Përmbajtja:

• Mesazh i Presidentit të Kosovës, Ibrahim Rugova, në 5-vjetorin e fushatës ajorore të NATO-s për Kosovën

• Hari Holkeri: Gjatë trazirave të fundit në Kosovë kanë ndodhur edhe krime kundër njerëzimit

• Me dhunë nuk mund të hyhet në BE, thotë Solana

• Solana e paten takohen me udhëheqësit më të lartë të Kosovës

• Për riparimin e dëmeve qeveria ka ndarë 5 milionë euro

• Monitoruesi Kosovar i Helsinkit dënon dhunën etnike dhe vrasjen e dy policëve

• Për nder të 24 marsit, në Gjilan zbulohet murali që simbolizon paqe për të gjithë në Kosovë

• Rexhepi: Për ne sfidat e vjetëve të pasluftës akoma mbesin të mëdha

• Në Prishtinë sot u varros Agron Ramadani

• Solana dhe Paten mbërritën në Prishtinë

• Pjesë nga intervista e Presidentit Rugova dhënë BBC-së

• Kamerhof thotë se KFOR-i do të përgjigjet ashpër ndaj çdo përpjekjeje për të nxitur sërish dhunë

• Pjesë nga intervista e Presidentit Rugova dhënë BBC-së

• M.Hamiti: UNMIK-u nuk është mision për të drejta të njeriut, ka atributet themelore të shtetit

• Mbrëmë janë vrarë dy policë në një fshat të Podujevës

• Deklaratë e Ombudspersonit lidhur me ngjarjet e fundit në Mitrovicën veriore

• Deklaratë e Ministrisë së Punëve të Jashtme të Shqipërisë për zhvillimet në Kosovë

• Në aeroportin e Prishtinës kanë arritur rreth 300 trupa shtesë nga shtatë shtete të NATO-s

• Daniel Server thotë se zhvillimet e fundit në Kosovë janë tragjedi për të gjithë

• Përfaqësuesit e opozitës gjermane kanë theksuar se qeveria duhet të korrigjojë kursin në Kosovë

• Numri i të zhvendosurve nga të gjitha komunitetet pas trazirave në Kosovë është mbi 4000 persona

• Krerët fetarë myftiu Naim Tërnava dhe imzot Mark Sopi shprehën keqardhje për djegiet e objekteve ortodokse

• Dje në Shipol të Mitrovicë u varrosën katër shqiptërë të vrarë gjatë trazirave të 17 dhe 18 marsit

• Forcat e KFOR-it kanë arrestuar Shukri Bujën, ish-komandant i UÇK-së dhe veprimtar i PDK-së

• Xhozef dhe Moran thonë se deri më tash janë arrestuar 196 persona lidhur me trazirat e fundit në Kosovë

• Çarlls Brajshou pranon se një pjesë të përgjegjësisë për zhvillimet e fundit në Kosovë e bartë edhe UNMIK-u

• Kryesuesi i OSBE-së tha se dhuna në Kosovë mund ta shtyjë zgjidhjen e statusit final të Kosovës

• Kuvendi i Gjilanit shpreh keqardhje për atë që ndodhi më 17 e 18 mars

• Udhëheqësit e Kuvendit të Komunës së Vushtrrisë vizituan komunën e Mitrovicës

• Përkujtohen Latif Berisha dhe veprimtarët e tjerë të LDK-së në Mitrovicë

• Zbulohet një varr masiv në Tiranë

• Kryeministri serb edhe në Bruksel kërkoi kantonizimin e Kosovës

• Romano Prodi i bëri thirrje Koshtunicës që të mosë mos përsëriten aktet e dhunës

• Në dy sulme kryengritësit kanë vrarë 11 policë irakianë

• Ambasada amerikane në Emiratet e Bashkuara Arabe ka suspenduar punën

• Tanket izraelite kanë hyrë në një kamp të refugjatëve palestinezë në Gaza

• Uashington: Dëshmi publike për sulmet e 11 shtatorit

• Autoriteti Palestinez: Vrasja e Jasinit është krim lufte

• Bush kundërshton akuzat për Al-Kaidan

• Gjatë një shkëmbimi zjarri në Falluxha janë vrarë 3 civilë

• Në një kamp ushtarak në Afganistan, aksidentalisht janë vrarë 4 ushtarë afganë

• Një raketë ka goditur një hotel në Bagdad

• Meshë përkujtimore për 190 viktimat e sulmeve në Madrid

• Forcat izraelite kanë vrarë dy militantë palestinezë

Mesazh i Presidentit të Kosovës, Ibrahim Rugova, në 5-vjetorin e fushatës ajorore të NATO-s për Kosovën

 

Prishtinë, 24 mars 2004 - Presidenti i Kosovës, Dr. Ibrahim Rugova, u ka drejtuar një mesazh qytetarëve të Kosovës me rastin e 5-vjetorit të fushatës ajrore të NATO-s për Kosovën, që nisi më 24 mars 2004 1999. Më poshtë po e japim tekstin e plotë të mesazhit të Presidentit Rugova.

- Me rastin e 5-vjetorit të Ditës së fushatës ajrore të NATO-s për lirinë, pavarësinë dhe demokracinë e Kosovës, ju shpreh urimet e mia të përzemërta.

Në këtë vit jubilar do thënë se 24 mars 2004i i vitit 1999 ka hyrë në historinë moderne të Kosovës si njëra ndër datat më të rëndësishme. Tashmë kjo ditë konsiderohet si ditë historike për vendin tonë.

Në këtë 5-vjetor do theksuar se Kosova ka pasur një progres të madh në të gjitha fushat e jetës. Institucionet e Kosovës janë të përqëndruara dhe po punojnë në realizimin e objektivave të zhvillimit ekonomik dhe demokratik, të krijimit të vendeve të reja të punës, të stabilitetit politik si dhe të integrimit të grupeve etnike në shoqërinë dhe në shtetin e Kosovës.

Në rrugën tonë të progresit, ne këto ditë patëm trazira ku u përdor dhuna e papranueshme për ne, dhe po bëjmë përpjekje të përbashkëta për tejkalimin e gjendjes.

Jemi optimistë se këtë gjendje do ta përmirësojmë së shpejti dhe do të fuqizojmë progresin e vendit tonë të shtrenjtë.

Gjithsesi objektiv madhor për gjithë popullin dhe qytetarët është njohja formale e pavarësisë së Kosovës sa më shpejt, çfarë do të qetësonte këtë pjesë të Evropës dhe të botës. Këtë do ta realizojmë së bashku me miqtë e Kosovës.

Në këtë ditë feste, urime të përzemërta u shprehim ushtarëve dhe komandantëve të zonave të NATO-s/KFOR-it si dhe gjeneralit Kamerhof, që po bëjnë mbrojtjen dhe sigurinë e Kosovës.

Urime të sinqerta i shprehim UNMIK-ut dhe OSBE-së.

Njëkohësisht urimet tona ua drejtojmë dhe përfaqësive diplomatike në kryeqytetin e Kosovës, në Pishtinë.

Në këtë ditë feste përshëndesim Presidentin Bush, Kryeministrin Blair, Presidentin Shirak, Kancelarin Shreder dhe Kryeministrin Berluskoni, që po e përkrahin vendin tonë në rrugën e zhvillimit dhe të prosperitetit.

Si gjithmonë, përshëndetje të veçantë i drejtojmë Papa Gjon Pali II, që gjithnjë kujdeset dhe lutet për Kosovën.

