Myftiu mr. Naim Tërnava në Biti të Shtërpcës

22 prill 2004 / TN

Tërnava: - Ju jeni një shembull se si duhet që të ngritet vetëdija për ruajtjen e vendit dhe për një atdhedashuri praktike.

Fshati Biti (Shtërpcë), 21 prill 2004

Myftiu i Kosovës, mr. Naim Tërnava, i shoqëruar nga bashkëpunëtorët dje pasdite vizitoi fshatin Biti të komunës së Shtërpcës, një nga fshatrat e paktë të komunës së Shtërpcës që banohet me shqiptarë.

Fshati Biti gjatë lufës së shkuar nga forat serbe qe shkatërruar tërsisht, ndërsa banorët e tij qenë dëbuar që në 1998 për t’u rikthyer vetëm para një viti.

As pas përfundimi të luftës, serbët lokal nuk lejonin që banorët shqiptarë të Bitisë të ktheheshin në fshatine tyre, madje banorët serbë të fshatrave përreth kishin përvetësuar pasurinë e fshatit Biti-thonë banorët e rikthyer.

Mirëpo qe këmbëngulësia e banorëve që t’u dalin zot pronave të veta stërgjyshore, kështu pas shumë përpjekjeve para një viti banorët e Bitisë u kthyen në vatrat e tyre të shkatërruara.

Për të pritur Myftiun Tërnava me bashkëpunëtorët në qendër të fshatit kishin dalë banorët e të gjitha moshave, të cilët i bënë një pritje madhështore.

Në emër të banorëve të Bitisë, myftiun Tërnava e përshëndeti dhe i dëshiroi mirëseardhje Nexhat Bakiu - administrator i fshatit, i cili në fjalën përshëndetëse, ndër të tjerat tha:

“I nderuar Myfti, mirë se vini në fshatin që gjatë gjithë historisë qëndroi krenar përballë furtunave me të cilat u përballëm ne si popull !

Mirë se vini në fshatin që dha hero e luftetarë të shquar për lirinë e Kosovës!”

Për të vazhduar me një pasqyrë të shkurtë për fshatin Biti, ku veçoi:

“Fshati ynë në të kaluaren kishte një infrastrukturë modeste, mirëpo gjatë lutës së fundit e gjithë infrastruktura e fshatit u dogj e shkatërruar tërësisht gjerë në themel nga forcat serbe.

Bitisë për 7 vjet i munguan banorët e tij shqiptarë, ngase forcat serbe që më 1998 dëbuan të gjithë bonorët, për t’u rikthyer vetëm para një viti.

Rikthimi i banorëve shqiptarë është shoqëruar me shumë peripeti, mirëpo qe vullneti dhe dashuria e madhe ndaj vatrave të të parëve që përsëri të rifillojmë nje jetë të re mbi themelet e vjetra.

I nderuar myfti, me ndihmën e disa donatorëve ndërkombëtar që veprojnë në rrethin e Ferizjat, para një viti kemi filluar ndërtimin e shtëpive. Mirëpo, për ne mbetet ende shumë për t’u bërë në rindërtimin e infrastukturës së fshatit, si shkolla, xhamia, ambulanca etj, pa të cilat nuk ka perspektivë për një të ardhme sidomos për të rinjtë.

Jemi të entuziazmuar me vizitën tuaj, ngase jeni udhëheqësi i parë i Kosovës që na vizitoni, prej rikthimit tonë para një viti, madje në emër të banorëve ju dëshiroj një mirëseardhje dhe presim kontributin tuaj për rikthim e fshatit tonë në normalitet.

Vizita e jua na jep vullnet dhe guxim të ecim rrugës sonë ballhapur dhe të papërulur, drejtë qëllimeve tona.

Ndërsa, myftiu Tërnava në fjalën e rastit para banorëve të Bitisë, ndër të tjara, tha:

Jemi këtu fal angazhimit të imamit tuaj dhe këshillit të BI-së në Ferizaj që qenë iniciatorë që ne sot të gjendemi në mesnin tuaj; që nga ju të mësojmë për hallet, vështirësitë me të cilat përballeni.

Institucionet tona, në të gjitha nivelet, duhet që të jenë më mesin e popullatës, pavarësisht se për cilën pjesë të Kosovës bëhet fjalë, ngase ky është obligim i yni. Sot këtu më ka mahnitur mikëpritja juaj, megjithë katrahurën që keni kalur ju si banorë të këtij fshati .

Kjo na motivon që ne të ecim bashkërisht përpara drejt qëllimve tona, pavarësisht vërshtirësive më të cilat përballemi.

Serbët, arritën që të djegin e rrënojnë shtëpitë tuaja, por jo edhe shpirtin dhe dëshirat e juaja që të jetoni përsëri krenar në vatrat e tuaja shekullore.

Andaj, ju jeni një shembull se si duhet që të ngritet vetëdija për ruajtjen e vendit dhe për një atdhedashuri praktike.

Jam i vetëdishme se nevojat tuaja janë të shumta, por shpresoj që institucionet tona, aq sa kanë mundësi, do të japin kontributin e tyre që t’ua bëjnë jetën më të lehtë.

Më pas myftiu vizitoi fshatin ku pa punën që është bërë në rindërtim e shtëpive të shkatërruara, ku bashkëbisedoi me fshatarët. Myftiu Tërnava vizitoi edhe xhaminë e demoluar të fshatit, me ku shprehu gatishmerinë e BI-së që të kontriboj ne rikthimin e xhamisë në gjendje normale.