Kryesia e FR të LDK-së u prit në SHP të TMK-së

Kryesia e FR të LDK-së u prit në SHP të TMK-së


Prandaj, ju falenderoj që na e bëni këtë vizitë”, tha fillimisht z.Muçolli, i cili më pastaj shpalosi para delegacionit të FR të LDK-së punën që është duke e bërë TMK-ja. Për të, tha se është një vazhdimësi e UÇK-së, e cila sot në liri ka për qëllim ndërtimin dhe mbrojtjen e vendit. Ne jemi neutral në politikë, por se është e nevojshme të përkrahim çdo qendrim politik të popullit.

Ndërsa Sejdë Tolaj, nënkryetar i FR të LDK-së, tha se kjo vizitë është pjesë e agjendës, që ne e kemi përcaktuar për këtë ditë. “Ne kemi respekt të veçantë për TMK dhe institucionet tjera të Kosovës”, shtoi z.Tolaj.”Meqë kjo është vazhdimësi e UÇK-së, ne jemi të interesuar që të avancohet, dhe se rinia dëshiron që këtë ta shoh si ushtri të përgatitur për ta mbrojtur integritetin territorial dhe kufijtë e Kosovës”- nënvizoi z.Tolaj.

Në vazhdim, potencoi se si FR i LDK-së e vizitojmë TMK-në për arsye se e çmojnë për të gjitha përpjekjet e saj në ndërtimin e Kosovës. Nënkryetari Tolaj porositi TMK-në që të ruaj neutralitetin e vet politik.

Gjeneral Çeku: 24 marsi është dita e bashkëpunimit të mirë me NATO-n

Kah përfundimi i këtij takimi, erdhi edhe generallejtnant Agim Çeku, i cili u përshëndet ngrohtësisht me delegacionin e të rinjve të LDK-së. Pasi u tregoi këtyre se ishte në një vizitë në familjet e fëmijëve në Çabër, dhe se për këtë nuk kishte mundur të vinte me kohë në këtë takim, gjeneral Çeku tha se është i nderuar me këtë vizitë që po ia bëjnë të rinjtë e LDK-së. Ai u shfaqi këtyre edhe shqetësimin e vet për ngjarjet e fundit që kanë ndodhur në Kosovë.

“24 marsi është dita e bashkëpunimit të mirë me NATO-n, dhe këtë bashkëpunim duhet ta ruajmë edhe në të ardhmen”, u tha atyre gjeneral Çeku. Delegacioni, pas përfundimit të takimit, u shpërndau lule ushtarëve të TMK-së.