|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

Mitrovicë: Kryeshefi i Ekzekutivit të KK, M. Pllana në takim të hapur me gazetarët, njoftoi për përpjekjet e  pushtetit lokal për zgjidhjen e problemeve të ndryshme

Mitrovicë, 15 prill 2004 / TN / H. SYLA - Kryeshefi i Ekzekutivit të Kuvendit të Komunës, Mustafë Pllana, ka patur një bisedë të hapur me gazetarët e mjeteve të informimit që raportojnë nga ëomuna e Mitrovicës, me ç’rast i ka njoftuar ata me përpjekjet që po i bënë pushteti lokal për zgjidhjen e problemeve të ndryshme të qytetarëve të komunës dhe krijimin e kushteve për shërbime civile  më cilësore dhe më efikase.

 

Ndër të tjera, kryeshefi Pllana i ka njoftuar gazetarët lidhur me realizimin e disa projekteve të rëndësishme, të cilat janë në implementim e sipër ose kanë përfunduar këto ditë.

 

Projekti aktualisht më kapital në komunë e që pritet të përfundojë së realizuari deri në muajin maj të këtij viti, është faza e dytë e ujësjellësit për fshatin Kqiq i Mdh. Mjetet në shumë prej 251.620 Euro i ka siguruar Kuvendi i Komunës nga buxheti i vet. Implementues i projektit është “Consing + Alfa I” nga Prishtina. Këto ditë pritet të përfundojë edhe projektit për instalimin e ashensorëve në gjashtë ndërtesa shumëkatëshe në qytet, që ka kushtuar 120.440 Euro.

 

Edhe këto mjete janë ndarë nga buxheti i komunës. Implementimin e projektit e ka bërë Kompania “Ashensorët” nga Prishtina. Në lagjën “Ilirida” ka filluar ndërtimi i kanalizimit fekal dhe atmosferik, që do të kushtojë 169.515 Euro, të siguruara nga buxheti komunal. Punët është duke i kryer NNP “Hidroterm” nga Suhareka dhe ato, sipas kontratës, duhet të përfundojnë në qershor të këtij viti.

 

Kanë filluar edhe punimet në meremetimin e rrugës Vidishiq-Selac, në gjatësi prej 9.5 kilometra, të cilat duhet të përfundojnë, poashtu,  deri në fund të qershorit të sivjemë. Implementues i këtij projekti që ka kushtuar 93.890 Euro, këto që i ka siguruar Ministria për Ekonomi dhe Financa, është “Dani Company” nga Skenderaji.

 

Deri në fund të muajit maj të këtij viti, pritet të përfundojë edhe projekti për renovimin e Qendra e Sporteve të Vogla “Fatime Gjaka”, për realizimin e të cilit Ministria e Kulturës ka siguruar 76.000 Euro dhe Kuvendi i Komunës 18.400 Euro. Implementues i projektit është NNP “Universal” nga Mitrovica.

 

Ka përfunduar këto ditë edhe  projekti për instalimin e ngrohjes qendrore në Qendrën e Kulturës “Rexhep Mitrovica”, që ka kaushtuar 29.785 Euro të ndara nga buxheti komunal, kurse është në përfundim e sipër edhe ndriqimi publik i qytetit me mjete të komunës, që do të kushtojë 28.000 Euro.

 

Ndërkaq, është në procedurë zgjedhja e implemntuesve për realizimin e projketit për pastrimin e bodrumeve të ndërtesave në qytet, projketit për pastrimin e rrugëve në qytet  dhe projektit për gjelbrimin e qytetit. Realizimi i të gjitha këtyre projekteve do të kushtojë rreth 70.000 Euro. Mjetet i ka siguruar Kuvendi i Komunës, nga buxheti për këtë vit.