|  KULTURĖ  |  HISTORI  |   POLITIKĖ  |  OPINIONE  |  ADRESARI  |  ARKIVI 

 

 

 

   
 

Botime tė reja

 
 

PARANOJA DHE BANORĖT E SAJ

 
 

 
28 mars 2004 / TN
 
Dr. Ardian KYĒYKU
 
(Disa mendime rreth romanit “Paranoja” tė Xhemal Ahmetit, botoi “Rozafa”, Prishtinė 2004, 193 faqe, ISBN: 9951-02-037-2)
 
 
Homo Paranoicus
 
Po t’ia tėrhiqnim sėrish vėmendjen kritikės zyrtare qė t’i hidhte sytė e saj tė vranėt (e shpesh prej qelqi) drejt letėrsisė qė shkruhet nė diasporė, do t’i jepnim njė rėndėsi qė kritika nė fjalė, pėr fat tė keq, nuk e ka. Qarkullimi i keq i librave ėshtė nė gjendje tė shfajėsojė secilin prej hulumtuesve tė letrave shqipe, duke i dhėnė zemėr tėrthorazi qė t’i zgjatė pa fund rrėnjėt e rehatisė nė ishullin qė mund ta emėrtonim “Auris Comoditas” - truall ku vetėm miqtė, anėtarėt e bajrakut dhe idhujt e sajuar gjatė realizmit socialist kanė tė drejtė tė ngrihen nė qiell. Autorėt qė e kanė humbur (pėrkohėsisht a pėrjetėsisht) tokėn e tyre dhe janė tė detyruar tė enden trevave tė huaja shqyrtohen me njė shpėrfillje gjoja tė epėrme dhe akademike, qė kaherė s’e fsheh dot smirėn. Autorėt dytokėsha s’kanė tė drejtė tė shkruajnė kryevepra, s’kanė tė drejtė tė kenė Vepėr; ata janė tė gjithė pa pėrjashtim, vetėm heraherės, falė njė mėshire tė diskutueshme hyjnore, bartės librash-rastėsi tė lumtura, por kalimtare e qė s’ngrenė peshė (ngaqė jetojnė tjetėrkund!?) - nė pėrputhje me njė mendėsi qė i ka kushtuar aq shtrenjtė kulturės sonė. S’ka kuptim tė pėrmendet Naimi, Konica, Koliqi, Camaj e shumė tė tjerė, qė jo vetėm kishin njė bindje krejt tjetėr ndaj empatisė sė shkrimtarit, por qė edhe e dėshmuan fuqinė batėrdisėse tė saj.

 

Xhemal Ahmeti[1], lindur nė vitin 1969 nė Dobrdoll, kritik letėrsie e artesh, eseist e gazetar, autori i romanit shkundullues “Paranoja” botuar tani sė fundi nga «Rozafa», jeton nė Zvicėr. Ai nuk ėshtė as autor i sprovuar, as i dėshmuar, as i mirėnjohur, as i dashur pėr lexuesin etj. Epitetet qė acarojnė diabetin nuk i shkojnė pėr shtat, gjė qė mund t’i zbulohet lehtė cilitdo lexues tė «Paranojės». Esetė ideatike tė Ahmetit do tė befasonin e vinin nė mendime kėdo falė mprehtėsisė, kultit ndaj sė vėrtetės, frymės polemike dhe dashamirėsisė aq tė rralluar ndėr intelektualė shqiptarė qysh pas Luftės sė Dytė Botėrore. Por tani ai na shfaqet edhe si prozator dhe nuk ndruhem tė them se romani “Paranoja” ėshtė njė vegim pėr letrat shqipe e mė gjerė, njė arritje krejt e pavarur nga biografia e autorit dhe nga kahjet e deritanishme tė dhuntive tė tij. E ngjizur mbi njė metaforė vigane rrathėsh bashkėqendrorė, paranoja qė zhbirohet nė roman ėshtė jo vetėm shqiptare, ballkanike e evropiane, por njerėzore. Mbase do tė mund tė thoshim se, nė kėtė fillim mijėvjeēari, ajo qė na shquan nga kafshėt ėshtė pikėrish paranoja. E ndoshta kjo veti me rrėnjė tė lashta nuk do tė kishte qenė veēse njė pėrmasė tjetėr e poezisė sė njeriut tė sotėm, po qe se, pas ndėrhyrjeve tė saj nė jetėn tonė tė pėrditshme e tė pėrjetshme, nuk do tė kish rrjedhur aq gjak e nuk do tė ishin fikur aq shpirtra.
 
