|  KULTURË  |  HISTORI  |   POLITIKË  |  OPINIONE  |  ADRESARI  |  ARKIVI  | 

OPINIONE

PROTESTAT E 17 MARSIT NGUSHËLLIM APO MASHTRIM(?!)

23 mars 2004 / TN

 

Petrit SHALA, Prishtinë

 

Për të pasur efekt protestat duhet të kenë një qellim. Pra, qellimi  mbi të cilat janë mbështetur protestat e këti Marsi nuk ekzistonte. Edhe po të ekzistonte qellimi, ai nuk u tha hapur, e as tërthorë nga askush. Veç sa dolen në skenë, edhe kësaj here, ata individë që janë mësuar, si gjithmonë, ta shfrytëzojnë tragjedinë shqiptare për promovime të veta. Promovime këto me tone të një patriotizmi të rrëm. Mirëpo, ajo që u kuptua kësaj radhe ishte se në Kosovë ekziston një hendek i thellë në mendimin politik, qoftë të individi si qytetar, apo brenda kastës së intelektualëve. Sepse, asnjëri nuk pati kurajo qytetare, politike, analitike për t´i thënë hapur gjërat; çafrë ndodhi në Kosovë me 16, 17,18 mars? Ishim për ngushëllim apo, ishim të mashtruar?

Edhe pse tani me dhimbje të thellë duhet të kapërdijmë lotët për viktimat, është koha të themi, kush na mashtroj, përse u mashtruam, dhe a e kemi ditur se dikush brenda shoqërisë sonë është duke na e shtie hilen. A duhet qytetarët shqiptarë sot ta kapërdijnë turpin se nuk ditën të mbrohen në momentin e duhur. Tani doli hapur sa fjetur paskemi qenë, doli lakuriq paftësia e jonë kur e kemi nënçmuar shërbimin sekret serb, i cili para disa muajsh na bëri me dije se i ka njerëzit e vet në Kosovë. Por kësaj radhe u zhvesh lakuriq edhe qytetari i ynë i cili për inat të individit, po e bën Kosovën kurban, e herë për interesa karieriste.

Nuk ka dyshim që masakra ndaj tri fëmijëve në Çabër, e kryer dhe programuar mirë nga segmentet kriminale serbe, ishte hapi i ri i Beogradit, pasi ajo karta me bllokimin e rrugëve ju kishte djegur. Qudia erdhi se, pse ajo gjeti mbeshtetje edhe në Kosovë? Si ia arriti qellimit ti provokoj shqiptarët, që para botë të krijohet një imazh negativ. Gjithë ketë mendojmë se Serbia s´do t´ia arrinte sikur mos ti fuste njerëzit e vet në lëvizje.

Dhe, si ia arriti qellimit?!

E para, Serbia për t´ia arritur qellimit planin e vet e mbeshteti tek miqët e vjetër dhe më besnik që ka brenda përbrenda shqiptarëve. Pak ditë më parë me ndërmjetësimin e UNMIK-ut, u ftua në Kosovë Fatos Nano i cili duhej luajtur rolin e një katalizatori. Ai gjithmonë në momentin më të duhur i ka shërbye Serbisë. Ardhja e tij në Kosovë, ishte e programuar mirë. Në pritje, me fytyra plotë buzëqeshje dhe të entuziasmuar ishin Jakup Krasniqi, Veton Surroj e disa bashkëmendimtarë të tij. Instruksionet e Nanos, se Rugova dhe bashkëmendimtarët e tij mund të bijnë vetëm pasi në Kosovë të ndodhë një revoltë, si në vitin 1997 në Shqipëri. Për t´i prirë kësaj revolte, duhet një shkas, sado edhe i dhimbshëm qoftë ai. "Shkakun" e kishte marrë për sipër ta përgadiste Serbia.

 

Duke njohur mentalitetin shqiptar Serbia, gjeti pikën me të ndishme të njeriut, e sidomos të shqiptarit, t´ia vrasesh fëmijët. Populli reagoj më të drejtë për ato tri jetra të fëmijëve të mbytur në lumin Ibër nga dora gjakatare serbe. Për orë të tëra shqiptarët protestuan kundër një masakre të tillë. Mirëpo, duke parë se erdhi shansi i mirë të jetësohet porosia që ua kishte dhënë Nano, mendimtarët e tij derguan një kokudh mes protestuesëve. Porosia ishte drejtë vdekjës. Protestuesit shqiptar me duarë thatë e nisën në drejtim të pjesës Veriore të Mitrovicës, ku banorët serb atje janë të armatosur. Në ketë përleshje mes shqiptarëve dhe serbëve ranë viktimat e para.
Mirëpo, sipas planit serb të miratuar nga Nano dhe kukudhet e tij, kjo që po ndodhte në Mitrovicë ditën e parë, ishte pak. Duhej ndodhur diçka ngjajshem si në Shqipërin e "Revolucionit të vonuar demokratik" të vitit 1997. Atje gjatë asaj kohe u hapen depot e armeve. Në Kosovë depotë i ruan KFOR-i.