Zoti e bekoftë NATO-n! Zoti e bekoftë KFOR-in! Zoti e bekoftë Kosovën tonë të dashur! Gëzuar 24 mars 2004i jubilar!, - thuhet në fund të mesazhit të Presidentit Rugova.

 

 

Hari Holkeri: Gjatë trazirave të fundit në Kosovë kanë ndodhur edhe krime kundër njerëzimit

 

Graçanicë - Prishtinë, 24 mars 2004 - Shefi i misionit të OKB-së në Kosovë Hari Holkeri ka thënë dje në Graçanicë se gjatë trazirave të fundit në Kosovë kanë ndodhur edhe krime kundër njerëzimit. Këtë deklaratë z. Holkeri e ka bërë pas takimit me peshkopin Artemije në manastirin e Graçanicës.

"Krimi kundër njerëzimit ka ndodhur, por në anën tjetër ne e dimë se shumica absolute e njerëzve të të gjitha komuniteteve dëshirojnë të jetojnë në paqe dhe të respektojnë të drejtat e fqinjëve të tyre",- ka thënë z. Holkeri. Ai ka shtuar se autorët e akteve të dhunës duhet të dalin para drejtësisë. Ai është shprehur "këto forca ekstremiste duhet të izolohen, të sjellen para gjykatave dhe të dënohen".

 

 

Me dhunë nuk mund të hyhet në BE, thotë Solana

 

Prishtinë, 24 mars 2004 - Shefi i diplomacisë së Bashkimit Evropian Havier Solana, gjatë vizitës në Prishtinë, deklaroi sot se dhuna kurrë nuk mund të jetë rrugë e shkurtër për hyrjen e Kosovës në Bashkimin Evropian. Ai tha se e dënon dhunën nga thellësia e shpirtit. "Nuk mund të bëj asgjë më tepër veç ta dënoj këtë.

 

Sjellja e tillë është e papranueshme dhe ne nuk do ta tolerojmë", tha Solana, duke shtuar se populli i Kosovës dhe liderët e saj duhet ta dijnë këtë.

 

Kjo është intolerante dhe kjo nuk do të lejohet, tha ai. Kosova do ta vazhdojë rrugën në fund të së cilës do të ketë vend ku njerëzit do të jetojnë bashkë, tha Solana, duke porositur shqiptarët që të rëndërtojnë të gjitha që gjatë ditëve të kaluara i kanë rrënuar dhe djegur. "Ju duhet të paguani për këtë.

 

Nuk mund të pritni nga bashkësia ndërkombëtare që të ndajë mjete për rindërtimin e asaj që është djegur dhe shkatërruar.... Ky është obligimi juaj.

 

Kjo për mua është e tmerrshme", tha Solana para gazetarëve, duke premtuar se BE do të bëjë çmos që të angazhohet për jetë të përbashkët e të sigurt për të gjithë qytetarët. "Me dhunë nuk mund të hyhet në BE dhe në bashkësinë e shteteve evropaine", tha Solana duke shtuar se ajo që duhet bërë menjeherë është të rëndërtohen shtëpitë.

Komesioneri evropian Kris Paten tha se e di që ka liderë shqiptarë që punojnë për një shoqëri tolerante dhe shpreson që ata do të punojnë rindërtimin e shtëpive dhe objekteve të serbëve. "Ata të cilët kanë bërë akte të tilla duhet ta kuptojnë se nuk po shkatërrojnë vetëm të ardhmen e të tjerëve por edhe të ardhmen e tyre", tha Paten.

 

 

Solana e paten takohen me udhëheqësit më të lartë të Kosovës

 

Prishtinë, 24 mars 2004 - Havier Solana dhe Kris Paten kanë pasur një takim të përbashkët me udhëheqësit më të lartë të vendit Presidentin Ibrahim Rugova, Kryeministrin Bajram Rexhepi dhe kryeparlamentarin Nexhat Daci, si dhe me liderin politik të PDK-së Hashim Thaçi dhe nënkryetarin e AAK-së Bajram Kosumi.

Një takim të veçantë Solana e Paten e kanë pasur me përfaqësuesit e koalicionit serb "Kthimi".

Ndërkohë Solana dhe Paten po takohen veç e veç me Presidentin Rugova, Kryeministrin Rexhepi dhe kryeparlamentarin Daci.

 

 

Për riparimin e dëmeve qeveria ka ndarë 5 milionë euro

 

Prishtinë, 24 mars 2004 - Në një takim të sotëm të Qeverisë së Kosovës është diskutuar për riparimin e të gjitha dëmeve që janë shkkaktuar nga trazirat e ditëve të kaluara. Sipas ministrit të financave Ali Sadria shuma që ka ndarë qeveria do të jetë 5 milionë euro.

 

Poashtu qeveria ka vendosur të formojë një komision qendror ndërministror për koordinim dhe udhëheqje të këtij fondi emergjent, në krye të të cilit do të jetë ministri i kulturës Behxhet Brajshori. Poashtu për riparimin e ndërtesës në Ulpianë ku bonojnë serbët janë ndarë 70 mijë euro.

Qeveria e Kosovës ka dënuar sot edhe vrasjen e dy policëve mbrëbë afër Podujevës.

 

 

Monitoruesi Kosovar i Helsinkit dënon dhunën etnike dhe vrasjen e dy policëve

 

Prishtine 24 mars 2004 - Monitoruesi Kosovar i Helsinkit (MKH) me seli në Prishtinë shpreh shqetësim dhe pikëllimin e thellë për viktimat e dhunes etnike që përshkallezoi rrezikshem javen e kaluar ne Kosove, si dhe per vrasjen e mbremshme te policit nderkombtare te UNMIK-ut dhe policit te SHPK-se.

 

Kjo dhune, pos humbjes se jeterave te shumeta njerzore (28 + 2) dhe te plagosjeve (870), zjarrevenieve shtepive (286) dhe kishave ortodokse serbe (33), shkaktoi edhe dhembje te tjera te renda popullit dhe shoqerise kosovare.

 

Veçanerisht shqetesuese eshte vrasja e policeve qe pasoi mbreme vone kur mendohej se situate ne Kosove po stabilizohet dhe normalizohet me angazhimin e gjithembarshem tebashkesise nderkombtare dhe institucioneve vendore, thuhet në një komunikatë.

Kjo dhune, vazhdon komunikata, tanime fare serioze po demton seriozisht edhe procesin e filluar politik per zgjedhjen e drejte dhe stabile te statusit final te Kosoves.

 

MKH denon fuqishem kete dhune etnike, duke mbrojtur njekohesisht te drejten e fjales dhe tubimit te lire, perfshire ne kete kuader edhe te drejten e protestes e shprehjes se revoltes ndaj cfaredo zhvillimeve te padeshirueshme politike, ekonomike, sociale a tjera ne vend apo me gjere.

 

Kjo e drejte, paraqet nje te drejte themelore njerezore dhe si e tille duhet te ruhet, kultivohet dhe fuqizohet B por gjithnje ne menyre jo te dhunshme dhe ne harmoni me konceptet demokratike dhe ato te shtetit te se drejtes.

Ne kete kuptim MKH i drejtohet me kete apel opinionit publik dhe establishmentit politik dhe mediave kosovare, qe te nderrmarrin te gjitha angazhimet e duhura per tejkalimin e gjendjes se rende te krijuar nga shperthimi i kesaj dhune.