 
Helmi dhe humori
 
Pėr atė qė di tė lexojė mes e pėrtej rreshtave, “Paranoja” ka mbi njė mijė faqe, tė gjitha tė dendura, tejet tė vėrteta, tė pėrgjakshme, tė dhimbsura e vegimtare. Kėto faqe lexohen me njė frymė e duket se pó me njė frymė janė shkruar. Lexuesi ka rastin dhe fatin tė rritet shpirtėrisht e mendėrisht pėrmes vėzhgimesh psiko-shoqėrore befasuese, disa syresh: zbulime pėrjetėsisht tė vlefshme. Gjetjet, ironia e veēanėrisht parodia rrėnjore e romanit, ajo e qeshur falas, prej fėmije qė sikur nuk ėshtė nė kėtė jetė, por qė i njeh shkėlqyer tė fshehtat e groteskut arketipal, trandin. I pjestuar vllazėrisht nė zėra e trajta personazhesh, autori ėshtė katėrcipėrisht i lirė, relativisht i pavarur nga realitetet qė zhbiron, dhe ka njė zė tė freskėt, tė lindur. Duket sikur vetė ngjarjet tė kumtohen, duke shmangur vetjaken e autorit, qė ndonjėherė mund t’i bėjė tė duken thjesht shpikje.
 
Nė fakt, paranoja nuk le vend pėr shpikje, ngaqė fshin ēdo kufi mes tė njėmendtės dhe trillit artistik. Shqipėria e sotme, ajo qė sikur ngutet tė mos i pėrkasė asnjė shpirti tė vėrtetė shqiptar, por vetėm qėnieve tė ‘importuara’ (lexo: shitur gjer nė palcė), ajo Shqipėri qė shpesh na ngjeth mishtė ngaqė mbulon si velenxė e shtėllungė tymrash Shqipėrinė tonė ėndėrrore, tė pėrjetshme, sė cilės ēdo shqiptar, qoftė jashtė, qoftė brenda, i turret me mėnyrat e veta pėr ta ngjallur e (ri)pushtuar, - se ėshtė fėminia e katragjyshėrve tanė, - kjo pseudo-Shqipėri pra, del nė roman si njė hidėr shumėkokėshe (e shumėkombėshe) dhe revolton, magjeps, shiton. Nė kėtė rrokopujė ndjenjash tė kapėrthyera, secili prej nesh mund ta gjejė, mė nė fund, vetveten, dhe tė bėhet mė fort bir i shqipes sė kulluar dhe i Shqipėrisė qė, po tė perifrazonim njė politikan tė shquar rumun, e kemi trashėgim nga stėrnipėrit, jo nga stėrgjyshėrit.
 
 
Dy botė qė pėrjashtohen mesveti
 
Ėshtė nė natyrėn e paranojės qė tė vendosė pėrbri e jo rrallė tė shartojė egėrsisht botė krejt tė ndryshme. Sa mė tepėr tė pėrjashtohen mesveti kėto botė, aq mė tepėr pretė e paranojės nguten tė mendojnė pėr botėn tjetėr me logjikėn e tyre dhe pėr botėn ku gjallojnė me logjikėn fqinje. Nė roman ndeshet njė hapėsirė (gjeografike, historike dhe mendore) ku pushka e mbrame ėshtė shkrehur para njėqind e ca vjetėsh dhe njė tjetėr ku tymi i plumbave tė passhpinės ende s’ka dalė mirė nga tyta e kallashnikovit. Nė kėto dy botė, nė kufirin e brishtė dhe pėrgjakės qė i ndan e i bashkon, enden prijėsa, krijues, xhahilė, anonimė dhe shumė nga vdekatarėt qė tranzicioni i zgjoi atje ku s’ua kish prerė mendja as nė makthe.
  
