Nouvelle page 1

Lidhja e Intelektualëve Shqiptaro-Amerikan të Miçigenit përmes një deklarate i drejtohet qytetarëve të Kosovës dhe opinionit ndërkombëtar

Detroit (SHBA), 22 mars 2004 / TN
Kryesia e Lidhjes së Intelektualeve Shqiptaro-Amerikan në shtetin Michigan të SHBA-së, në mbledhjen që mbajti 19 Mars 2004, në Detroit, nën drejtimin Dr. Marjan Demës kryetar të LISHA-së pasi diskutoi për ngjarjet e ditëve të fundit në Kosovë, vendosi unanimisht ti drejtohet qytetarëve të Kosovës dhe opinionit ndërkombetarë me një deklaratë në të cilën thuhet:
Sa me shpejt të jetë e mundur që qytetarët e Kosovës, perfshirë edhe minoritetin serb, të ndalojnë protestat e dhunëshme dhe t'i rikthehen jetës normale.
T'u jepet fund bllokimit të rrugëve dhe të vendoset menjëherë rendi dhe qetësia, duke vënë para përgjegjësisë shkaktarët.
Të rivendoset rendi dhe qetësia në të gjitha pjesët e Kosovës, pa nevojën e vendosjes së kufizimit të lëvizjeve. Te gjitha subjektet politike dhe jopolitike te shtrijnë ndikimin e tyre qe gjendja të qetësohet sa më parë, ndërsa institucionet demokratike të Kosovës ti drejtohen forumeve nderkombetare per për të përshpejtuar procesin e zgjidhjes së statusit politik të Kosovës .
Pakënaqesitë dhe problemet e grumbullara të zgjidhen nëpërmjet të institucioneve demokratike të Kosovës. Apelojmë posaqërisht te të rinjet që të krijojnë klimën e përshtatshme dhe të angazhohen maksimalisht në normalizimin e gjendjes në Kosovë.
Organet ligjore të nxjerrin mësimet e duhura dhe të jenë më azhur në zbatimin e ligjit.
Nga komuniteti ndërkombëtarë kërkojmë që, sa më shpejtë të zgjidhet statusi i Kosovës, sipas përcaktimit të vullnetit politik të popullit të Kosovës.
Të bëhen përpjekje për të evidentuar ata që ushtrojnë dhunë me vetëdije, që janë duke dëmtuar rëndë të ardhmen dhe interesat e Kosovës.
Mediumet e informimit masiv të bëjnë përpjekje për pasqyrimin sa më real të gjendjes duke përfshirë mendimin e opinionit publik për tejkalimin sa më të shpejtë situatës ekzistuese dhe kthimin e jetës në rrjedha normale.
Duke e perfunduar këtë deklaratë-thirrje, Intelektualet Shqiptaro-Amerikan u shprehin ngushëllime familjarëve që humbën më të dashurit e tyre, ndërsa të gjithë të lënduarëve u dëshirojmë shërim sa më të shpejt.