 

 

Për nder të 24 marsit, në Gjilan zbulohet murali që simbolizon paqe për të gjithë në Kosovë

 

Gjilan, 24 mars 2004 - Pesëvjetori i fillimit të bombardimeve të NATO-s ndaj Serbisë, për ta detyruar pushtetin e Millosheviqit që t`i jepte fund dhunës ushtarake dhe policore ndaj popullit të Kosovës, sivjet, për shkak të ngjarjeve që ndodhen më 17 e 18 mars, nuk është shënuar me ndonjë manifestim të veçantë as në komunën e Gjilanit, e cila i përket sektorit të KFOR-it amerikan.

Megjithatë, dita e 24 marsit nuk kaloi pa asnjë aktivitet në këtë qytet. Në objektin e shkollës fillore "Thimi Mitko" u zbulua murali që simbolizon paqe për të gjithë në Kosovë.

Kryetari i komunës, Lutfi Haziri, komandanti i KFOR-it, koloneli Richard Jonson, këshilltari i UNMIK-ut për Gjilan, Charles Messier, kryetari Degës së LDK, Xhemajl Hyseni, kryetari i AAK, Fadil Gashi si dhe përfaqësuesi i komunitetit turk, Kemal Shahin kanë tërhequr bashkarisht pëlhurën e gjerë nga murali dhe para tyre është shfaqur një dritare e hapur, harta e Kosovës me një libër në mes të saj si dhe dy pëllumba nga të dy anët e pikturës.
Parashkollorët e "Thimi Mitko" u kanë dhuruar lule ushtarëve të KFOR-it amerikan dhe i kanë përfaquar ata.

 

 

Rexhepi: Për ne sfidat e vjetëve të pasluftës akoma mbesin të mëdha

 

Prishtinë, 24 mars 2004 -Organizata të ndryshme të shoqërisë civile organizuan sot para Teatrit Kombëtar në Prishtinë një manifestim me rastin e 5 vjetorit të fillimit të sulmeve të NATO-s mbi forcat serbe në Kosovë.

Duke iu drejtuar qindra qytetarëve të mbledhur kryeministri i Kosovës Bajram Rexhepi tha se "për ne sfidat e viteve të pasluftës akoma mbesin të mëdha". Qytetarët më pastaj iu dhuruan ushtarëve të KFOR-it dhe policisë së UNMIK-ut nga një lule.

 

 

Në Prishtinë sot u varros Agron Ramadani

 

Prishtinë, 24 mars 2004 - Në Varrezat e Dëshmorëve në Prishtinë sot u varros 30-vjeçari Agron (Hasim) Ramadani, që tragjikisht humbi jetën në trazirat e 17 marsit në fshatin Çagllavicë.

Pas mbytjes së tre fëmijeve në lumin Ibër, ai iu bashkangjit protestuesve për ta debllokuar rrugën në Graçanicë e Çagllavicë, ku mori plagë vdekjeprurëse.

 

 

Solana dhe Paten mbërritën në Prishtinë

 

Prishtinë, 24 mars 2004 - Përfaqësuesi i lartë për politikë të jashtme dhe siguri i BE-së Havier Solana dhe komesioneri evropian për punët e jashtme Kris Paten kanë mbërritur sot në Kosovë për t'u njohur me situatën aktuale pas traziarve të ditëve të kaluara.

 

Solana dhe Paten fillisht kanë qëndruar në Fushë Kosovë, ku të shoqëruar nga shefi i UNMIK-ut Hari Holkeri, vizituan disa familje serbe të cilat ishin sulmuar gjatë ditëve të kaluara.

 

Pas asaj që pa në Fushë Kosovë, Solana deklaroi se bashkësia ndërkombëtare nuk do të tolerojë djegien e kishave, të shkollave dhe objekteve të tjera, njëherit u bëri thirrje serbëve që të mos braktisin shtëpitë e tyre dhe të vazhdojnë të punojnë në krijimin e një vendi ku do të mund të punojnë të gjithë.

Poashtu edhe Paten tha se me shkatërrimin e kishave dhe të objekteve të tjera po orvatet të shkatërrohet Kosova.

Nga ana e tij Holkeri tha se sulmet e 17 e 18 marsit ishin të orekstruara dhe të organizura. Serbët lokalë nuk i pritën mirë përfaqësuesit e lartë të BE-së.

Solana dhe Paten në mesditë do të kenë një takim të përbashkët me kreun e UNMIK-ut dhe të institucioneve të Kosovës, por edhe takime të veçanta me krerët e institucioneve vendore.

 

 

Kamerhof thotë se KFOR-i do të përgjigjet ashpër ndaj çdo përpjekjeje për të nxitur sërish dhunë

 

Frankfurt, 24 mars 2004 - Komandanti i KFOR-it Holger Kamerhof ka thënë se forcat paqeruajtëse do të përgjigjen ashpër ndaj çdo përpjekjeje për të nxitur sërish dhunë në Kosovë.

"Kush tenton të sulmojë enklavat serbe apo të mirat kulturore do të bjerë në konflikt me KFOR-in", ka deklaruar Kamerhof për gazetën gjermane "Frankfurter allgemajne cajtung". Njëheri ai ka bërë të ditur se është e domosdoshme që numri i pjesëtarëve të KFOR-it të rritet në 40.000 ushtarë, ndërkohë që, sipas fjalëve të tij, KFOR-i aktualisht ka 20.000 ushtarë.

Komandanti i KFOR-it ka mohuar vlerësimet se esktremistët javën e kaluar kanë arritur sukses të plotë.

 

"Plotësisht apo pjesërisht janë rrënuar 17 kisha dhe 116 shtëpi. Nëse kjo matet në bazë të numrit prej 120 mijë serbëve që kanë mbetur në Kosovë, atëherë kjo do të thotë se ekstremistët shqiptarë nuk kanë realizuar as sukses të pjesërishëm", ka theksuar gjenerali Kemerhof.

 

 

Pjesë nga intervista e Presidentit Rugova dhënë BBC-së

 

Londër, 24 mars 2004 - Presidenti Rugova u ka bërë thirrje shqiptarëve të Kosovës që të garantojnë sigurinë e serbëve dhe të pakicave të tjera, ndërsa serbëve u ka bërë thirrje që të integrohen më shumë në shoqërinë kosovare. "Ne, si shumicë, shqiptarët e Kosovës, duhet të pranojmë pakicat dhe të garantojmë sigurinë e tyre fizike dhe psikologjike", tha presidenti Rugova në një intervistë dhënë BBC-së.

Ai u bëri thirrje serbëve të Kosovës që të integrohen më shumë në shoqërinë e gjerë dhe të tregojnë vullnet të mirë, edhe nëse ka probleme. Përsa i përket çështjes së pavarësisë, presidenti Rugova tha se vetëm një Kosovë e pavarur do t'i sjellë stabilitet rajonit.

Presidenti tha se kërkon mirëkuptim nga Perëndimi, nga Bashkimi Evropian, SHBA sepse në Kosovë është bërë një progres shumë të madh dhe trazirat që ndodhën këto ditë duhet të qetësohen dhe të vazhdohet me rrugën e progresit të Kosovës. "Prandaj, mendoj se ka ardhur momenti që të gjithë të mendojmë, si Perëndimi, ashtu edhe ne, që të bëhet njohja normale e pavarësisë së Kosovës, sepse ajo do të stabilizonte Kosovën, rajonin.

