botimet Vëllezërit Tafaj”, "Buzuku", "Camaj-Pipa", "MÇM Çabej", "Dituria", "Dritëro", “Dudaj”, "Dukagjini", "Faik Konica", "Flaka", Instituti Albanologjik i Prishtinës, “Labova”, “Libri shkollor”, “Logos-A”, "Mësonjëtorja e parë", "Ombra", "Omsca", "Onufri", "Phoenix", “Rilindja”, “Rozafa”, “Skanderbek books”, "Shpresa", “Tenda”, “Toena”, "Uegen", “Vatra”, “Zëri” dhe shumë të tjerë do të radhisin në stendat e tyre botimet më të reja. Panairi i Prishtinës pa dyshim konsiderohet si panairi më i madh dhe më i suksesshëm nga të gjithë panairet që organizohen në hapësirën shqiptare, duke kujtuar me këtë rast panairin e Tiranës (nëntor), të Shkupit (prill), të Tetovës (tetor) dhe të Ulqinit (gusht).

E veçanta e panairit është edhe pjesëmarrja tradicionale e British American Bookshop, përfaqësuese ekskluzive e Oxford University Press e cila ndër të tjera ekspozon me mbi 2.000 tituj edhe botimet e e botuesve botërorë MacMillan, Penguin, Barron’s, etj. Organizatori apelon të gjitha mediat, të shkruara dhe elektronike t’i japin hapësirën e merituar kësaj ngjarjeje të madhe të librit.

Gjatë ditëve të panairit botuesit, mediat, vizitorët do të informohen për rrjedhën e çdoditshme të panairit. Botuesit dhe subjektet e tjera të interesuara, po qe se nuk kanë marrë aplikimet për pjesëmarrje, mund ta bëjnë këtë në adresën elektronike:
shbk_panairi@hotmail.com dhe shbk_panairi@yahoo.com,
nëpërmjet telefaksit (00 381 38) 516 231,
me anë telefoni (00 381 4! 4) 159 421 dhe 174 257,
si dhe drejtpërdrejt në selinë e SHBK-së në Prishtinë, rruga "Eqrem Cabej", nr. 127, Prishtinë (përballe Fakultetit Filologjik).

Afati i fundit i paraqitjes është 20 maji 2004.

Këshilli organizator