E çka tash?

Tash duhet kaluar në variantin tjetër. Të fillohet më djegëjen e gjithë atyre vlerave kulturore e historike që ka Kosova, sepse ateherë do të iritohen ndërkombëtarët dhe NATO-n. Me ketë do të dalin fitues serbia dhe Nano, kurse humbës do të janë shqiptarët. Serbët do të dalin fitues sepse me miqët e tyre që i kanë, Rusin dhe Francen, do të arrijnë ta sensibilizojnë opinjonin ndërkombëtar se shqiptarët janë vandalista. Kurse qellimi i Nanos ishte, që me djegëjen e Kosovës Bashkësia Ndërkombëtare të fokusoi vemendjen në Kosovë, e jo në protestat që sa po vinin e intensifikoheshin në Shqipëri. Për ta realizuar ketë plan Nano Serbia, ai kërkoj ndihmë nga bashkëpuntoret dhe bashkëmendimtarët e vet në Kosovë. Ishte ky një borgj që duhej kthye Nanos, si kompenzim i atyre ndihmave që ua kishte bër ai heronjëve të Rognerit gjatë vitit 1999. Me këto këshilla të mira, dhe premtime se do ta qonin deri në fund planin e tij, Nano u largua nga Kosova. Nano për hater të naniçve kosovarë u mundua të parodizoj edhe më Rugovën. Ju kujtohet kur më një buzqeshje cinike tha se pavarësija e Kosovës nuk është aq formale.

Lozha e dytë që e orientoj revolten e pakontrolluar, ishte RTK-ja dhe mjetet e informit, që fatkeqësisht askush nuk po merr guxim ta thotë. Ju kujtohet, posa erdhen lajmet nga Mitrovica për viktimat e para, në Prishtinë u vuan në veprim mekanizmat që po rrinin gati për të keqen kosovare. Këtu fillimisht rolin kryesor do ta marrë RTK-ja, dhe disa individ në Unionin e studentëve të Prishtinës. Për ta lëvizur RTK-në, në shërbim të kësaj të keqe, themeluesi i FQK-së, i thirri kukudhet e vet, ua dha planin me të keq të veprimit për situata të tilla. Uninonin e studentëve të Prishtinës, e vente në lëvizje binomi i Jakup Krasniqit, Gani Morina. Dueti RTK-Gani Morina me megafon, me transmetim të drejtpërsedrejti, i ftonte qytetarët për një viktimizim të shenjtë për Çagllavicën. Se ky skenar që po e zbatonte RTK-ja me Gani Morinën (e jo studentet), kishte lidhje me shërbimin sekret serb, tregon ngjajshmëria e transmetimeve të RTS-së të vitit 1989 në Temishvar, dhe transmetimi që e bënte RTK-ja nga Çagllavica dhe qytetet e Kosovës.

Tjetra, RTK-ja në emisionet e veta pa ndërpre përveq pamjeve që nxjerrte nga tereni, ajo  ftonte gjeja personalitete publike dhe analist në emisione të posaqme. Këto përsonalitet për t´ia nxjerrur bojen RTK-së dhe formuesit të FQK-së, çthurin dhe thurin pa kuptim mendime qoroditës politike. A nuk ishte Halil Matoshi, ai i cili në një prononcim si mysafirë i RTK-së e zbuloj se pikërisht RTK-ja dhe A. Demaqi qendrojnë prapa gjitha këtyre çfarë ndodhen në Kosovë?  Halil Matoshi si analist tha: Pse nuk e keni ftuar A. Demaqin, ai do ta ndalte menjëherë revolten. Pra, sipas tij dhe RTK-së, ai i paska vua në lëvizje mekanizmat qoroditës të revoltës, dhe ai mund ta ndal.

Me këto veprime, autorët e këtyre revoltave, u bën shërbëtorë të një lozhe pseudopolitikanësh dhe pseudointelektualësh, të cilët gjithë ditën po mundohen ta bëjnë copë e grimë çështjen shqiptare, duke ia mveshur asaj edhe karakterin vandalist me qellime të caktuara dhe në shërbim të Beogradit. Ndoshta, frymëzuesit e këtyre revoltave duke e shfrytëzuar tragjikën familjare të  familjeve në Çabër, u munduan t´ia arrin qellimit duke krijuar disponim antishqiptar tek faktori ndërkombëtar. Sa ia arriten kësaj, mbetet të pritet sjellja e ndërkombëtarve ndaj Kosovës në të ardhmen.

Edhe një herë, problemi themelor, tek klasa politike në Kosovë, është niveli i ulët i kulturës politike të të konkuruarit të alternativave. Në vend të kësaj, intelektualët dhe politikanet tanë zbatojnë thënjen popullore; " Për inat seme re, me vdekt djali", ose, për inat të kundërshtarit politik, vdekt Kosova, thonë ata.