 

Edhe për Evropën do të ishte shumë më mirë dhe për Shtetet e Bashkuara të Amerikës po ashtu. Kjo do të qetësonte popullin e Kosovës. NATO do të vazhdonte prezencën, UNMIK-u do të kishte një rol monitorues dhe kjo do të ishte më mirë sepse kemi bërë progres shumë të madh", tha Rugova. Ai tha se trazirat e fundit ishin shenjë se mund të degjenerohen gjërat.

Duke folur për pozitën e serbëve në Kosovë Presidenti Rugova tha se gjatë gati pesë vjetëve, serbët janë integruar në planin administrativ, janë në Parlament, në Qeveri kanë dy ministra, marrin pjesë në pushtetin komunal dhe në disa komuna ku janë shumicë ata udhëheqin dhe shqiptarët nuk u bëjnë probleme.

 

"Është çështje që kërkon pak më shumë kohë edhe për komunikim mes shumicës shqiptare dhe serbëve, prandaj ne u kemi ofruar, por për fat të keq ende nuk e kanë pranuar, pjesa më e madhe e tyre. Një pjesë ende mendon me logjikën e vjetër, me Beogradin, e të tjera, dhe derigjon nga Beogradi, për fat të keq, ndërsa me njohjen e pavarësisë, edhe integrimi i tyre do të ishte më i shpejtë", theksoi Rugova.

"Ata (serbët) kanë vende të rezervuara në parlament. Kanë fituar me vota, pastaj ne nëpër vendbanimet e tyre kemi buxhet special. Policët kosovarë-serbë janë prezentë, ambulancat, shkollat, të gjitha i kanë. Edhe gjuha e tyre është gjuhë zyrtare. Don të thotë, janë të drejta që janë të pranuara në botë, në Evropë, ndoshta edhe më shumë. Prandaj, ata duhet t'i ushtrojnë këto të drejta dhe të tregojnë vullnet për integrim në Kosovë", tha Presiebnti Rugova.

Duke komentuar spekulimet për kantonizimin apo ndarjen e Kosovës, Presidenti Rugova tha se së pari Beogradit duhet t'i thuhet jo! Qëllimi i Beogradit tash është të destabilizojë Kosovën e pastaj nesër edhe fqinjët e tjerë. Beogradi është duke zhvilluar një politikë të intensitetit të ulët të konflikteve, ta mbajë krejt rajonin në tension. "Unë s'dëshiroj t'i përmendi këto fjalë, nuk vjen në konsiderim një kantonizim i Kosovës e të tjera, sepse këtu është një shumicë e madhe shqiptare dhe pakicat".

 

"Serbët që janë pakica më e madhe, pastaj boshnjakët, turqit, romët e të tjerë dhe nëse fillojmë në krejt rajonin tonë, të fillojmë me vija etnike, atëherë do të kemi çrregullime të reja dhe lufta të reja. Unë prandaj kërkoj nga Bashkimi Evropian dhe nga Shtetet e Bashkuara të mos e lejojnë këtë. Pra, Kosova të njihet në kufijtë e sotëm dhe ne do të sigurojmë të drejta për të gjithë".

Në mesazhin drejtuar për serbët e Kosovës, Presidenti tha se ata (serbët) përkundër të gjithave, duhet të pranojnë të integrohen në shoqërinë dhe në shtetin e Kosovës, të tregojnë vullnet edhe nganjëherë kur kanë probleme dhe të mos vetizolohen, të mos i dëgjojnë ekstremistët e Beogradit. "Sepse ata nuk janë të interesuar për serbët e Kosovës, janë të interesuar për një destabilizimim total. Beogradi ka të drejtë të interesohet për serbët e Kosovës, por nuk ka të drejtë ta destabilizojë Kosovën dhe ne nuk duhet ta lejojmë këtë", tha ai.

Ndërkaq në mesazhin drejtuar shqiptarëve, ai tha se "ne si shumicë shqiptare e popullit të Kosovës duhet t'i pranojmë minoritetet, grupet etnike dhe t'ju ofrojmë atyre siguri qytetare, psikologjike dhe publike. Ne, si shumicë duhet të kemi përgjegjësi për minoritetet, por edhe minoritetet duhet të tregojnë vullnet për t'u integruar dhe për të ndërtuar Kosovën së bashku", tha në këtë intervistë për BBC-në Presidenti Rugova.

 

 

M.Hamiti: UNMIK-u nuk është mision për të drejta të njeriut, ka atributet themelore të shtetit

 

Prishtinë, 24 mars 2004 - Me rastin e kritikave që hidhen mbi insitucionet e zgjedhura të Kosovës në lidhje me mënyrën si janë përballuar trazirat e javës që shkoi, zëdhënësi i Presidentit Rugova, Muhamet Hamiti, ka përkujtuar se në Kosovë ekzistojnë dy degë të qeverisjes, UNMIK-u dhe institucionet e përkohshme, të cilat ngarkohen me kompetenca të veçanta, ndërsa në shumëçka përgjegjësia është e përbashkët.

"UNMIK-u nuk është mision për të drejtat e njeriut. UNMIK-u ka atributet themelore të asaj që është strukturë shtetërore në një vend, sidomos në fushë të rendit e të sigurisë", ka thënë zëdhënësi Hamiti për mediat.

 

"Për shumëçka, sidomos në lidhje me fushat e rezervuara pushtetore për UNMIK-un, institucionet e Kosovës mund të ushtrojnë autoritet moral. Dhe këtë e kanë ushtruar e po e ushtrojnë", ka thënë zëdhënësi i Presidentit Rugova, duke përkujtuar se udhëheqësit e zgjedhur të vendit e kanë dënuar dhunën fuqishëm.

Ai ka përmendur paraqitjet publike të veçanta e të përbashkëta të Presidentit Rugova, të Kryeministrit Rexhepi e të kryetarit të Kuvendit, zotit Daci.

"Imperativ tani është qetësimi i situatës e jo shqiptimi i akuzave të çfarëdolloji në mes të institucioneve dhe UNMIK-ut. Vjen koha kur do të shihet kush çka ka bërë, ku ka ngecur puna, por, dhe kjo është më e rëndësishmja, si do të shkohet tutje në ushtrimin e pushtetit në Kosovë", ka përfunduar, Muhamet Hamiti, zëdhënës i Presidentit Rugova.

 

 

Mbrëmë janë vrarë dy policë në një fshat të Podujevës

 

Podujevë, 24 mars 2004 - Mbrëmë rreth 21.30 afër fshatit Shakovicë të Podujevës persona të panjohur kanë sulmuar një patrullë të përzier të policisë, duke vrarë dy policë, një ndërkombëtar dhe tjetri pjesëtar i SHPK-së dhe kanë plagosur përkthyesin shqiptar.

Ndaj patrullës së policisë është shtënë me armë zjarri nga dy automjete dhe se njëri nga automjetet e sulmuesve ka mbetur në vendin e ngjarjes.

 

 

Deklaratë e Ombudspersonit lidhur me ngjarjet e fundit në Mitrovicën veriore

 

Prishtinë, 24 mars 2004 - Gjatë dy ditëve të fundit, një numër i madh i familjeve shqiptare, boshnjake dhe turke që jetojnë në Mitrovicën veriore janë larguar me forcë nga shtëpitë e tyre nga ana e serbëve, shpesh herë duke përdorur edhe dhunën, thuhet në një deklaratë të Ombudspersonit të Kosovës Marek Antoni Novciki.