Monologjet e personazheve ia dalin mbanė tė ngjizin njė rrjetė shumėpėrmasore, qė ėshtė pasqyra e gjallė e realitetit tė prekshėm. Ky realitet shpesh ia kalon nė dalldi e tė papritura ēdo fantazie letrare. Njė personazh tėrheqės ėshtė Kryetari i vendit tė vogėl ballkanik, ku zakonisht «asgjė s’lėviz veē pluhurit». Ky prijės kalimtar i epokės sonė, - kur pak vetė kuptojnė qė, nė tė tilla kohėra, jo aq politikanėt e kanė pushtetin, se sa pushteti i ka ata, - i ngjan njė kukulle qė heraherės ngre krye ndaj fatkeqėsisė sė tė qėnit i vocėrr, i parėndėsishėm. Si tė gjitha viktimat e njė atdhedashurie tė cekėt, sė cilės mirėqėnia i shton njė dell romantizmi jo rrallė tė dėnueshėm, anonimi-president qė se si ish gjendur nė dallgėn e demonstratave tė ’90-ės, zbulon dalngadalė se kontrollohet gjer nė leshin e veshėve nga shėrbimet e fshehta.
 
Kėto shėrbime prandaj edhe janė tė fshehta - qė tė gjithė t’ua dijnė bėmat pėrmendėsh dhe t’ua kenė frikėn... Shefin e tyre, Presidenti e zgjedh vetė, e nxjerr nga kėneta e anonimatit. Leonard Shkeza, ish i burgosur i regjimit komunist, qėnie qė, gjatė burgimit tė gjatė, vetėm poetėt s’kish arritur t’i merrte vesh, por qė shkruante poezi nė fshehtėsi, thirret tė prijė shėrbimet e fshehta ngaqė kish pasur gjatė tė bėnte me to dhe ua njihte mėnyrėn e punės(!). Sejmenėt e tij janė djem pa emra, pa thelb, por tė pėrkushtuar. Etja e tyre pėr gjak ėshtė aq e madhe, sa tė duket se viktimat e ardhshme u mbajnė peng nė vena gjakun qė u takon me ligj. Rrjedha e ngjarjeve nė roman tė bind edhe njėherė pėr fuqinė dhe rolin qė luan smira ndėr qėnie qė ngatėrrojnė nėpunėsinė diku lart (nė pallatin e komploteve legale, siē pagėzohet nė roman administrata) me komplekset vetjake dhe qė mezi presin tė mund ta shfrytėzojnė funksionin zyrtar pėr tė holluar sadopak thartirėn e smirės. Smira e tė qėnit i papėrkryer, i paqiell, ose, mė saktė: smira e tė mosqėnit ai qė ėndėrron tė jesh.

 

Rrugėt, zyrat, kafenetė dhe skutat e “Paranojės” gėlojnė nga personazhe tejet tė njohur, qė aq dhunshėm gargaren ekraneve, gazetave e tribunave, mirpo tė cilėt tani na faniten nėn njė dritė tjetėr. Politikanė qė flasin pėrēart, shkrimtarucė qė pasurojnė letėrsinė shqipe, pa fismosur, me vepra bajalldisėse mėrgimtarėsh tė kamur, spiunė tė tipit pavarėsisht nga feja, krahina e ideja, “bakterie nė shėrbim tė kancerit artistik”, siē i ka damkosur njėri nga protagonistėt; aristokratė tė vetėshpikur perėndimorė, qė vijnė tė pėrgjumin mangėsitė nė prani tė aq hallexhinjve dhe tė hiqen, sado kalimthi, si ata qė s’janė e s’kanė pėr tė qenė kurrė; pijanecė qė, tė dehur a krejt esėll, thurrin plane pėr tė rrėzuar qeverinė; femra qė kanė humbur ēdo qėndresė ndaj epshit arhaik dhe qė, bashkė me qėndresėn, kanė humbur misterin dhe shijen e tyre; tė huaj tė cilėt qetėsia dhe paqja nė shterpėzim e sipėr e Perėndimit i shtyn vetėdijshėm tė luajnė mendsh herė pas here; shqiptarė tė mėrguar, qė, me t’u gjendur mes njė lirie tė paskaj, heqin dorė nga arritjet shkencore dhe bėhen shitės simitesh... Ėshtė njė botė e jashtėzakonshme, sė cilės nuk i duhet cėnuar fshehtėsia me mjete tė kritikės klasike.
 
