EDHE MITROVICA E VERIUT ËSHTË KOSOVË

27 mars 2004 / TN

Shkruan: Arbër R.ISMAJLI / Gjilan

Vakumi i pushtetit në Mitrovicë i lejuar nga UNMIK-u dhe KFOR-i duhet menjanuar me çdo kusht.

Kërcënimi i vërtet vjen nga ana e grupeve kriminale serbe që komandohen nga regjimi i Beogradit, të cilat shfrytëzojnë në interes të tyre boshëllokun e krijuar prej mungesës së pushtetit në Veriun e Kosovës.

Ngjarjet e fundit në Kosovë, prapë kanë kthyer sytë e opinionit botëror kah Kosova.

Krimi në Mitrovicë, mbytja e tre fëmijëve në lumin Ibër nga fshati Çabër i komunës së Mitrovicës, të shtyrë nga paramilitarët Srbë që jetojnë dhe veprojnë në Veriun e Kosovës dhe në anën tjetër revolta e mijëra Shqipëtareve të Kosovës duke u solidarizuar me qytetarët e Mitrovicës me anë te protestave në tërë qytetet e Kosovës, bilansi tragjik rrethë 30 të vdekur dhe afro 500 të plagosur rëndë e lehtë si dhe shumë dëme materiale të shkaktuara në Kosovë.

Revolta e kosovarëve është shprehur diku ,diku edhe ndaj paqëruajtësve ne Kosovë të cilët kanë shpëtuar këtë popull nga spastrimi etnik i një regjimi totalitar fashist serb.

Duhet nxituar. Por në të njejtën kohë duhet pasur edhe durim. Politikës ndërkombëtare në kosovë i duhet që gradualisht të bëjë transferin e të gjitha kompetencave tek vendorët.

Koha kalon, ndërkohë që shumëçka zvarritet apo mbytet prej burrokracisë, qoftë në procesin e rindërtimit qoftë në atë të sigurisë së qytetarëve.

Çdo pasiguri dhe çdo vakum pushteti krijon hapësirë për shfrytëzim, në pjesën veriore të Mitrovicës vazhdojnë të qarkullojnë shumë armë, në këtë vendë mungon siguria për ata shqipëtar që jetojnë në pjesën veriore të qytetit serbet kanë ndërtuar sistemin paralel në veri dhe dirigjohen nga Beogradi që sa ma shumë trazira të shkaktojnë në Kosovë.

Çdo incident në Kosovë është i tepërt. Po ashtu është e kuptueshme dhe indinjata me të cilën shoqërohen lajmet për shëndërimin e ushtarëve të KFOR-it në objektiv të sulmeve.

Cilët janë ata të cilët shtien ndaj KFOR-it?

Cilët janë të interesuar të pengojnë procesin e pavarësisë në vënd?

Siç po shifet këtu po bëhet fjalë për veprime kriminele serbe të dirigjuara nga regjimi i Beogradit për të destabilizuar Kosovën e cila është duke ecur drejt shtetësis së saj.

Në pamje të pare, pushtetin në Kosovë e udhëheqin institucionet ndërkombëtare dhe ato vendore, por udhëheqja e tyre nuk shtrihet në veri sepse aty janë paramilitarët serbë të cilët punojnë vetëm për destabilizim të situatës e jo normailizimit dhe kthimit të tye në një jetë normale të bashkëqeverisjes me vendorët për përmbushjen e standardeve të parashtruara nga bashkësia ndërkombëtare.

Për këtë janë të vetëdijëshëm të gjithë edhe vendorët edhe ndërkombëtarët por serbet e Kosovës nuk dëshirojnë të jetojnë në kosovën e pavarur sepse kjo i pengon Beogradit.

Bashkësia ndërkombëtare në krye me SHBA-të nuk duhet që të prishin marëdhënjet me kosovarët sepse shqipëtarët e Kosovës janë të ndërgjegjëshëm, janë edhe për faktin se e vetmja mundësi për një Kosovë të pavarurë qendron pikërisht në bashkëpunimin e tyre me administratën e UNMIK-ut dhe KFOR-in.

Pikërisht kjo është edhe arësyea se pse të gjitha institucionet vendore Presidenti, Parlamenti dhe Qeveria si dhe të gjitha partitë politike në Kosovë, janë deklaruar në favor të bashkëpunimit me këto struktura, nga njëra anë dhe kanë denuar të gjitha format e ushtrimit të dhunës, duke bërë thirje për ndëshkimin e fajtorëve nga ana tjetër.