"Ombudspersoni konsideron që kjo është edhe një formë e pastrimit etnik, përpjekjeve të të cilit u kemi qenë dëshmitarë javën e kaluar në pjesët tjera të Kosovës. Javën e kaluar, kryerësit e tij ishin shqiptarët, kurse tani janë serbët", thuhet në këtë deklaratë.

Ombudspersoni dënon të gjitha aktet e tilla të mjera, pa marrë parasysh kush janë kryerësit e tyre. Këto incidente që përfshijnë dhunën kërkojnë veprim të menjëhershëm dhe adekuat si nga ana e administratës së UNMIK-ut dhe organeve kompetente të zbatimit të ligjit, ashtu edhe nga udhëheqësit politik të bashkësisë serbe.

 

Një reagim i drejtë dhe i shpejtë bëhet edhe më i nevojshëm kur të merret parasysh vala e fundit e dhunës në të dy pjesët e Mitrovicës dhe pjesët tjera të Kosovës. Kjo është mënyra e vetme për ta vendosur paqen dhe sundimin e ligjit në Kosovë.

 

 

Deklaratë e Ministrisë së Punëve të Jashtme të Shqipërisë për zhvillimet në Kosovë

 

Tiranë, 24 mars 2004 - Ministria e Punëve të Jashtme të Shqipërisë përshëndet deklaratën e Këshillit për Çështje të Përgjithshme dhe Marrëdhëniet me Jashtë të Bashkimit Evropian i cili dënon dhe një herë dhunën e ushtruar në Kosovë ditët e fundit, mbështet fuqishëm në punën e tyre Përfaqësuesin e Posaçëm të Sekretarit të Përgjithshëm të OKB-së, UNMIK-un dhe KFOR-in dhe kërkon marrjen e masave emergjente për normalizimin sa më parë të situatës dhe mbrojtjen e të drejtave të të gjithë komuniteteve atje.

 

Me këtë rast Ministria e Punëve të Jashtme shpreh besimin se ashtu sikurse deri tani liderët politikë në Kosovë do të vazhdojnë të veprojnë me maturi e përgjegjësi për të mos lejuar në asnjë mënyrë përsëritjen e ngjarjeve të tilla dhe akteve provokative të të dy palëve si dhe për të kontribuar në vendosjen dhe forcimin e ligjit e rendit dhe daljen para drejtësisë të çdokujt që ka kryer krime apo ka nxitur dhunën, duke dëmtuar kështu jo vetëm rendin publik, por edhe ecurinë e reformave të ndërmarra dhe aspiratat legjitime demokratike të popullit të Kosovës.

Ministria e Punëve të Jashtme përfiton nga rasti të përshëndesë vendimin e qeverisë së Kosovës për riparimin e dëmeve të shkaktuara ndaj objekteve të kultit dhe banesave që i përkasin popullsisë serbe atje, si shembull konkret i masave të ndërmarra pas ngjarjeve të fundit në kuadër të krijimit dhe konsolidimit të klimës së përshtatshme për kthim të të shpërngulurve dhe bashkëjetesë multietnike në një Kosovë europiane.

 

 

Në aeroportin e Prishtinës kanë arritur rreth 300 trupa shtesë nga shtatë shtete të NATO-s

 

Prishtinë, 24 mars 2004 - Ka vazhduar edhe dje zbarkimi i trupave shtesë të Aleancës Veriatlantike. Në aeroportin e Prishtinës kanë arritur rreth 300 trupa shtesë nga shtatë shtete të NATO-s.

 

Shefi për Informim i KFOR-it Holst Piper thotë se tashmë situata në Kosovë është e qetë dhe me këta 2000 trupa shtesë mund të menaxhohet situata. Zbarkimi i dy mijë trupave shtesë, sipas zyrtarëve të KFOR-it pritet të përfundojë sot.

 

 

Daniel Server thotë se zhvillimet e fundit në Kosovë janë tragjedi për të gjithë

 

Uashington, 24 mars 2004 - Drejtori i Institutit amerikan për Paqe, Daniel Server ka thënë se trazirat e fundit në Kosovë nuk i interesonin askujt, veçanërisht shqiptarëve të cilëve u janë caktuar standardet për t'u përmbushur.

 

Ai ka nënvizuar se këto zhvillime janë tragjedi për të gjithë dhe se bashkësia ndërkombëtare duhet të ngulë këmbë tek pranimi i standardeve para statusit. Analisti Server shtoi se shqiptarët duhet ta kuptojnë që periudha e qëndrimit të trupave amerikane në Kosovë është e kufizuar dhe për ta shfrytëzuar mirë ata duhet të zbatojnë standardet.

Analisti Serveri ka thënë se problemi i Mitrovicës dhe i strukturave paralele duhej të ishte zgjidhur kohë më parë, por sipas tij, kjo nuk duhej të ishte justifikim për sjellje kriminale ose arsye e fortë për një sjellje të tillë. "Është fakt se në Mitrovicën veriore ka struktura që nuk duhet të ekzistonin.

 

"Atje nuk ka kontroll të plotë të OKB-së. Për mendimin tim disa nga këto struktura nuk përputhen me Rezolutën 1244 të KS. Ky është një problem real, por nuk mund të shërbejë si justifikim për sjellje kriminale", ka thënë Server në një intervistë për "Zërin e Amerikës".

 

 

Përfaqësuesit e opozitës gjermane kanë theksuar se qeveria duhet të korrigjojë kursin në Kosovë

 

Berlin, 24 mars 2004 - Përfaqësuesit e opozitës gjermane kanë theksuar se qeveria duhet të korrigjojë kursin në Kosovë. Sipas politikanit Kristian Rup qeveria deri më tash ka shpenzuar mjete të shumta për Kosovën pa një koncept të qartë politik.

 

Ai ka shtuar se janë dhënë shumë të holla për aktivitete të paefektshme si për shembull të shërbimit civil për paqe. Opozitarët e pushtetit gjerman kërkuan nga qeveria si një nga donatorët më të mëdhenj bilateral që ta ndërpresë menjëherë këtë kaos që gëlltit shumë para dhe të kujdesët që bashkësia shteteve të bjerë dakord për një kornizë të realizueshme që do të hapte përsepektiva të qarta për të gjithë etnitë në Kosovë.

 

 

Numri i të zhvendosurve nga të gjitha komunitetet pas trazirave në Kosovë është mbi 4000 persona

 

Prishtinë, 24 mars 2004 - Zyrtarë të administratës ndërkombëtare thanë dje se numri i të shpërngulurve nga të gjitha komunitetet pas trazirave të fundit në Kosovë vazhdon të jetë mbi 4000 persona. Zëdhënësi i administratës ndërkombëtare, Sunil Narula ka thënë se organizatat humanitare UNHCR-ja dhe organizatat e huaja joqeveritare po vazhdojnë përkujdesjen humanitare ndaj këtyre të zhvendosurve, ndërkohë që ata po vizitohen vazhdimisht nga krerët ndërkombëtarë dhe vendorë.

 

Shtëpitë e tyre të shkatërruara gjatë trazirave do të rindërtohen dhe përpjekjet për t'u afruar siguri po vazhdojnë në mënyrë që ata të kthehen në shtëpitë e tyre ku edhe u takojnë, ka thënë Narula. Ai tha se përveç komunitetit serb ka edhe të zhvendosur shqiptarë dhe ashkalinj. Deri më tash nga Mitrovica veriore janë zhvendosur 352 persona.

