Kush po e vret Kosovën?

Kush po e vret Kosovën?

27 mars 2004 / TN

Zef AHMETI

Në fillim të shkurtit të vitit 2004 ushtaraku serb Momir Stojanoviq ka deklaruar se, në të gjitha strukturat e Kosovës janë të pranishëm elementet e shërbimit sekret serb. Ndërsa një fenomen tjetër është ai i organizatave arabe në Kosovë për ta dhënë “kontributin” e tyrë në rindërtimin e Kosovës. Nëse ngrejmë një paralele dhe vlersojmë se këto dy elemente kanë pika të përbashkëta që i bashkon, atëherë nuk duhet që kjo të na befasoj. Armiku i armikut tim, është miku im thotë një fjalë popullore. Por shkrimi im do të pozicionohet në disa çështje të tjera, pak më professionale për natyrën time.

II.

Populli shqiptarë i traumatizuar dhe ende i parehabilituar nga lufta në Kosovë e në mënyrë të veçantë nga brutaliteti vrasës serb fillimisht e kishta kapluar euforia e “lirisë” që kishte ardhur në Kosovë. Pasojat e luftës, procesi i ngadalshëm i ecjes përpara i Kosovës në të gjitha sferat e jetës ka të bëjë edhe me luftën brendashqiptare për pushtetin edhe ashtu të kufizuar duke mos harruar poashtu edhe byrokratinë e tepruar të organeve të UNMIK-ut dhe duke ia shtuar kësaj edhe problemet tjera që lindën në “liri” që kanë të bëjnë drejtëpërsëdrejti me jetën, ekzistencën, perspektivën dhe ballafaqimi me realitetin dhe status quon e krijuar duke u ndihmuar nga parazitët e politikanë të Kosovës dhe luftës permanente të Beogradit për të ndikuar në destabilizimin e Kosovës duke instrumentalizuar minoritetin serb të Kosovës, dhe shume elemente tjera kanë ndikuar që pakënaqësinë e popullit të frustruar elementet antishqiptare ia kanë arritur që mllefin e akumuluar të shqiptarëve ta drejtojnë që ta shprehin në formë të palejueshme dhe të dëmshme politikisht për Kosovën.

III.

Mënyra “turmore” e të menduarit është një element që e përcjell popullin shqiptarë. Kjo formë turmore, pra jo e logjikës dhe vlersimit individual të situatave dhe ngjarjeve kanë ndihmuar që shqiptarët lehtë të manipulohen të bëjnë akte të pandërgjeshme dhe kundërvetevetës duke quar ujë në mullirin e kundërshtarëve për ta fuqizuar edhe më shumë pretendimet për ta dëmtuar dhe shkatërruar përfundimisht imazhin e mirë dhe figurën e shqiptarit si dhe kërkesën për pavarsi.

Këtë do ta dëshmonte edhe fakti se, në Kosovë kurrë nuk janë shkatërruar objektet fetare të besimit otodoks, përkundrazi ato janë mbrojtur edhe në ato rrethana më të vështira që ka kaluar Kosova. Shtrohet pyetja, pse mu tani kur bëhej fjalë për standartet dhe dialogut për statusin përfundimtar të Kosovës ndodhin gjëra të tilla?

IV.

Një fenomen tjetër që duhet theksuar është, pse mu në datën kur partia më e madhe shqiptare në Kosovë kishte organizuar demostrata kundër dhunës mu atë ditë (17 marsi) shpertheu dhuna? Sado që të jetë e dhimbshme, njerzit në Kosovë po e ndiejn vetën si te jënë në një burg masiv. Proceset ecin shumë ngadal. Për çdo ligj që nxirret duhet të kalohet nëpër procedura të panumërta. Për çdo vendim për pasurin e Kosovës duhet të koketohet me Beogradin. Papërvoja e politikës shqiptare dhe në anën tjetër ngritja e pozicioneve të kundërta me UNMIK-un dhe krijimi i vakuumit në sistemin juridik në Kosovë kanë ndikuar që proceset të stagnojnë.

Në Kosovë kemi multietnicitetin më të madhë dhe më specifik në botë nëse marrim parasysh të gjitha shtetet që veprojnë në Kosovë. Dhe të gjithë këta kanë përvoja të ndryshme me ligjin. Një kërkon diçka sipas edukimit që ka në vendet e lindjes, një tjetër kërkon dhe vepron diçka sipas përvojës në perendim, një i tret sipas përvojes orientale… si të veprojnë shqiptarët?

Shqiptarët duhet të krijojnë dhe formojnë një pozicion të çartë. Ata nuk guxojnë të bëhen viktimë e proceseve të pakontrolluara. Politikanët me të gjitha gabimet që i ka pranuar edhe vetë Kryeadministratrori i Kosovës Holkeri, duhet të veprojnë me një politikë të përbashkët sa i përket pozicionit të përfaqësimit të interesit të përbashkët të Kosovës, t`i izolojnë elementet destruktive shqiptare dhe ato elemente tjera që po e shfrytëzojnë shqiptarin si mjet për arritjen e qëllimeve që bien e ndeshin në kundërshtim me interesat nacionale të Kosovës.

Kosova ta themeloj shërbimine vet sekret dhe të dalë në mbrotje qeverisë së Kosovës dhe parlamentit të Kosovës duke mbledhur informacione dhe duke kontrolluar situatën në Kosovë. Ky shërbim duhet të jetë neutral dhe efektiv. UNMIK-u duhet të vihet para proceseve të kryera në Kosovë që kjo administratë të përfundoj misionin e saj. Me dhunë është e kotë që të arrihet një qëllim i tillë. Puna dhe efikasiteti dhe jo parazitllëku janë ato që proceset i qojnë përpara. Nëse vetëm vajtohet e nuk veprohet, atëherë skemi pse ankohemi.

Dhe sa për fund nëse lidhim ecurit e interesave dhe politikës globale, atëherë shqiptarët duhet të dalin nga bota e bërjes së politikës rurale. Proceset duhet të vlersohen në kuadër të zhvillimeve rajonale dhe atyre globale. Shqiptarët nuk duhet që ta lejojnë vetën të jenë viktimë e asaj apo kësaj politike, të atyre apo kytëre elementeve destruktive estremiste e radikale të pakontrolluara e kriminele. Kosova duhet të vijëzoj linjën e vet dhe diskursin e saj të qartë drejt qëllimit të saj, drejt krijimit të një personaliteti më të avancuar me nje diplomaci të shëndoshë të rritjes dhe zgjerimit të miqve, e të mos shkoj kah izolimi.