Reagim i shkurtër ndaj Tomor Zabelit-Nazmi Lukaj

Tomor, nëse ka gabuar Veton Surroi, mos e merr fajin e tij

31 mars 2004 / TN

Nazmi LUKAJ

Duke mos dashur të zgjatem në reagimin e Tomor Zabelajt (nëse është emri i vërtetë i tij) në shkrimin tim "Dy gabimet e Veton Surroit" , Tomori me të ia ngarkoi vetes fajin e Surroit. U bë bashkëfajtor. Tomor, qesharake është konstatimi yt që i del në krah Surroit, e jo imi. Analizoji më mirë gjërat që i ka thënë Surroi e mos u bë vegël e tij dhe e askujt tjetër, kur e ka gabim konstatimin politik.

Prapë po të them: Surroi ka gabuar shumë rëndë. E konstatimi yt se Surroi di çka thotë e shkruan-është shumë i vërtetë.

Por, ka njerëz që dinë aq shumë, por për një interes shkruajnë dhe flasin aq paturpësisht, sa veten e nxjerrin diletantë. Aq më keq është që Surroi di e flet në kontekstin negativ.

D.m.th., del se Surroi ka folur jo pse s'ka ditur se çka po thotë e çka po shkruan( unë edhe vetë kam thënë në shkrimin tim se është i përgatitur)-po se ka dashur të shkruajë e flas pse ka dashur të shkruajë e flas mbrapshtë.

Edhe një gjë: Tomor, Surroi nuk ka nevojë për avokatë. Kjo është këshilla ime për ty, e ti, Tomor, si të duash- në daç vazhdo merri përsipër gabimet e të tjerëve tërë jetën.

Me nderime, Nazmi Lukaj