 

 

Krerët fetarë myftiu Naim Tërnava dhe imzot Mark Sopi shprehën keqardhje për djegiet e objekteve ortodokse

 

Prishtinë, 24 mars 2004 - Krerët fetarë të Kosovës myftiu Naim Tërnava dhe imzot Mark Sopi, duke lutur Zotin që të mos përsëriten ditët e 17 dhe 18 marsit, shprehën keqardhje për djegiet e objekteve ortodokse gjatë protestave në Kosovë. Ata thanë se kjo praktikë nuk ka qenë dhe nuk do të jetë më në natyrën e shqiptarëve.

Dy krerët e bashkësive fetare të Kosovës u shprehën ngushëllime familjarëve të viktimave të fundit, veçmas familjarëve të fëmijëve të fshatit Çabër, ndërkaq të plagosurëve u uruan shërim të shpejtë. Ata përkrahën nismën e Qeverisë së Kosovës që me një fond të ndarë të sanohen dëmet e shkaktuara gjatë trazirave, ndërkaq uruan që kjo gjendje të mos përsëritet kurrë më.

 

 

Dje në Shipol të Mitrovicë u varrosën katër shqiptërë të vrarë gjatë trazirave të 17 dhe 18 marsit

 

Mitrovicë, 24 mars 2004 - Dje në Shipol të Mitrovicë në prani të mijëra qytetarëve u varrosën viktimat e trazirave të 17 dhe 18 marsit në Mitrovicë: Ferit Çitaku, Fatmir Abdullahu, Isak Ibrahimi dhe Ajvaz Qadrolli. Në ceremoninë e varrimit kanë marrë pjesë edhe zyrtarë vendorë të komunës së Mitrovicës.

Nënkryetari i Kuvendit komuanal të Mitrovicës, Mursel Ibrahimi tha në ceremoninë e këtij varrimi se vdekja e tre fëmijëve bashkëkombas të tyre në ujërat e lumit Ibër, i shtyri këta martirë që në mënyrën më demokratike me anë të protestës të kërkojnë atë që i duhet qytetit tonë - bashkimi i tij pa dhunë.

Në emër të familjeve që humbën më të dashurit të tyre në trazirat e Mitrovicës foli Hysen Ibrahimi. Ai bëri thirrje që vrasje të tilla të mos përsëriten në të ardhmen.

Ceremonia e varrimit u përcoll me masa të jashtëzakonshme të sigurisë nga ana e KFOR-it dhe SHPK-së.
Dje në Ferizaj u bë varrimi i Ali Muhamet Murseli 16-vjeçar i vrarë gjatë trazirave të fundit në këtë qytet.

Ndërkaq sot në Varrezat e Dëshmorëve të Kombit në Prishtinë varroset trupi i luftëtarit të UÇK-së Agron Hasim Ramadani, i cili më 17 mars është goditur me armë zjarri gjatë kohës së protestave në Çagllavicë.

Po sot në orën 13.00 në fshatin Rezistencë, ish-Baincë e Elshanit të Drenasit u varrosen trupat e vëllezërve Kastriot dhe Bahri Elshanit të vrarë më 17 mars gjatë protestave kundër bllokimit të rrugës magjistrale nga rebelët serbë në Çagllavicë.

 

 

Forcat e KFOR-it kanë arrestuar Shukri Bujën, ish-komandant i UÇK-së dhe veprimtar i PDK-së

 

Lypjan, 24 mars 2004 - Forcat e KFOR-it kanë arrestuar dje në Lypjan Shukri Bujën, ish-komandant i UÇK-së dhe anëtar i Këshillit Drejtues të PDK-së. Pas luftës ka qenë komandant i Zonës VI të TMK-së.

Ai ishte ndaluar nga forcat e KFOR-it finlandez dhe pasi ishte bastisur vetura e tij ai është arrestuar. Tash për tash nuk dihen motivet e arrestimit të tij.

Zëdhënësi i BSHQ, kapiteni Anders Olsen citohet të ketë thënë se i arrestuari ose të arrestuarit e kanë rrezikuar Rezolutën 1244.

 

 

Xhozef dhe Moran thonë se deri më tash janë arrestuar 196 persona lidhur me trazirat e fundit në Kosovë

 

Prishtinë, 24 mars 2004 - Zëdhënësja e policisë së UBNIK-ut, Anxhela Xhozef dhe ai i KFOR-it Xhim Moran kanë njoftuar se deri më tash janë arrestuar 196 persona që dyshohen se kanë qenë të përfshirë në trazirat e fundit të shkaktuara në Kosovë. Por nuk është dhënë asnjë detaj se kush janë këta persona, të cilët ende mbahen në paraburgim.

 

 

Çarlls Brajshou pranon se një pjesë të përgjegjësisë për zhvillimet e fundit në Kosovë e bartë edhe UNMIK-u

 

Prishtinë, 24 mars 2004 - Zëvendëskryeadministratori i Kosovës Çarlls Brajshou ka pranuar se një pjesë të përgjegjësisë për zhvillimet e fundit i ka edhe Misioni i UNMIK-ut. Mirëpo, ai kërkon që këtë përgjegjësi ta marrë mbi vete edhe populli i Kosovës dhe liderët e tij politikë, sepse në këtë mënyrë do të mund të rikthehej besimi, i cili është dëmtuar rëndë, ka thënë Brajshou.

 

 

Kryesuesi i OSBE-së tha se dhuna në Kosovë mund ta shtyjë zgjidhjen e statusit final të Kosovës

 

Prishtinë, 24 mars 2004 - Kryesuesi i OSBE-së tha se dhuna në Kosovë mund ta shtyjë zgjidhjen e statusit final të Kosovës. Ministri i jashtëm i Bullgarisë Solomon Pasi tha se dhuna ishte planifikuar dhe e nxitur siç tha ekstremistët shqiptarë. Ai theksoi se fajtorët për dhunën duhet të ndëshkohen, ka deklaruar Pasti pas kthimit nga Kosova, ku u takua me sekretarin e përgjithshëm të NATO-s Jap Dehoop Shefer.

 

 

Kuvendi i Gjilanit shpreh keqardhje për atë që ndodhi më 17 e 18 mars

 

Gjilan, 24 mars 2004 - Kuvendi i Komunës së Gjilanit ka mbajtur të martën seancë të jashtëzakonshme, ku këshilltarët janë njoftuar me protestat e 17 e 18 marsit, nga kryetari i komunës, Lutfi Haziri, komandanti i KFOR-it, koloneli Riçard Xhonson si dhe komandanti i policisë, Izet Azizi. Kuvendi miratoi edhe një deklaratë për këto ngjarje.

Lufti Haziri tha se si pasojë e protestave të 17 e 18 marsit në Gjilan humbi jetën një qytetar (Sllobodan Periq), ndërsa u lënduan rëndë e lehtë 63 të tjerë, nga të cilët 59 ishin shqiptarë dhe 4 serbë. Disa prej tyre ndodhen ende në spitalin e Gjilanit dhe të Prishtinës.

Gjatë protestave dyditëshe janë lënduar edhe 15 policë (një prej tyre më rëndë), janë djegur 18 shtëpi dhe 19 automjete, nga të cilat 3 vetura të UNMIK-ut dhe një është dëmtuar.

Ai tha se ka kontaktuar me liderët e komunitetit serb, përmes telefonit dhe ka kërkuar prej tyre që të kthehen nëpër shtëpitë e veta dhe të kontribuojnë edhe ata në rikthimin e besimit dhe të tolerancës, për çka Gjilani ishte shembulli më i mirë deri tani në Kosovë.