 
Paranojishtja - gjuhė e vyer e kohės sonė
 
Pak kohė mė parė, njėri nga shumė kritikėt e sotėm, me njė shaka tejet tė pafrymėzuar (pėr tė mos thėnė: tė kapėrcyer ylberi), i quajti shkrimtarėt shqiptarė qė krijojnė edhe nė gjuhė tė tjera ‘autorė qė kanė kapėrcyer ylberin’. Kulmi ėshtė se nė Ballkan e mė tej, radha pėr tė kapėrcyer ylberin ėshtė e pafundme dhe frymėzėnėse, kurse ata qė kanė pasur fatin ta pėrcjellin frymėn dhe shpirtin shqiptar edhe matanė, me gjuhėn e tjetrit dhe pa ndėrmjetėsinė e pėrkthyesve, paditen si tė pabesė. Kam tė dhėna se romani «Paranoja» do tė botohej fillimisht nė gjuhėn gjermane, tė cilėn Xhemal Ahmeti e zotėron pėrkryer.
 
E s’ėshtė as rasti i vetėm e as pėr t’u ēuditur, po tė shohėsh me ē’shpejtėsi, dashamirėsi e pėrkushtim zyrtaria shqiptare s’rresht sė pėrhapuri vlerat tona kulturore tė mirėfillta. Besoj se botimi i kėtij romani fillimisht nė njė gjuhė tė huaj do ta kish tėrhequr vėmendjen qė ai meriton dhe do ta kish shpėrndarė nė tė gjitha trevat ku lexohet shqip, tė shoqėruar (ligjėruar) nga vlerėsimi aq i nevojshėm mediatik i kritikės perėndimore. Njė vlerėsim, tė cilin kritika jonė ka rastin ta bėjė pa asnjė vėshtirėsi, pėr mė tepėr qė, nė gjuhėn amtare, «Paranoja» ruan atė qė mund tė quhet shqipja e globanalizuar, - njėfarė shartimi mes barbarizmash latine, osmane, angleze, italiane, frėnge etj - dėshmi tė njė turbullire e rėnieje tė pėrgjithshme kulturore, ballkanike, evropiane e pėrtejoqeanike, por dėshmi edhe e zgjerimit tė kultit tė rėndomtėsisė. Me gjuhėn qė pėrdor, romani thotė, veē tė tjerash, se idealet e pėrkora, gjėrat e thella dhe poetike nuk po kanė mė vend askund. Bartėsit e tyre pandehen gati vetiu si qėnie tė dyfishta: shkrimtarė-hafije, poetė-vrasės me porosi, mendimtarė tė lirė-kufoma nė morg etj, siē ėshtė rasti i protagonistit Martin Gera.

 

Romani dhe e folmja e personazheve kanė dy shtresa globalizmash, tė dyja shprehje jo aq tė njėfarė nihilizmi tė shpjegueshėm tė njė autori qė nuk ėshtė lindur e nuk ka jetuar nė Shqipėri, se sa tė njė amebe tekstuale qė synon e shpesh arrin tė gjallojė si botė mė vete, paralele. Nga kjo pikėpamje, edhe vetė romani merr pėrsipėr me kthjelltėsi tė jetė njėri prej shumė rrathėve bashkėqendrorė tė paranojės. Jo rastėsisht René Claire thoshte se kthjelltėsia ėshtė vuajtja qė ndodhet mė pranė diellit...
 