Haziri e vlerësoi inkurajues faktin se disa nga serbët e zhvendosur janë të gatshëm të kthehen nëpër shtëpitë e tyre në qytet, sikundër edhe punëtorët e shërbimit civil komunal, por ata kërkojnë t`iu garantohet siguria.

Koloneli Xhonson nga kampi "Montith" në Gjilan, tha se pas asaj që ndodhi më 17 e 18 mars, KFOR-i ka rritur numrin e ushtarëve dhe të teknikës në terren dhe nuk do të lejojë të përsëriten aktet e dhunës. Tani, së bashku me SHPK-në po punohet në identifikimin dhe arrestimin e keqbërësve. "Ne po punojmë që t`i arrestojmë ata që manifestuan dhunë si dhe të tjerët që qëndruan pas tyre", ka thënë Xhonson.

Ky zyrtar i lartë ushtarak amerikan tha se ngjarjet e javës së kaluar do të mbeten gjatë në mendjet e qytetarëve, por është e domosdoshme tani që njerëzit këtu të kthehen nga e ardhmja dhe ardhmëria. KFOR- i do t`i vështrojë lëvijzet në qytet dhe nuk do të lejojë grupime më të mëdha se dhjetë persona. "Për fat të keq, ne duhet ta bëjmë këtë", ka pohuar koloneli Xhonson.

Ngjarjet e 17 e 18 marsit, nga kapiteni Izet Azizi, u vlerësuan sfida më e madhe për Shërbimin Policor të Kosovës, që nga formimi i tij. "Ne po kryenin detyrat tona rutinore dhe nuk kishim pritur se mund të ndodhte një përshkallëzim i këtillë i dhunës", tha komandanti i stacionit policor në Gjilan.

Në fund, Kuvendi ka miratuar edhe një deklaratë, përmes së cilës shprehet shqetësimi për ngjarjet e 17 e 18 marsit, të cilat filluan si reagim ndaj rastit të mbytjes së tre fëmijëve në Çabër dhe më vonë u përshkallëzuan në një manifestim të dhunshëm.

 

 

Udhëheqësit e Kuvendit të Komunës së Vushtrrisë vizituan komunën e Mitrovicës

 

Mitrovicë, 24 mars 2004 - Udhëheqësit e Kuvendit të Komunës së Vushtrrisë, Shemsi Hajrizi, zëvendëskryetar i Kuvendit të Komunës dhe Esret Uka, kryeshef i Ekzekutivit të Kuvendit të Komunës, kanë vizituar Kuvendin e Komunës në Mitrovicë, ku janë pritur nga zëvendëskryetari i Kuvendit të Komunës, Mursel Ibrahimi.

Udhëheqësit e Vushtrrisë me këtë rast, në emër të komunës së Vushtrrisë dhe qytetarëve të saj, u kanë shprehur ngushllime për katër martirët e vrarë në trazirat e javës së kaluar në Mitrovicë, familjeve të martirëve, qytetarëve të Mitrovicës dhe zëvendëskryetarit Ibrahimi.

Udhëheqja e komunës së Vushtrrisë ka thënë se qytetarët e Vushtrrisë kanë ndarë me qytetarët mitrovicas dhembjen për martirët e rënë dhe se janë interesuar shumë për ngjarjet në Mitrovicë, të cilat kanë reflektim të drejtëpërdrejtë edhe në komunën e tyre, dhe, përveq ndihmës morale, kanë ofruar edhe ndihmë tjetër, aq sa kanë lejuar mundësitë, si bie fjala ndihma e shërbimeve mjekësore në spitalin e tyre, dërgimi i automjeteve të zjarrëfikësve.

Zëvendëskryetari i Kuvendit të Komunës së Mitrovicës, Mursel Ibrahimi, ka falendëruar mysafirët për gjestin e shprehjes së ngushëllimeve për martirët e vrarë gjatë javës së kaluar dhe për ndihmën që kanë ofruar në momentet më të rënda për qytetitn.

Ibrahimi ka çmuar lart bashkëpunimin e mirë dhe të ngushtë midis dy komunave fqinje dhe ka premtuar intensifikimin e këtij bashëkpunimi në të mirë të qytetarëve të të dyja komunave.

 

 

Përkujtohen Latif Berisha dhe veprimtarët e tjerë të LDK-së në Mitrovicë

 

Mitrovicë, 24 mars 2004 - Dega e LDK-së në Mitrovicë, bashkë me Forumin e Rinisë dhe Forumin e Gruas, me rastin e 5-vjetorit të vrasjes së prof. Latif Berishës, kryetar shumëvjeçar i Degës, Agim Hajrizit ish-kryetar i Kuvendit të BSPK-së, Luan Muratit ish-anëtar i Kryesisë së Degës së FR dhe Sadat Pecit, kryetar i Nëndegës në Vllahi, organizoi një veprimtari përkujtimore, vizituan familjet e tyre dhe vunë kurora mbi varret e tyre.

Kurora nuk është mundur të vehet te varri i Agim Hajrizit, i cili gjendet në pjesën veriore të qytetit, për shkaqe të rrethanave të krijuar në Mitrovicë.

Ka qenë e planifikuar që të organizohet akademi përkujtimore për këta veprimtarë të lartë, por për shkaqe të ngjarjeve të ditëve të fundit i tërë ky aktivitet është ndërprerë.

Me gjithë këtë këshilltarët politikë të Presidentit të Kosovës Ibrahim Rugova, Sali Cacaj e Halit Muharremi kanë vënë kurora mbi varrin e prof. Latif Berishës në varrezat e Smrekonices.

 

 

Zbulohet një varr masiv në Tiranë

 

Tiranë, 24 mars 2004 - Një varr masiv në të cilin mendohet të jenë eshtrat e 17 kundërshtarëve të regjimit komunist, të dënuar në prill të vitit 1945, u zbulua në Tiranë nga një grup gazetarësh të Gazetës Shqiptare dhe të afërmish të të vrarëve. Zbulimi u bë falë dëshmive të mbledhura nga nipi i njërit prej të pushkatuarve dhe një banori të zonës i cili tregoi se natën e ekzekutimit kishte qenë aty pranë dhe kishte parë gjithshka.

Të 17 të pushkatuarait janë të dënuarit e gjyqit special të zhvilluar në vitin 1945 ndaj 60 ish funksionarëve të lartë të shtetit shqiptarë para dhe gjatë luftës. Mes tyre mendohet të jenë edhe eshtrat e Bahri Omarit, kunatit të diktatorit Enver Hoxha.

Tashmë familjarët e të vrarëve kanë kërkuar bahkëpunimin e autoriteteve për të bërë edhe përcaktimet shkencore.

Pas vitit 1990 në Shqipëri janë gjetur varret e shumë kundërshtarëve të diktatorit Hoxha, mes të cilëve dhe ai i Mehmet Shehut, të gjithë të ekzekutuar dhe me pas të varrosur në vende të panjohura.

 

 

Kryeministri serb edhe në Bruksel kërkoi kantonizimin e Kosovës

 

Bruksel, 24 mars 2004 - Shefi i BE-së për Politikë të Jashtme dhe Siguri Havier Solana pohoi dje në Bruksel se ngjarjet e fundit në Kosovë dëshmojnë se të drejtat e pakicave atje nuk respektohen. Prandaj, tha ai, "jemi të detyruar të mendojmë se çfarë duhet të ndërmarrim, çfarë mënyra të tjera duhet të gjejmë për të ndryshuar këtë gjendje".