 
Gjysma tjetėr e Xhokondės dhe shteti
 
“Paranoja” ka njė nėnshtresė tė fuqishme morali e filozofie. Me paanėsinė dhe humorin e tij tė mbamendshėm, autori kumton se fajtore pėr shumė nga tragjeditė e dyndura mbi njeriun e sotėm ėshtė papėrkryerja e tij, lėnia e tij pėrgjysmė. Pėr kėtė arsye, njeriu ėshtė nė kushtet e tanishme njė qėnie e pėrngjitur, gjysma-njeri / gjysma-paranojė. Etja pėr tė filozofuar i kaplon natyrshėm tė gjithė personazhet. Varfėria e jetės, klishetė, pėrsėritja e gjėrave me njė pėrpikmėri kafshėruese, dėshpėrimi drobitės dhe mungesa e njė tė ardhmeje tė qartė shpirtėrore, e ndan shapin nga sheqeri, domethėnė: shpirtin e rėndomtė, dashnor tė vogėlimave tejet tokėsore, nga shpirti i mprehtė, i zgjedhur tė pėrkryhet mes angushtish.
  
Nganjėherė e folmja e personazheve, qofshin tė mbarė a tė mbrapshtė, viktima a gjakatarė, ėshtė e njėjtė. Nė kushte sadopak tė natyrshme, falltarja moderne Sofie Bara, pėr shembull, nuk do tė kish medituar njėlloj me L. Shkezėn apo me Petrit Kusarin, sado e varfėr tė qe jeta shpirtėrore e sė tashmes, por kjo ngjashmėri tė folmesh, pėrveē trysnisė sė paranojės, - qė ėshtė si puna e ligjit: e njėjtė pėr tė gjithė, - pėrcjell tėrthorazi edhe idenė e binjakėzimit. Kaloi edhe njė ditė, nuk tė vrau kush, nesėr ka rrezik tė gdhihemi binjakė. Shkurt fjala: s’ka mė rėndėsi se cili prej nesh zhduket nesėr nga faqja e dheut...

 

Nė vend tė pjesės sė papėrfunduar tė kryeveprės Xhokonda vigjėlon hidra e mistershme e qarqeve zyrtare qė mbajnė emrin shtet. Ėshtė e tepėrt tė zgjatemi me pėrfaqėsuesit e shtetit nė roman. Tė dhėnat qė jepen lidhur me kėtė botė qė «tė vetėvret» (siē thotė Niēja), janė vegimtare. Nė pėrputhje me to, gjysma e pėrfunduar e Xhokondės nuk ėshtė veēse njė relike e gjetur mes rrėnojave tė njė qytetėrimi, ku fryma krijuese ende dihaste. Mirpo meqenėse kryevepra e pambaruar pėrfaqėson vetėm njė relike, - qė nuk i shėrben me asgjė epshit, kamjes dhe paranojės, - ajo nuk ka pikė vlere. Nuk ka vlerė madje as sa tė mund tė shitet a tė blihet. Atė as falas, gjetur nė udhė, nuk e honeps njeri.

 

Nė kreun e fundit tė librit, protagonist bėhet njė X qė mishėron copėra nga tė gjithė personazhet e tjerė. Ėshtė nėpunėsi, zyrtari total, roboti, i paveti, prijėsi dhe ushtari i pėrbetuar i aq tė paemėrve qė ta zenė frymėn nė ēdo faqe tė librit pa hyrė fare nė arenė. X-i mbledh kockat e ngjarjes, si tė thuash, rendit hollėsitė, dhe i hedh drynin njėrit prej shumė rrathėve tė kėtij romani qė ėshtė nė gjendje tė ulė mjaft flamuj bajrakėsh letrarė nė gjysmė shtizė.
 
Bukuresht, mars 2004
 

[1] Tė dhėna mė tė plota mund tė gjenden nė www.xhemal-ahmeti.com dhe nė www.seguratech.com


                       Copyright©2000-2003 Trepca.net - Tė gjitha tė  drejtat e rezervuara.