 

Këto komente z. Solana i bëri pas takimit me kryeministrin serb Vojisllav Koshtunica. Ky i fundit edhe me këtë rast kërkoi kantonizimin e Kosovës. Ai spekuloi, duke i krahasuar ngjarjet e Kosovës me 11 shtatorin e Nju-Jorkut dhe 11 marsin e Madridit! Koshtunica ka thënë se aktulaisht nuk është koha e përshtatshme për të biseduar për statusin final të Kosovës.

Shefi i politikës evropiane theksoi me këtë rast se gjatë vizitës së tij të sotme në Kosovë do të përpiqet të gjejë mundësinë e rifillimit të dialogut ndërmjet Prishtinës dhe Beogradit me qëllim që të rifitohet besimi i ndërsjellt si dhe të rivendosat vlerat themelore të politikës së BE-së në vendin tonë, siç është e drejta e minoriteteve për të jetuar të sigurta dhe të lira.

 

 

Romano Prodi i bëri thirrje Koshtunicës që të mosë mos përsëriten aktet e dhunës

 

Bruksel, 24 mars 2004 - Kryeministri serb Koshtunica u takua edhe me presidentin e Komisionit Evropian Romano Prodin. Ky i fundit i bëri thirrje Koshtunicës që të përdorë autoritetin e tij për ndalur përsëritjen e akteve të dhunës në të ardhmen. Prodi gjithashtu i tha kryeministrit serb se bashkëpunimi i Serbisë me Gjykatën e Hagës është esencial dhe parakusht për pranimin e këtij vendi në organizmat evropian. Pas takimit me Prodin, Koshtunica tha se kantonizimi i Kosovës do të ishte garancë për të drejtat e serbëve dhe minoriteteve tjera.

Ema Advin, zëdhënëse për çështje të jashtme e Komisionit Evropian, ka thënë se nuk mund të përkrahet kantonizimi i Kosovës që është kundër implementimit të Rezolutës 1244 të OKB-së që drejton statusin e Kosovës për momentin.

 

 

Në dy sulme kryengritësit kanë vrarë 11 policë irakianë

 

Bagdad, 24 mars 2004 - Kryengritësit kanë vrarë dje në pikë të ditës në dy sulme të veçanta 11 policë irakianë, bën të ditur në një njoftim të sotëm (e merkurë) Rojter. Incidnti i parë ka ndodhur afër vendbanimit Hilla, në jug të Bagdadit kur personat e armatosur kanë shtënë nga një Opel i kuq në minibusin, që transportonte policët, ku u vranë 9 policë dhe u plagosën edhe dy të tjerë, ka thënë polocia vendore. Gati në të njëjtën kohë, në një incident tjetër janë vrarë edhe dy policë dhe janë plagosur dy të tjerë afër qytetit Kirkuk, ka thënë policia.

 

 

Ambasada amerikane në Emiratet e Bashkuara Arabe ka suspenduar punën

 

Dubai, 24 mars 2004 - Ambasada amerikane në Emiratet e Bashkuara Arabe ka thënë të merkurën se ka suspenduar punën për shkak të, siç e ka quajtur, një kërcënimi specifik, njofton Rojter. Ambasada nuk ka dhënë detaje më të hollësishme.

 

 

Tanket izraelite kanë hyrë në një kamp të refugjatëve palestinezë në Gaza

 

Gaza, 24 mars 2004 - Tanket izraelite kanë depërtuar sot (e merkurë) në një kamp të refugjatëve palestinezë në Gaza, njofton Rojter. Nuk njoftohet për viktima. Ndërhyrja ka ndodhur në një kohë kur Uashington ua ka tërhequr vërejtjen amerikanëve në Lindjen e Mesme dhe në Afrikën veriore për kërcënimet për sulme pas vrasjes nga ana e Izraelit të liderit të Hamasit, Ahmed Jasin.

 

 

Uashington: Dëshmi publike për sulmet e 11 shtatorit

 

Uashington, 24 mars 2004 - Një komision i posaçëm që po heton sulmet e 11 shtatorit 2001, i dha fund ditës së parë të procesit të marrjes në pyetje të zyrtarëve të adminsitratave të Presidentit Bush dhe ish Presidentit Klinton.

Komisioni po zhvillon seanca me pyetje përgjigje për të mësuar se pse shërbimet amerikane të zbulimit nuk arritën të parandalonin sulmet që shkaktuan vdekjen e më shumë se 3 mijë njerëzve.

 

Sekretari i Mbrojtjes, Donald Ramsfeld, i tha komisionit se nuk ishte i vetëdijshëm për ekzistencën e ndonjë informacion zbulimi gjatë muajve para sulmeve të 11 shtatorit se terroristët do të rrëmbenin avionë dhe t=i përdornin ata për të goditur Qendrën Botërore të Tregtisë dhe Pentagonin.

Ai tha se nuk ka garanci që kapja e udhëheqësit të al-Kaidës, Osama bin Ladenit, do të kishte parandaluar sulmet.

 

 

Autoriteti Palestinez: Vrasja e Jasinit është krim lufte

 

Nju Jork, 24 mars 2004 - Përfaqësuesi i përhershëm palestinez me statusin e vëzhguesit në Kombet e Bashkuara tha se vrasja e udhëheqësit të grupit Hamnas nga Izraeli është krim lufte.

Naser al-Kidva i tha të martën Këshillit të Sigurimit se ai mban Izraelin përgjegjës për pasojat që mund të rrjedhin nga vrasja e Sheikut Ahmed Jasin.

Në hapjen e debatit të Këshillit, ambasadori i Izraelit në OKB, Dan Gillerman, tha se është detyra e qeverisë së tij të mbrojë qytetarët e saj nga kërcënimi terrorist. Ai tha se udhëheqja palestineze ka dhënë prova se nuk ka në plan të luftojë terrorizmin.

Pritet që mbi 40 vende të marrin pjesë në sesionin e Këshillit të Sigurimit.

 

 

Bush kundërshton akuzat për Al-Kaidan

 

Uashington, 24 mars 2004 - Presidenti amerikan Xhorxh Bush ka kundërshtuar me forcë akuzat se ka injoruar kërcënimin që vinte nga Al-Kaida para sulmeve në vitin 2001 në Nju Jork e Uashington.

Ai po i përgjigjej pretendimeve të bëra nga një ish-ndihmës i tij se presidenti Bush kishte qenë tepër i preokupuar me Irakun dhe nuk vuri re kërcënimin që po rritej nga Al-Kaida.

Zoti Bush tha se, nëse do të kishte pasur informacione, ai do të kishte vepruar.

Ai u mbështet edhe nga dy pjesëtarë të lartë të administratës së tij që dhanë dëshmi para një komisioni kongresual në Uashington i cili po heton rrethanat e sulmeve.

 

 

Gjatë një shkëmbimi zjarri në Falluxha janë vrarë 3 civilë

 

Bagdad, 24 mars 2004 - Në qytetin irakian, Falluxha, kryengritësit kanë sulmuar sot (e merkurë) një patrullë amerikane dhe gjatë një shkëmbimi zjarri janë vrarë tre civilë, kurse janë plagosur edhe tre të tjerë, kanë thënë dëshmitarët dhe mjekët, njofton AP. Ky incident ka ndodhur pas dy sulmeve të mëparshme në jug të Bagdadit, në të cilat u vranë 11 policë irakianë.

 

 

Në një kamp ushtarak në Afganistan, aksidentalisht janë vrarë 4 ushtar